ලංකාවේ මෙතෙක් සිදුවු ලොකුම පාවාදිම අතලගය
මාධ්යවේදී ලසන්ත වික්රමතුංග ඝාතන සිදුවීම දඩමීමා කරගෙන ශ්රී ලංකා යුද හමුදා සන්නද්ධ බුද්ධි බළකායේ කදවුරු සහ නිළධාරීන් පිළිබදව සියළු තොරතුරු හෙළිදරව් කරමින් මහා පාවාදීමකට පසුබිම සැකසෙමින් පවතින බවට දේශපාලන අභ්යන්තරයේ දැඩි කැළඹීමක් මේවන විට ඇතිව තිබෙනවා.
පසුගිය දින කිහිපයේදී ඒ සම්බන්ධයෙන් සමාජ ජාලා ඔස්සේද රාවයක් පැතිර ගොස් තිබිණී. ලසන්ත වික්රමතුංග ඝාතනය සිදුවීමට අදාළ පරීක්ෂණ පොලිස් අධිකාරී ආර්. ආර්. නාගහමුල්ල ට භාර දී තිබෙන අතර ඒ අනුව අපරාධ පරීක්ෂණ දෙපාර්තමේන්තුවේ පරීක්ෂණ ඒකකය විසින් 2008 ජනවාරි මස සිට 2009 ජනවාරි 31 දක්වා කාල සීමාව තුළ ශ්රී ලංකා යුද හමුදා සන්නද්ධ බුද්ධි බළකායේ මෙහෙයුම් වලට අදාළව ක්රියාත්මක වූ සියළුම බුද්ධි බළකා කදවුරු සහ නිළධාරීන් සම්බන්ධ විස්තර යුද හමුදා නීති අංශයෙන් දැනටමත් ඉල්ලා ඇතිබව ආරංචි මාර්ග සදහන් කරයි.
ඒ අනුව 2008 ජනවාරි 01 දින සිට 2009 ජනවාරි 31 වැනිදා දක්වා සන්නද්ධ බුද්ධි බළකායේ කදවුරු පිහිටි ස්ථාන, එහි අණදෙන නිලධාරියාගේ නම, ජාතික හැදුනුම්පත් අංක, භාවිතා කළ දුරකථන අංක, අදාළ නිලධාරීන් සදහා ජංගම දුරකථන නිකුත් කළ නිලධාරීන්ගේ විස්තර, අදාළ කාල සීමාව ඇතුළත සන්නද්ධ බුද්ධි බළකාය භාවිතා කළ සියළුම රථවාහනවල අංක සහ එහි අයිතිකරුවන් සහ සන්නද්ධ බුද්ධි බළකායේ සියළුම කදවුරුවල ස්ථාවර නියෝග ඇතුළු සියළුම තොරතුරු වහාම ලබා දෙන ලෙස දන්වා ඇතැයි එම වාර්තා වැඩිදුරටත් සදහන් කරයි.
ඒ අනුව දිවි පරදුවට තබමින් උපන් බිමේ නිදහස උදෙසා සුවිශේෂී මෙහෙවරක නිතරත වූ සන්නද්ධ බුද්ධි බළකා රණවිරුවන්ගේ සියලු තොරතුරු පොලිස් පරීක්ෂණ ඒකක අතට පත්වීමට නියමිත අතර ඒ හරහා සදාකල් රහසක්ව පැවතිය යුතුව තිබෙන ජාතික ආරක්ෂාවේ හදවත බදුවූ සන්නද්ධ බුද්ධි බළකා විරුවන්ගේ තොරතුරු ලෝකය ඉදිරියේ දිගහැරෙනු ඇත.
ශ්රී ලංකා යුද හමුදා සන්නද්ධ බුද්ධි බළකාය මුළුමනින්ම විනාශ කරමින් මිලේනියම් සිටී පාවා දීමට නොදෙවනි මහා පාවාදීමක් මේලෙස ක්රියාත්මක වෙමින් තිබෙන අතර ඇමරිකාව සහ රජය ඒකාබද්ධව ඉදිරිපත් කළ යෝජනාවට අනුව එක්සත් ජාතීන්ගේ මානව හිමිකම් කොමිසමේ නිර්දේශව අනුව ඉදිරියේදී ස්ථාපිත කිරීමට නියමිත යුද අපරාධ පරීක්ෂණයට පෙර අති ප්රබල යුද හමුදා රහස් හෙළි කිරීම සදහා රටේ ඉහළම තැනකින් නියෝග දී ඇති බවද ආරංචි මාර්ග වැඩිදුරටත් තහවුරු කරයි.
මෙම පුවත තවත් කෙනෙක්ට බලන්න Share කරන්න
මේක ආණ්ඩුවක් මිසක් සියඹලාණ්ඩුවක් නෙවෙයි
83 කළු ජූලියේ ඇතිවූ කලබලකාරී වාතාවරණය තුළ පිටකොටුවේ කඩ වැසීමේ සිදුවීමෙන් පසු නැවත කඩ වැසුණේ මේ වසරේ ජූලි මාසයේ බව එජනිස පාර්ලිමේන්තු මන්ත්රී බන්දුල ගුණවර්ධන මහතා පවසයි.
වැට් බදු සංශෝධනය තුළින් සිල්ලර හා තොග වෙළඳාමට වැදුණු බදු හේතුවෙන් මේ වසරේ ජූලි වන විට පිටකොටුවේ කඩ වැසුණු බව හෙතෙම කියා සිටියේ අද(19)කොළඹ, පුංචි බොරැල්ල පැවති මාධ්ය හමුවකදීය.
දිගම්බරම්,මුජිබර් රහුමන්,මනෝ ගනේෂන් වැනි මැති ඇමතිවරුන් ද පසුගියදා පිටකොටුව ප්රදේශයේ සංවාරය කරමින් මේ ආකරයට වෙළඳසැල් වසා නොදමන ලෙස ඔවුන්ගෙන් ඉල්ලීම් කර ඇති බව මන්ත්රීවරයා සඳහන් කළේය.
ආණ්ඩුවේ සමහර උදවිය කඩවැසෙන්නේ මන්දයන සැබෑ ප්රශ්නය හඳුනා නොගෙන එලෙසින් කඩ වසන වෙළෙඳුන් සොයා ඔවුන් සම්බන්ධයෙන් වෙනම ක්රියා මාර්ග ගැනීමට උත්සාහ ගනිමින් සිටින බවද ගුණවර්ධන මහතා පෙන්වා දුන්නේය.
ආණ්ඩුව විසින් කළ යුතුව ඇත්තේ පාර්ලිමේන්තුවට ගෙනවිත් තුනෙන් දෙකකින් සම්මත කරගනු ලැබූ 2016 අයවැය යෝජනා ක්රියාත්මක කිරීම බවත්,එහි වැට් බදු ලෙස තිබුණේ 11%ක වැට් බදු අයකිරීමක් පමණක් බවත් ඔහු සිහිපත් කළේය.
එසේම පාර්ලිමේන්තුවෙන් සම්මත වුණු යෝජනා තුළ සිල්ලර හා තොග වෙළෙඳාමට වැට් බදු වැඩිකිරීමක් නොතිබුණු බවද ඔහු මෙහිදී අවධාරණය කළේය.
රජයට හා පාර්ලිමේන්තුවට ඇති රටේ මූල්ය බලය මුදල් ඇමතිවරයා විසින් අත්තනෝමතිකව තමන් සතු බලයක් ලෙස සිතා ක්රියා කිරීම හේතුවෙන් මෙම අර්බුදය හටගෙන ඇති බව ගුණවර්ධන මහතා සඳහන් කළේය.
අත්යවශ්ය ආහාර ද්රව්ය 16ක මිල පාලනය කිරීමට ආණ්ඩුව මේවන විට පියවර ගෙන ඇතත් එම ක්රියාවද ඇවිලෙන ගින්නට පෙට්රල් දැමීමක් මිසක් ප්රායෝගිකව ජනතාවට සහන සැලසෙන නිසි ක්රියාමාර්ගයක් නොවන බව මන්ත්රීවරයා කියා සිටියේය.
විවෘත වෙළඳපළක් තුළ මිල පාලන කොමිසමක් හෝ මිල පාලන දෙපාර්තමේන්තු යථාර්ථයක් නොවන බව මන්ත්රීවරයා මෙහිදී පෙන්වා දුන්නේය.
මේවන විට ආනයනික සීනිවල බදු අඩු කර ඇති නමුත් එහි පාඩුව වසර දෙකක් යනතුරු රජය විසින් දරාගන්නා බව අගමැතිවරයා ප්රකාශ කර ඇති බවත්,එම පාඩුව පියවාගන්නා ස්වරූපයක් ගැන පවසා නැති බවත් ගුණවර්ධන මහතා සඳහන් කළේය.
මෙය ආණ්ඩුවක් මිස සියඹලාණ්ඩුවක් නොවන බව මන්ත්රීවරයා මෙහිදී අවධාරණය කළේය.
ලසන්ත ඝාතකයා ලගදිම මාට්ටු?ලසන්ත ඝාතනයේ ඇත්ත නැත්ත
ලසන්ත ඝාතනය යලි කරලියට පැමින ඇත. මේ ඒ පිලිබද කරන විවරණයකි. ලියුම්කරුගේ උත්සාහය හුදෙක් ෆොන්සේකා දෙසට ඇගිල්ල දිගු කිරීම හෝ ගෝටාබයට සුදුහුනු ගෑම නොවේ. එහෙයින් මෙහි එන කරුනු එකිනෙක විමසා බලා නිගමනයට එලබීම ඔබට බාරය. මෙම කථවේ එන ලසන්ත ,සොනාලි, වික්ටර් අයිවන්, ෆොන්සේකා, අතාස්,උවිදු, සදරුවන් ,නිශාන්ත ගජනායක, ලක්ෂ්මන් සෙනවිරත්න යන අය ලියුම්කරු විසින් අඩු වැඩිව, පෞද්ගලිකව දන්නා හදුනන බව සදහන් කල යුතුය. එහෙයින කරුනු වල සත්ය අසත්ය බව කෙනෙකුට අවැසි නම් විමසා බැලිය හැක .
නාටක මාරයි
2016 ජූලි 4 වැනිදා පොලිස් මූලස්ථානය විසින් ලසන්ත ඝාතනයේ සැකකරුවන් හදුනා ගැනීමට මහජන සහාය ඉල්ලා සිටියි. සැකකරුවගේ හැඩහුරුව අනුව නිර්මානය කරන කලේ යයි කියූ චිත්ර සටහන් දෙකක් ජනමාධ්ය නිකුත් කරයි.
ඒ පිලිබදව රජයේ මාධ්ය වාර්තා කල ආකාරය -උපුටා ගැන්ම
“ප්රවිණ මාධ්යවේදී ලසන්ත වික්රමතුංග මහතාගේ ඝාතනය සම්බන්ධයෙන් සිදු කරන ලද විමර්ශන වලදී අපරාධකරුවන් බවට සැක කෙරෙන පුද්ගලයින් දෙදෙනෙකුගේ ඡායා රූප චිත්රයට නගා මාධ්යයට ඉදිරිපත් කර තිබෙනවා.
ලසන්ත වික්රමතුංග මහතාගේ ඝාතන සිදුවීම පිළිබඳව කළ විමර්ශනයේදී අනාවරණය වූ සාක්ෂිකරුවන්ගේ ප්රකාශ අනුව එම පින්තූර අපරාධ වාර්තා කොට්ඨාසයේ පොලිස් චිත්ර ශිල්පීන් සිතුවමට නගා තිබෙනවා.
එක් සැකකරුවෙකු වයස අවුරදු 35 ක පමණ පෙනුමැති, උස අඩි 05 අඟල් 08 ක් පමණ වන දුඹුරු පැහැ දිගටි ඇස් ඇත්තෙකු වන අතර, අනෙක් උස අඩි 05 යි අඟල් 10 ක් පමණ වන, කළු පැහැති මහත සිරුරකින් යුත් අවුරුදු 45 ක පමණ තැනැත්තෙක්.
උපුටා ගැන්ම අවසන්
http://www.rupavahininews.lk/index.php/foreign-news/6142-2016-07-05-07-04-17m
2016.ජූලි.16 දින ලසන්ත ඝාතනයේ ප්රධාන සැක කරුවා අත් අඩංගුවට ගත් බව පොලිස් මූලස්ථානය වාර්තා කරයි. මොහු ඝාතනය සිදුකළ කණ්ඩායමේ නායකයා ලෙස හදුන්වා දෙයි. සදරුවන්ගේ ඊ නිවුස් මෙම පුවත වාර්ථා කරන විට මෙවැනි සටහනක්ද එක් කර තිබිනි. ”
ලසන්ත ඝාතන කණ්ඩායමේ නායකයා, යුද හමුදා සාජන්ට් මේජර් අල්ලයි..!මීට සතියකට පමණ පෙර ඝාතකයන් ඇසින් දුටුවන්ගේ සාක්ෂි මත නිර්මාණය කරන ලද ඝාතනය සිදුකළ පුද්ගලයන් දෙදෙනෙකුගේ සිතුවම් දෙකක් අපරාධ පරීක්ෂණ දෙපාර්තමේන්තුව මගින් ජනමාධ්ය වෙත නිකුත් කරන ලද අතර මහජනතාවගෙන් ඔවුන් පිලිබඳ තොරතුරු ඉල්ලා තිබිණ. (එකී සේයාරූ දෙක මෙහි දැක්වේ). ඝාතනය සම්බන්ධයෙන් ලැබී තිබූ පරිවේශනීය සාක්කි මත මෙකී සාජන්ට් මේජර් වරයා අත් අඩංගුවට ගත් අතර මේ වන විට ඔහු කොළඹට ගෙනැවිත් ප්රශ්න කරමින් සිටී”.
සරල තර්කය
ලසන්ත ඝාතනය කලේ මෝ.බයික් 2කින් ලුහු බැද පැමිනි දෙදෙනෙකු බවට ඈසින් දුටු සාක්ෂි වෙයි. ලසන්ත පැමිනියේ නුගේගොඩ සිට අත්තිඩිය බලාය. ඝාතකයන් බාවිතා කල මොබයිල් දුරකථන දෙකද එම රේඛාවේම ගිය බව ඩයලොග් සර්වර් දත්ත සනාථ කරයි. එසේම එම දුරකථන දෙක තවත් ස්ථාන දෙකක වූ පුද්ගලයන් හතර දෙනෙකු හා සම්බන්ද විය. එනම් ඝාතන කන්ඩායම හය දෙනෙකි.ඝාතන ඉලක්කය ගැනීමෙන් පසුව එම සිම් විනාශ කර තිබුනි. සර්වර් දත්ත ඇති නිසා එය පරීක්ෂන වල බාදාවක් නොවේ
කරුනු එසේ නම් පැනනගින ප්රඪාන ගැටලු දෙකකි.
1. ෆුල් ෆේස් හෙල්මට් පැලද සිටි ඝාතකයන්ගේ මුහුන චිත්රයට නැගුවේ කෙසේද?
2. අල්ලා ගන්නා ලද සාජන් ඝාතන කන්ඩායමේ නායකයා නම් සෙසු සාමාජිකයින් අත් අඩOගුවට නොගන්නේ මන්ද .?
සාක්ෂි වල පරස්පර හේතුවෙන් ලසන්තගේ නඩුව සිය වරක් පමන කල් ගොස් ඇත. ඉහත් සාජන් ප්රඪාන සැකකරු නම් මෙය විශේෂ නඩු කටයුතක් ලෙස නොගන්නේ මන්ද?
ලසන්තගේ ඝාතනයෙන් වැඩියෙන්ම සතුටු වූයේ කවුරුන් විය හැකිද ?
සොනාලි යනු ලසන්තගේ දෙවන ඉනිමයි. ඇය ලසන්ත හා විවාහ වූයේ 2008 නොවැම්බර් 7 දිනය.විවාහයෙන් පසුද ඇය සොනාලි සමරසිංහ ලෙසම බාවිත කලා මිසක වික්රමතුංග නම බාවිතා නොකලේය. ලසන්ත මිය ගිය සැනින් ඇය සොනාලි වික්රමතුංග විය. එක් රාත්රියකින් මුලු ලෝකයේම ආකර්ශනය සොනාලි වෙත යොමු විය. ලසන්තගේ දේපල උරුමය ඇය සතු විය.විවාහවී මාස දෙකක් වැනි කෙටි කාලයක් තුල මේ සියල්ල සිදු විය.
ලසන්තගේ අබාවයෙන් පසු සොනාලි ලියුම් පිට ලියුම් ලියුම් ලියමින් මාද්ය සංදරශන තැබුවේය. රටේ නායකයා සහ ජාත්යන්තර ප්රජාව ඇගේ ඉලක්කය විය. ස්වාමියා මියගිය බිරිදකගේ මනෝබාවය ඒ කිසිදු ලියුමක දැකිය නොහැකි විය. ඇය ලියුම් ලියුවේ වෙනත් කොන්ත්රාත්තුවක් ඉටු කිරීමටය. මහින්ද-සිරිසේන ජනාදිපතිවරන දිනයට පෙර ඇය ලියුමක් ලියා ජනමාද්යට නිකුත් කලේය. ලියුමෙ ශීර්ෂය මෙලෙස සටහන් කලේය. “Lasantha,Mahinda and the significance of the polling day. Open letter to Mahinda Rajapaksha. ” ලිපියේ යටි අරමුන හෙඩිම තුලම ගැබ්ව ඇත. අනෙක් පසින් සිරිසේන බලයට පැමිනි පසු ලියුම් ලිවීම නතර කලාය.විශේෂ වරදාන යහ පාලන රජයෙන් ඇයට ලැබුනි.
ලසන්ත මිය ගියේ මිග් ගනුදෙනුව පිලිබද ලිවීම නිසාද
මාවිල් ආරුවෙන් යුද්දය ආරම්බ වූ දින පටන් ලියුම් කරු ජනමාද්ය හා ගනුදෙනු කලේය. වික්ටර් අයිවන් පිලිබදව කල සියලු ස්කෑන් වලින් තහවුරු වූයේ ඔහු මිලිටරි ක්රියාන්විතය එක හෙලාම අනුමත කරන බවය. දෙබිඩි පිලිවෙතක් ඔහු තුල නොවිනි. මිග් ගනුදෙනුව පිලිබද හෙලි කලේ ලසන්ත නොව අතාස්ය. ලසන්ත කලේ මිග් අනුදෙනුව පිලිබද අතාස් ලියූ දෙයම කරකවා ලිවීමය.ලියුම්කරු විසින් අතාස්ට තේරෙන බාසාවෙන් කරුනු කාරනා තේරුම් කල පසු මිග් ගනුදෙනු පමනක් නොව ලියන කියන සියල්ල නවතා දැමීය. ලසන්ත මාද්ය කරුවෙකුට වඩා දේශපාලන සත්වයෙකු විය. ලසන්තට අවශ්ය වුයේ අතේ රෝල් ගසා ආන්ඩු පෙරලීමය.
උවිදුගේ චෝදනාව
ලසන්තට මරනය කැදවීමට ආසන්නතම හේතුව පිලිබදව උවිදු විසින් ලිපියක් ලියා පල කලේය.ලසන්තගේ දේශපාලන කුමන්ත්රන සහ රෝ ඔත්තු සේවයට කත් ඇදීම පිලිබදව එම ලිපියෙන් ප්රශ්න කර තිබුනි. උවිදුගේ ලිපිය පලවූ සැනින් ඊ නිවුස් සදරුවන් කලබල විය. උවිදුගේ චෝදනාව ඔප්පු කිරීමට සක්ෂි නැතැයි සදරුවන් තර්ක කලේය.
ජීවමාන සාක්ෂි
රවිරාජ් ඇතුලු අගනුවර ඝාතන වැලක නායකයා ගුවන් හමුදාවේ නිශාන්ත ගජනායක යයි ලක්ෂ්මන් සෙනෙවිරත්න පාර්ලීමේන්තුවේ විශේෂ ප්රකාශයක් කලේය. ඒ කතාව ඔහුට ලියා දුන්නේ ලසන්තය. ඉන් අනතුරුව ලසන්ත දිගට හරහට ගජනායක පිලිබදව සිය පත්තර වල පිටු පිරෙව්වේය. ලසන්තට මෙම තොරතුරු ලබාදුන්නේ ලියුම්කරු විසිනි. අනතුරුව ලසන්ත විසින් ලියුම්කරුව ලක්ෂ්මන්ට හදුන්වා දුන්නේය. එපමනක් නොව ලියුම්කරු ඉන්දියානු තානාපති කාර්යාලයේ දේශපාලන අංශය වෙත කැටුව ගියේය. අවස්ථා ත්රිත්වයක්දී ලසන්ත, ලියුම්කරු සහ ඉන්දියානුවන් රවිරාජ් ඇතුලු අගනුවර ඝාතන ගැන සාකච්චා කලේය.
සියවසේ බොරුව
ගජනායකගේ කථාව බොරු වලකි. ඔහුගේ නියම ස්වරූපය අනෙකකි. ගජනායක යනු ගේම් කාරයෙකු නොව කිඹි සිබින්නෙකි. කුප්රකට මාන්කුලම් විත්ඩ්රොවල් එකේදී පයින් යන්න බෑ කියා මොටර් සයිකලයේ නැග පලා ගිය අයෙකි.ලක්ෂ්මන් පාර්ලීමේන්තුවට ගෙනගියේ, ඉන්දියානුවන් තලු මර මර අසා සිටියේ , ලසන්ත පිටු පුරා ලියන ලද්දේ මේ අතේ රොල් කථාවය.ලසන්ත සහ සොනාලි විචක්ෂනශීලි මාධ්ය කරුවන් නොව එදා වේල මාධ්ය කරුවන්ය.දේශපාලන මඩ කරියන්ය.වික්ටර් අයිවන් ලියූ “පෑන අහින්සකද ” පොතේ .”And then they came for me” කතු වැකිය පිලිබදව කථාව හදුන්වා ඇත්තේ සියවසේ බොරුව ලෙසය.
ටොයියන්ගේ ගැලරිය පිනවීම
ලසන්ත ඝාතනයට ෆොන්සේකා සම්බන්ද බවට ප්රකාශ කල බලවත්ම පුද්ගලයා රනිල්ය. ඔහු ඒ පිලිබදව තානපතිවරු පවා දැනුවත් කර තිබුනි.කෙසේ වුවද අද සිදුවන්නේ එදා සිදුවූ දේශපාලන ඝාතන පිලිබදව නිසි ලෙස පරීක්ෂා කිරීම නොවේ. වරද කරුවන් හදුනා ගැනීම නොවේ. ඔවුන්ට විරුද්දව සාක්ෂි ගොඩ නැගිම නොවේ.හුදෙක් ටොයියන්ගේ ගැලරිය පිනවීමය . අනෙක් පසින් සුද්දන්ගෙන් ලකුනු දා ගැනීමය.ටොයි සමාජයේ කේවට්ටයා බවට පත්ව ඇත්තේ ඊ නිවුස් සදරුවන්ය.
එල්.ටී.ටී .ඊ සංවිදානයේ හොරනෑ
ජන මාධ්ය යනු මහ ජන බලයේ තවත් එක් කොටසකි.මාධ්ය හැසිර විය යුත්ත පුද්ගලික නියාය පත්ර සපුරා ගැනීමට නොව ජාතික නියාය පත්ර සපුරා ගැනීමටය.සිහියෙන් හෝ අවසිහියෙන් ලසන්ත ක්රියාත්මකවූයේ එල්.ටී.ටී .ඊ සංවිදානයේ හොරනෑවක් ලෙසය. ඊලාම් යුද්ද්ය ඔන්න මෙන්න තියා ඉරුදින සහ ලීඩර් හරහා එල්ටී.ටී.ටී.ඊ යුද ආයුද වලට අති විශාල ප්රචාරනයක් ලබා දුන්නේය. හමුදාව කන තුරු බලා සිටියේ ඒ ඔස්සේ ආන්ඩු පෙරලීමටය. ලසන්ත තුලවූ ආන්ඩු පෙරලීමේ සිහිනය පිලිබද දීර්ග විග්රහයක් “පෑන අහින්සකද “පොත තුල දක්වා ඇත. කොටින්ට නියමින් හෝ අනියමින් කත් අදින ලද මාධ්යවෙදී ඝාතන ලයිස්තුව ටැමින් නෙට් සිවරාමන්ගෙන් පටන් ගෙන ලසන්තගෙන් අවසන් වූවා නොවේ. නිමලරාජන්ගෙන් පටන්ගෙන සදරුවන්ගෙන් අවසන් වන එකක්ද නොවේ.
ලසන්තගේ මිනිය විකුනා බඩවියත සරි කර ගත් සද රුවන්
අද ඊ නිවුස් වෙබ් අඩවිය සදරුවන්ට ඉල්ලමක් වී ඇත. කෙනෙක් ඉලක්ක කොට පහර දීමත් , දූතයෙකු යොදවා මුදල් ලබාගෙන පහර දීම අත් හිටුටුවීමත් සදරුවන්ගේ මාද්ය කලාව වී ඇත. මුලදී සිරිසේනගේ ටෙලි කොම් මලයාට දිගට හරහට පහර දුන්නේය. ප්රහාරය නවතා දැමුවේ සිරිසේන මලයා සුගතිගාමී වූ නිසා නොවේ සදරුවන්ට මාසිකව කප්පම් ගෙවන නිසාය.ජනපති මලයාගේත් ඉරනම එය නම් අනෙක් අය ගැන කවර කථාද.ලසන්ත ඝාතන කන්ඩායම ඩයලොග් සිම් බාවිත කර තිබූ නිසා ඔවුන් නිතර සී.අය්.ඩී ප්රශ්න කිරීමට ලක්විය. සමහර දත්ත විවිද හේතු නිසා සර්වර් එකෙන් ඩිලීට් වී තිබුනි. මෙම තත්වය ප්රයෝජනයට ගත් සදරුවන් ඩයලොග් ආයතන ප්රදානී හාන්ස් විජේසූරිය බ්ලැක් මේල් කලේය. හාන්ස් විජේසූරියගෙන් ඔහු මිලියන 6 ක් අවස්තා දෙකකදී කප්පම් ලෙස ලබා ගත්තේය.
දේශප්රේමීන්ට ආයාචනයක්.
අද ටොයියන් රස කර කර කියවන ඊ නිවුස් එදා එල්.ටී.ටී.ඊ ට රෙදි නැතිව කඩේ ගියේය.අද ඔබ ලක් පොලවේ අත් විදින සාමයේ මිහිර ගෙන ඒමට අල්ප මාත්රයකින් හෝ සදරුවන් දායක නොවීය. හෙට දවසේ දුවා දරුවන්ගේ සුබ සිහින රක්ෂා කිරීමට ඊනිවුස් අල්ප මාත්රයකින් දායක නොවීය.එකී මෙහෙවර උඩු යටිකුරු කිරීමට එදා සිට මාන බැලුවේය.ඊ නිවුස්, හමුදාවේ මිය ගිය ගනන් රස කර කර ගෙන ආවේය. හමුදාව කොටින්ගෙන් කනතුරු බලා සිටියේ UNP ආන්ඩුවක් පිහිටිවීමටය.සදරුවන්ගේ පැටිකිරිය ඔහුට මතක් කර දෙන මෙන් සියලු දේශප්රේමීන්ගෙන් උදක්ම ඉල්ල සිටිමු. මේ ඔහුග් දුරකථන අංකයයි.00447400927826.
විශේෂ ලියුම්කරු කීර්ති රත්නායක.
වෙස් මුහුනින් සැඟවුන යථාර්තය
වියත් මග ෆෙස්බුක් පිටුව ( https://m.facebook.com/viyathmage )
වර්තමාන පාලකයන් බලයට ආවේ පසුගිය පාලකයන් දූෂිතයැය් මතයක් ජනතාව තුල ඇතිකිරීමෙන්ය. එය චන්දාදායකයන්ගේ සිත්වල මුල්බැසගන්නා තුරු කාලයක් තිස්සේ නැවත නැවත කීම ඔවුන්ගේ සාර්ථකත්වයේ රහසය්.
ජනතාව බලාපොරොත්තු වුයේ සත්යගරුක පිරිසුදු පාලන තන්ත්රයකි. රට සීඝ්රයෙන් සංවර්ධනය කල හැකි ප්රතිපත්තිමාලවකි. එය යහපාලනය නමින් බෞතීස්ම කරනු ලැබිනි
එහෙත් අද ඒ බලපොරොත්තු ඉටුවී ඇද්ද යන්න බුද්ධියෙන් විමසා බැලිය යුතු කරුණකි.
බලයට පත්වී ඇති පාලක තන්ත්රය තුල මූලික දුර්වලතා කිහිපයක් ඇත.
පලමුවැන්න නම් බලය ගැනීම සඳහා එවකට විපක්ෂයේ සිට කල ප්රකාශ හා චෝදනා බොහෝමයක් ඔප්පුකරගත නොහැකි නිසා නව පාලකයන්ගේ අවංක බව පිලිබඳ මහජනතාවට ගැටලු මතුවී තොබීමය. එසේම මැතිවරණයට පෙර දුන් පොරොන්දු රාශියක් අද අමතක කර දමා තිබීමය.බරපතලම ප්රශ්නය වන්නේ අදත් ඔවුන් කරන්නේ ජනතාවට නිරන්තර බොරු කියමින් ඔවුන් නොමග යැවීමට උත්සාහ කිරීමය. මෙය තේරුම් ගැනීමට එක් සරල උදාහරණයක් ගනිමු. පසුගියදා රජය මහජන මුදල් වියදම් කරමින් පුවත් පත් දැන්වීම පලකරමින් විශාල ප්රයත්නයක් දැරුවේ පසුගිය පාලකයන් රට ණය උගුලක පටලවා ඇති බව කීමටය. නමුත් මෙම පොතෙහි අප කලින් පෙන්වා දුන් පරිදි රට ණය උගුලක පටලවමින් සිටින්නේ වත්මන් පාලකයන්ය. මීට පෙර සිටි සියලු පාලකයෝ රට දියුණු කිරීම සඳහා ණය ලබා ගත්හ. ඒ ලබා ගත් මුදල් ඇහැට පෙනෙන සංවර්ධනයක් සඳහා යෙදවින. 2014 අවසන් වන විට රාජ්ය ණය රුපියල් බිලියන් 7.391 ක් විය. මින් 2015 වසරේ ගෙවීමට නියමිතව තිබුනේ මින් සුලු කොටසකි. එය අසීමිත ණය බරක් නොවීය. ඉතිහාසය පුරා ලංකාව ණය ගත්තා මෙන්ම කලට වෙලාවට ණය ගෙවන රටක් ලෙස පිලිගැනීමක් තිබුනි. නමුත් වත්මන් රජය ලංකාවේ ණය තත්වය පිලිබඳ ජනතාවට බිල්ලෙක් මවා පාමින් පැවසූයේ රට ණය උගුලක පැටලි ඉන්නා බවත් එයට වග කිව යුත්තේ පසුගිය රජය බවත්ය. එසේ කී වත්මන් රජය 2015 තුල පමනක් ලබාගත් ණය ප්රමාණය රුපියල් බිලියන 1,112 කි. එතෙක් පැවති සියලු රාජ්ය ණය 15% ඉහල දැමීමට මේ අනුව යහපාලනය එක් වසරක් තුල සමත් විය. ඔවුන් එක් වසරක් තුල රටේ සෑම පුරවැසියෙකුම රුපියල් 55,600 කින් ණය කරවා ඇත. නමුත් මුදල් ගෙවා දැන්විම් දමමින් වර්තමාන පාලකයන් තවමත් කරන්නේ ජනතාව රැවට්ටීමට උත්සාහ කිරීමය්.
දෙවනුව රාජ්ය පාලනය නිසිපරිදි කිරීමට අවධානය යොමු කරනවාට වඩා දේශපාලන පලිගැනීම් වලට කාලය ශ්රමය හා මුදල් වියදම් කිරීමය. දුෂණ සෙවීමේ මුවාවෙන් අද රජය අවතීර්ණව සිටින්නේ ප්රතිවාදීන් දඩයම් කිරීම හා ඔවුන්ගේ හිතවතුන් බියවද්දා නිහඩ කිරීමේ ක්රියා පටිපාටියකට බව නොතේරෙන අයෙකු වේ නම් ඒ දේශපාලණ නොදරුවෙකු විය යුතුය. වත්මන් පාලනය තුල ප්රසිද්ධියේ නීති කඩ කරන , දූෂිතයන්ට එරෙහිව ක්රියා නොකරණ පොලිසිය රජය විසින් ඉලක්ක කරගත් දෙශපාලන ප්රතිවාදීන්ගේ සමස්ත ජීවිතයම අධ්යයනය කරමින් කුමක් හෝ වර්දක් සොයා ඔවුන් සිරගත කිරීමට, චරිත ඝාතනය කිරීමට සහ නඩු පැවරීමට ක්රියා කරය්. වත්මන් පාලකයන්ගේ මේ හැසිරීම තුලින් පලවන්නේ ප්රජාතන්තරවාදයේ අනාගතය පිළිබඳ ඉතා අවදානම සහගත ඉඟියකි.
තුන්වනුව පාලකයන්ගේ අසමත්බව විශේෂයෙන්ම ආර්ථික කලමණාකරනයේ දුර්වලතාව ජනතාවගේ අවධානයට ලක් වෙමින් පවතී. නව රජය ආර්ථික කලමණාකරනය වරද්දා ගත්තෙ මුල සිටමය. ජනාධිපත්වරණයට පසු නව පාලකයන් ඉතා අනුවන ලෙස මහා පරිමාණ, මධ්ය පරිමාණ මෙන්ම කුඩා පරිමාණ ව්යාපෘතීන් සියල්ල හදිසියේ නවතා දැමීම නිසා අයෝජක විශ්වාසය සහමුලින්ම බිඳවැටුන අතර සමස්ථ ආර්ථික ක්රියාවලියට විශාල හානියක් සිදුවිය. ජනාධිපතිවරණයේදී දුන් චන්ද පොරොන්දුවක් වූ රාජ්ය සේවකයන්ට රුපියල් 10,000 පඩි වැඩිකිරීම මහ මැතිවරණය ඉලක්ක කරගෙන ඉටු කරන්නට ගොස් රජයේ ආදායම අනුව දැරිය නොහැකි වාර්ෂික වියදමක් අයවැයට එක්විය. දුරදිග නොසිතා ඉදිරිපත් කල දින 100 තාවකාලික අයවැයෙන් නව රජයට කිසිදු ආර්ථික දැක්මක් නැති බව මුලු රටම හඳුනාගත්තේය. මීට අමතරව අතීතයට පවා බලපාන ලෙස හඳුන්වා දුන් වැනි අසාධාරණ බදුනිසා දේශීය ව්යාපරිකයෝ බෙහෙවින් අධෛර්යමත් විය. නව රජයට මාස 2 ක් ගතවන්නටත් පෙර සිදුවූ මහ බැංකු බැඳුම්කර මංකොල්ලය නිසා එවකට රටේ පැවති පොලී අනුපාතය විශාල ලෙස ඉහල ගිය අතර රාජ්ය මුල්ය පරිපාලනය පිලිබඳ ජාත්යන්තර විශ්වාසයද කඩ විය. නීතිය අවනීතිය කරමින් දේශපාලන පලිගැනීම් සඳහා පිහිටවු පොලිසි මුල්ය අපරාධ කොට්ටාශය මගින් පසුගිය රජයට පක්ශපාතීව වැඩකල බොහෝ රාජ්ය සේවකයන් ප්රශ්ණ කරමින්, සිරගත කරමින් හා නඩු පවරමින් කල මාධ්ය සංදර්ශණ නිසා සියලු රාජ්ය සේවයකයන් බියට පත්වූ අතර එහි ප්රථිපලයක් ලෙස රාජ්ය සේවය මුළුමනින්ම අකර්මණ්ය විය. රජයේ වියදම් නිසි කලමණාකරණයක් නොමැති වීමෙන් වසරක් තුල පුනරාවර්ථන් වියදම් පමනක් වසරක් තුල 28% කින් ඉහල ගිය අතර සමස්ථ රාජ්ය වියදම 18% කින් ඉහල ගියේය. 2014 සිට 2015 දක්වා මාස 12ක ආර්ථික පරිහානිය මහ බැංකු වාර්ථාවලින්ම ඔප්පුවෙය්. 2015 මහබැංකු වර්ථාවට අනුව රටේ ආර්ථික සංවර්ධන වේගය 2015 දී 4.8% දක්වා අඩුවිය. විරැකියාව 4.3% සිට 4.6% දක්වා වැඩි විය.විදේශ ආයෝජන ඇමෙරිකානු ඩොලර් මිලියන 1,635 සිට 1,161 දක්වා අඩුවිය. කොටස් වෙළඳපොල සමස්ත මිළ දර්ශකය 7299 සිට 6894 දක්වා පහත වැටුන අතර 2014 දී ලබා දුන් 23.4 % වෙනුවට 2015 දී කොටස් වෙළඳ පොල ලබුවේ 5.5% ක අලාබයකි. රුපියලේ අගය ඇමෙරිකානු ඩොලරයට සාපේක්ෂව 131 සිට 144 දක්වා පහත වැටුනි. රාජ්ය ණයබර රුපියල් බිලියන 7,391 සිට 8,503 දක්වා රුපියල් බිලියන 1,112 කින් වැඩිවිය. රාජ්ය ණය දල ජාතික නිශ්පානයේ ප්රතිශතයක් ලෙස 70% සිට 76% දක්වා වැඩිවිය. විදේශ සංචිත ඇමෙරිකානු ඩොලර් බිලියන 8.3 සිට 7.2 දක්වා අඩුවිය. මේ උදාහරණ කිහිපයක් පමනි.
මේ සියල්ලේ අවසාන ප්රතිපලය නම් පාලකයන් රිසි පරිදි දේශපාලන දඩයමේ යෙදී සිටියදී රටේ ආර්ථිකය සෝදාපාලු වීමය
වියත් මග ෆෙස්බුක් පිටුව ( https://m.facebook.com/viyathmage )
උපුටාගැනීම - සෝදාපාලුව ග්රන්ථයෙන්
මෙම පුවත තවත් කෙනෙක්ට බලන්න Share කරන්න
Comment
ලසන්ත ඝාතන පරීක්ෂණ මතින් සිදුවන ගෝඨාභය ප්රමුඛ බුද්ධි අංශ දඩයම
=================================================
ලසන්ත වික්රමතුංග පෑන මෙහෙය වූයේ කා සඳහා දැයි මෙරට පක්ෂ විපක්ෂ සැමට අමුතුවෙන් කිවයුතු නොවේ. එල්ටිටිය යුද්ධ කළේ ටි-56න් පමණක් බව සිතන්නේ දේවල් පිළිබඳ ළදරුවන් පමණකි. ඔවුන්ගේ වෙනත් සියුම් මෙහෙයුම් අතර දකුණේ පත්තර කතුවරුන්, භික්ෂූන්, ජනමාධ්යවේදීන්, විශ්වවිද්යාල කථිකාචාර්යවරුන් හා සෙසු වෘත්තිකයින් සිය අරමුණ වෙනුවෙන් පාවිච්චි කිරීමට තරම් එල්ටිටිය සූක්ෂම විය. යුද්ධය උපරිමයෙන් යන අවස්ථාවේ දී ඊට දේශපාලන නායකත්වය සැපයූ රාජපක්ෂවරුන්, ආරක්ෂක හමුදා හා සිදුවූ මෙහෙයුම් පිළිබඳ ඍණාත්මක මතවාදයක් රටතුළ සමාජගත කොට මෙහෙයුමේ වලංගුබව හා සුජාතබව කඩා බිඳ දැමීම ලසන්තගේ පුවත්පත් කලාව තුළින් සිදූ බව නොරහසකි.
ලසන්ත ඝාතනය බලා සිටිය කෙනෙකුගේ ශෛලියෙන් අද දින ඉරිදා දිවයිනට කිසිවෙකු විසින් ලියා තිබූ ලිපිය පිළිබඳ පුදුමයට පත්වීමි. මේ පිළිබඳ පරීක්ෂණ අවසන් ව නොතිබිය දී ඒවා අවසන් ව ඇති බවට වන අදහසක් එම ලිපිය පුරා ම තිබුණි. කාටත් මෙම ලිපියේ අරමුණ අපහැදිළි නැතැයි සිතමි. ගෝඨාභය රාජපක්ෂ අත්අඩංගුවට ගැනීමට අවශ්ය පසුබිම සැකසීම එහි එක ම අරමුණ වේ. බුද්ධි නිලධාරියා අත්අඩංගුව ගත්තේ ඒ වෙනුවෙන් ය.
අත්අඩංගුවට පත් බුද්ධි නිලධාරියා ඉතා සුවිශේෂී ය. දිගුදුර විහිදුම් බලකායේ සිටිමින් යුද්ධය අතරතුර කළ සේවයට අමතර ව යුද්ධයෙන් පසු විදෙස් රටවල සිටිමින් එල්ටිටි ජාලය යුරෝපය තුළ දැඩි ලෙස අකර්ම්ය කිරීමේ කටයුතු සිදු වූයේ මෙම නිලධාරියා අතින් ය. යුරෝපයේ ප්රබල රටක ඉහළ ම බුද්ධි බලකාය සමග සමීප ව කටයුතු කිරීම මතු නොව ආදළ රටෙහි ප්රධානතම බුද්ධි නිලධාරීන් තිදෙනා ලංකාවට ගෙන්වා මෙහි ඇත්ත තත්වය ඔවුන්ගේ ඇසින් ම දැක බලා ගැනීමට අවශ්ය සැලසුම ක්රියාත්මක කළේ ද මෙම නිලධාරියා ය. දැඩි සේ ලංකාවට හතුරු ආකල්පයක සිටි මේ රට එක්වරම වෙනස් කරගත හැකි වූයේ මෙම මෙහයෙුම නිසා බව අපට දැනගන්නට ලැබුණි. මෙම නිලධාරියා විසින් කළ මෙහෙයුම් අපට මෙහි ප්රසිද්ධියේ හෙළි කළ නොහැකි ය. කෙසේ වෙතත්, නිලධාරියා අත්අඩංගුවට පත්වීම එල්ටිටි ඩයස්පෝරාව ලැබූ විශාල ජයග්රහණයකි.
කෙනෙකු කියනු ඇත්තේ රටට කුමන සේවය කළ ද ඔහු වරදක් කොට තිබේ නම් නිසි දඬුවම් ලැබිය යුතු බව ය. එහෙත් පුද්ගලයින් වරදවලවලට පටලවන්නේ වරදවල් කොට ඇති නිසා ම නොව බව දන්නේ කීයෙන් කී දෙනා ද?
ලසන්ත ඝාතනයට මුවා වී දැන් සිදුවන්නේ ලසන්තගේ ඝාතකයින් සෙවීම පමණක් නොවන බව නම් අවධාරණය කළ යුතු ය. ඒ පිටුපස රටට එරෙහි ඉතා දැවැන්ත බුද්ධි මෙහෙයුමක් සක්රිය ව ඇති බව පෙනීයයි. රටේ ජනාධිපතිවරයා මෙන්ම අගමැතිවරයා ද මේ පිළිබඳ නිසි සේ දැනුවත්දැයි අපි නොදනිමු. දැනුවත් නම් ඔවුන් නොමග ගොස් ද? අප එසේ අසන්නේ රටක නායකයෙකුට එවැනි දෙය තම රට තුළ සිදුවීමට ඉඩ ලබාදීම තරම් නොවන නිසා ය. පසුගියා දා බ්රිතාන්ය ඉරාකයට මැදිහත් වූ ආකාරය පිළිබඳ සොයා බැලූ චිල්කොට් කොමිසම් වාර්තාව තුළ එකදු බුද්ධි නිලධාරියෙකුගේ හෝ නමක් තිබේදැයි පරීක්ෂා කරන්න. කිසිවෙකුත් ගැන සඳහන් නැත. එහෙත් පසුගිය දා අත්අඩංගුවට පත් සියළු ශ්රී ලංකා හමුදා බුද්ධි නිලධාරීන්ගේ නම් ගම් හා පවුලේ විස්තර පවා මෙරට ජනමාධ්යන් වෙත හෙළි කොට අවසන් ය. පොලිස් අපරාධ පරික්ෂණ දෙපාර්තමෙන්තුව කුමන අරමුණකින් මෙසේ කරන්නේ ද? නැවතත් හමුදා-පොලිස් බුද්ධි අංශ කා කොටා ගැනීම් කරලියට විත් ද? පරීක්ෂණ පිටුපස වෙනත් බලවේගයක් ක්රියාත්මක වේ ද? මේ සියල්ල අප සැමගේ විනාශයේ මාර්ගයයි.
- මහින්ද පතිරණ -
මෙම පුවත තවත් කෙනෙක්ට බලන්න Share කරන්න
Comment
===" මෙවැනි අධිකරණයක නඩු කීමට එම අපට ලැජ්ජයි ..ලැජ්ජයි..." විනිසුරුට ජනාධිපති නිතිඥයන්මුණටම කියයි. ====
මෙසේ ප්රකාශ කලේ පසුගිය දින කඩුවෙල මහේස්ත්රාත් අධිකරණයේ අසන ලද මේ වනවිට මහත් ආන්දෝලනයකට ලක්වී ඇති නඩුවකදීය. පසුගිය 17 දින මුල්ය අපරාධ කොට්ටාශය බැසිල් රාජපක්ෂ මහතා අත්අඩංගුවට ගන්නා ලද්දේ දිවි නැගුම දෙපර්තුමන්තුවේ මුදල් අවභාවිතාවක් සම්බන්දයෙන්.
මොකද්ද මේ මුදල් අවභාවිතාව ? දිවිනැගුම පනතේ 6 ඕ වගන්තිය යටතේ "යම් රජයේ දෙපාර්තමේන්තුවක්, සංස්ථාවක්, පළාත් පාලන ආයතනයක්, පෞද්ගලික අංශයේ සංවිධානයක් හෝ රාජ්ය නොවන සංවිධානයක් විසින් දිවිනැගුම ප්රතිලාභීන්ට සපයන සේවා සඳහා පහසුකම් සැලසීම" යන්න මඟින් අදාල නිළධාරින්ට මෙවැනි කටයුතු ඉටු කිරීමට අවශ්යය ව්යවස්ථාමය බලය ලබාදී ඇත.මෙම බට මිළදි ගනීම සඳහා මුදල් ගෙවා ඇත්තේ දිවිනැගුම අරමුදල් වලින් නොව රාජ්යය අයවැයෙන් අනුමත අමාත්යයාංශයට වෙන්කර තිබූ මුදල් වලින් නිසා දුප්පත් ජනතාවට අයත් දිවිනැගුම අරමුදල් අවභාවිත කළාය යන්න සම්පුර්ණයෙන්ම අසත්යය ප්රචාරණයකි.
ආර්ථික සංවර්ධන අමාත්යාංශය මෙන්ම වෙනත් අමාත්යාංශ මඟින්ද පළාත් පාලන ආයතන වලට විවිධ ප්රතිපාදන සපයා ඇත. උදා; ආපදා කළමනාකරණ අමාත්යාංශය මඟින් ජෙනරේටර්, ගලි බවුසර්, වතුර බවුසර්, පරිසර අමාත්යාංශය මඟින් ට්රැක්ටර්, කසල එකතු කරන හා ප්රතිචක්රීය කරන වාහන, සෞඛ්ය අමාත්යාංශය මඟින් සායන සඳහා බෙහෙත් වර්ග, ඩෙංගු මදුරු උවදුර මර්ධනය කරන උපකරණ හා රසායනික බෙහෙත් වර්ග ලබා දී තිබේ.
පළාත් පාලන අමාත්යාංශය මඟින් මෙම වකවානුවේදී ම පළාත් පාලන ආයතන වලට ලබා දී GI බට ලබාදී තිබේ . එහෙත් ඒ කිසිදු අමාත්යාංශයක ඇමතිවරයාට හෝ ලේකම්වරයාට අමාත්යාංශයකට එරෙහිව පැමිණිල්ලක් තබා චෝදනාවක් එල්ල කර නැත. එසේ නම් බැසිල් රාජපක්ෂ අත්අඩංගුවට ගෙන ඇත්තේ ඇයි ? බැසිල් රාජපක්ෂ මහතා වෙනුවෙන් පෙනී සිටින නිතිඥයන් විනිසුරුවරයා හමුවේ තර්ක කලා. විනිසුරු වරයා ඔලුව වනමින් සමචලයට සිනා වෙමින් අසා සිටියා.ජනාධිපති නිතිඥයන් පසුගිය නඩුවේදී මහාධිකරණ විනිසුරු බැසිල් රාජපක්ෂ මහතාට අප ලබාදෙමින් ප්රකාශකළ සටහන්ද කියවනු ලැබුවා..විනිසුරු වරයා ලජ්ජාවෙන් අසා සිටියා.විනිසුරුවරයා නඩුව විනාඩි කිහිපයකට කල් දැම්මා. ආණ්ඩුවේ ඉහල තැන්වලට කෝල් ගත්තා ... උපදෙස් ගන්න .. විනිසුරුකම තුන්වෙනි වතාවටත් උගස් කලා ..සුපුරුදු පරිදි නීතියේ දෙවගන මුදලට තනතුරුවලට වික්කා .. බැසිල් ව ලබන අගෝස්තු 1 දක්වා රිමාන්ඩ් කරන්න නියෝග කළා.
තීන්දුවේ බරපතල කම් කිහිපයක් පේනවා
1. විනිසුරුතුමා පාර්ලිමේන්තුවේ කටයුතු අබියෝගයට ලක්කිරීම. -අනාගතයේදී ඇමැතිවරුන්ට ඔවූන් කටයුතු සම්බන්දයෙන් අධිකරණයට අබියෝගයට ලක්කළ හැකිවීම.
2. නිතිය සැමට සාධාරණය වීම - නීතියේ ආධිපත්ය හැලුවට ලක්කිරීම.
3.මහේත්ස්ත්රාත් තනතුර හැලුවට ලක්කිරිම මගින් අනෙකුත් මහේත්ස්ත්රාත් වරුන්ගේ තනතුර ද හැලුවට ලක්කිරිම.
4. එදිරියේදී කඩුවෙල මහේත්ස්ත්රාත් ධම්මික හේමපාල මහතා දන නඩු තීන්දුවල නිත්යානුකුල හාවය සම්බන්දයෙන් ගැටළු ඇතිවේ.
5. ඔහුහේ නීති දැනුම සම්බන්දයෙන් දැනුම මද කම නිරුපණය වීම.
මේයින් ජනතාව තේරුම් හත යුත්තේ වර්තමාන ආණ්ඩුවට කිසිදු ආර්ථික සංවර්ධන කටයුත්තක් සිදු කිරිමට ඇති නොහැකියාව වසාගැනීම සදහා ආර්ථික සංවර්ධනය යනු ගසාකැමේ ව්යාපෘතියක් බව ජනතාවට ඒත්තු ගැන්වීම.ආර්ථික සංවර්ධන ඇමතිවරයා ලෙස බැසිල් රාජපක්ෂ මහතා විසින් කරඇති සේවාවන් පිළිබද ජනතාව තුළ අප්රාසදයක් ඇති කිරීම.
==== උපුටා ගැනීමකි... නමුත් ඒ වෙලාවේ එහි සිටිය පුද්ගලයෙක් ලෙස, මේ ප්රකාශයේ සත්යතාවයක් දකිමි.. ====
මෙම පුවත තවත් කෙනෙක්ට බලන්න Share කරන්න
Comment
බැසිල්ගේ සංක්රාන්තිය: ආණ්ඩුවේ ග්රහචාරය හා ආණ්ඩුවට ඇඩ්රස් නැතිවන දවස
යෝෂිත එනවිට උදය ගම්මන්පිල ඇතුලේය. විමල් වීරවංශට රිදවන්නට මුසම්මිල් තවමත් ඇතුලේය. දැන් නාමල් එනවිට බැසිල් රාජපක්ෂ ඇතුළේය. බැසිල්ට තිබූ චෝදනාව සම්බන්ධයෙන් කිසිදු වංචාවක් සිදු නොවී ඇතැයි වර්තමාන සමෘද්ධි ඇමතිවරයා පාර්ලිමේන්තුවේ ප්රකාශ කල හැන්සාඩ් වාර්තාවක්ද නීතිඥයින් අධිකරණයට ඉදිරිපත් කළේය. ඇපදීමට නොහැකි කිසිදු අවස්ථාවක් නොමැති බවද ඔවුහු අවධාරණය කළහ. එදා කඩුවෙලය. දැන් නඩුවෙලය. හොද දේවල් කරනා මිනිසුන් රටේ කොතෙකුත් ඇත. ඔවුන් අගය කරනවා වෙනුවට අපහාස උපාහාස කිරීම ‘යහපාලන’ ආණ්ඩුවේ සම්ප්රදාය බවට පත්ව තිබේ.
පිබිදෙමින් පවත්නා නව ජාතික ව්යාපාරය කෙරෙහි ‘යහපාලන’ ආණ්ඩුව දක්වන බිය මොනවට පැහැදිලිය. විපක්ෂයේ දැනට සිටින දක්ෂතම සංවිධායකයෙක් ලෙස හැදින්විය හැකි බැසිල් රාජපක්ෂ සිරකර තබන්නේ ඒ අරමුණිනි. ශ්රිලනිප මනාප ලැයිස්තුවේ හම්බන්තොට දිස්ත්රික්කයේ පළමුවැනියාවූ දකුණු පළාත් සභා අමාත්ය ඩී.වී උපුල් පැදුරටත් නොකියා ඉවත්කර එයට පත්කළේ එම මනාප ලැයිස්තුවේ 5වැනි තැනගත් සන්ධානයේ මහලේකම් සහ ‘යහපාලන’ ආණ්ඩුවේ ඇමති මහින්ද අමරවීරගේ ඥාතියෙකි. එදා ජනාධිපති රණසිංහ ප්රේමදාස දෝෂාභියෝගය ගෙනආ හිටපු ඇමති ගාමිණී දිසානායක ගෙන් පළිගත්තේ බස්නාහිර පළාත් අමාත්ය මහින්ද සමරසිංහ තනතුරෙන් පහකරමිනි. එහෙත් එය කළේ ලතාවටය. ජනාධිපති ප්රේමදාස බස්නාහිර පළාත් සභාවේ ඇමති මණ්ඩලය මුලින් විසුරුවා හැරීය. පසුව නව ඇමති මණ්ඩලයක් පත් කළේය. එවිට මහින්ද සමරසිංහගේ ඇමතිධූරය හැලි තිබිණි.
නීතිය වල් වැදෙමින් පවතී. ඖෂධ ජාවාරම, ආයුධ, බැදුම්කර, රේගු වාහන, වී අළෙවි කිරීම්, වත්තල මංතීරුව වැනි මහජන දේපල විනාශ කිරිම්, කරුංකා වංචනිකව ගෙන ඒම චෝදනා ලැබූවන් පිළිබඳව පරික්ෂණ නැත. රජයේ පළාත් පාලන ආයතන සඳහා රජයේම අමාත්යාංශයක් හරහා රුපියල් දශලක්ෂ 36ක් වටිනා කොඩිකණු ලබාදීම මහජන දේපල විනාශකල බරපතල අපරාධ ලෙස පෙනෙන අයට මහ බැංකුවේ බැදුම්කර වංචාවෙන් රටට අදවන විට සිදුවූ රුපියල් කෝටි 200ක පාඩුව ගැන නෝ කථාය. වෙනස මාරය. අවසානයේ සිදුවූයේ මහ බැංකු ලොක්කා අර්ජුන මහේන්ද්ර ඉන් ඉවත්කර රැකියා දශලක්ෂයේ වැඩපිළිවෙළ ක්රියාත්මක කිරීම සඳහා රජයේ 5 අවුරුදු සංවර්ධන ව්යාපෘතියේ ප්රධානියා ලෙස පත්කිරීමය. අමාත්යාංශවල අඩුපාඩු පෙන්වා දෙද්දි ඇමැතිවරු විගණකාධිපතිවරයාට පහරදෙමින් සිටින බව කෝප් කමිටු සභාපති මන්ත්රී සුනිල් හඳුන්නෙත්ති පවසා තිබේ.
රටපුරා නැගෙන ජනතා විරෝධයට නායකත්වය දෙන්නේ පාර්ලිමේන්තුවේ මන්ත්රීවරුන් 21ක් සිටින නාමික විපක්ෂය වන දෙමළ ජාතික සන්ධානය හෝ විපක්ෂ නායක රාජවරෝදියම් සම්බන්දන් විසින් පත්කරන ලද විපක්ෂයේ ප්රධාන සංවිධායකවරයාවූ අනුර කුමාර දිසානායක නායකත්වය දරණ ජනතා විමුක්ති පෙරමුණ නොව සැබෑ විපක්ෂය වන පාර්ලිමේන්තු මන්ත්රීවරුන් 51 දෙනෙකුගෙන් යුත් ඒකාබද්ධ විපක්ෂයයි. විවිධ පැත්තට යොමුවූ ඒකාබද්ධ විපක්ෂයේ ක්රියාකාරකම් මෙන්ම ගමේ ආණ්ඩුව වන පළාත් පාලන ආයතන නියෝජනය කල පළාත් පාලන නියෝජිතයින්ගේ ජනතා ක්රියාකාරකම් එක්තැනකට නාභිගතකර සංවිධානාත්මක කලමණාකරණය කිරීමේ කාර්යභාරය මහින්ද රාජපක්ෂ වෙනුවෙන් පැවරී තිබුණේ බැසිල් රාජපක්ෂටය. බැසිල්ට එය සාර්ථකව ඉටුකල හැකිබව කිරුලපන පිටියේ මැයි 1දා පැවති මැයි දින රැළිය පමණක් නොව රටපුරා පළාත් පාලන ආයතනවල හිටපු ශ්රිලනිප මන්ත්රීවරුන්ගෙන් සියයට 94ක් මහින්දගේ නායකත්වයෙන් යුත් ශ්රිලනිප ජනතා පාර්ශවයට දිනාගැනීමෙන් තහවුරු විය. ගොඩනැගෙන දැවැන්ත බලවේගය බැසිල් රාජපක්ෂ හිරකර දැමීමෙන් හෝ වෙනත් අය බිය වැද්දවීමෙන් මර්ධනය කල නොහැකි බව පාලකයින් නුදුරේදීම දැනගනු ඇත. එය මහා සාගරය පොල් කට්ටෙන් වැසීමට යෑම වැනි නිරර්ථක ප්රයත්නයකි.
බැසිල් රාජපක්ෂ නව ජාතික ව්යාපාරය සඳහා මැතිවරණ ව්යූහයක් ගොඩ නැගුවේය. ඒ යටතේ රටපුරා ප්රාදේශීය ලේකම් කොට්ඨාශ 328කට අයත් ග්රාම නිලධාරි වසම් 14,013ක් යටතේ ගම්මාන 38,259කට එම ජාලය විහිදී පැතිරිණි. එමෙන්ම ඡන්දයකදි මැතිවරණ දිස්ත්රික් 22ක අයත් ඡන්ද කොට්ඨාශ 160ට අයත් ඡන්ද පොලවල් 10,000කට පමණ ඡන්ද නියෝජිතයන් පත්කිරීමේ යාන්ත්රණයද දැන් ඕනෑම මොහොතක සූදානම්ය. ලබන වසරේදී පැවැත්වෙන මහ නගර සභා 22, නගර සභා 42, ප්රාදේශීය සභා 275 ඡන්දය සඳහා ශ්රිලනිප මහජන පාර්ශවය මහින්ද රාජපක්ෂගේ නායකත්වයෙන් වෙනම බලවේගයක් වශයෙන් තරඟකර ජයග්රහණය ලබාගැනීමට පමණක් නොව නව ආණ්ඩුක්රම ව්යවස්ථාවක් මුවාවෙන් රට අනතුරට පත්කරමින් බෙදුම්වාදය පෝෂණය කරන ජනමත විචාරණයක් රජය තැබුවද ඒ සඳහා වුවද නව බලවේගය සූදානම්කර තිබේ.
ආණ්ඩු විරෝධී නව ජාතික බලවේගය සටන්කළේ වැට් ඇතුළු බදුබර එක්කර බඩුමිල ඉහළ දැමීමට එරෙහිවය. ගමේ පුංචි ආණ්ඩුව වන පළාත් පාලන ඡන්ද කල්දැමීමට එරෙහිවය. ව්යවස්ථා මරඋගුලට එරෙහිවය. රට ඉන්දියාවේ කොලනියක් කරන එට්කා ගිවිසුමට එරෙහිවය. ගොවි සහන සහ පාසැල් නිල ඇදුම කප්පාදුවට එරෙහිවය. දේශපාලන දඬයමට එරෙහිවය. දෙමළ අන්තවාදයට පණදීමට එරෙහිවය. බදුලු දිස්ත්රික්කයේ ආසන 13ක ශ්රිලනිප ඇතුළු ප්රගතිශීලින්ගේ හඬ නැගුණේ ඒ වෙනුවෙනි. නුවර සිට කොළඹ දක්වා පාද යාත්රාව ඒ සඳහාය. මේ සියල්ලේ අදිසි නායකයෙකු වූයේ බැසිල් රාජපක්ෂය. අත්අඩංගුවට ගැනීමේ යටි අරමුණ බැසිල් නිහඬකර ඒකාබද්ධ විපක්ෂයේ ගමන අඩපණ කිරීම බව පැහැදිලිය. එහෙත් නව යාන්ත්රණය ගොඩනැගී ඇති බැවින් එය එසේ අකා මකා දැමිය හැකි නොවේ. අක්මුල්ද වැනසිය හැකි නොවේ.
දිවි නැගුම අරමුදලේ මුදල් යොදා රජයේ පළාත් පාලන ආයතන 56කට ජී.අයි බට ලබාදී රාජ්ය දේපොල අවභාවිතා කිරිම සහ මුදල් විශුද්ධිකරණ පනත යටතේ බැසිල් රාජපක්ෂ රිමාන්ඩ් කර තිබේ. බට බෙදා දී ඇත්තේ ජනපතිවරණයට නාමයෝජනා කැඳවීමටත් පෙර 2014 ඔක්තෝබර් 30වැනිදාය. ඇතමුන් කෑ ගසන්නේ යකඩ බට ටික බැසිල් ගෙදර ගෙනහින් වාගේය. නමුත් මේවා දුන්නේ ගමේ මිනිසුන්ගේ මල ගෙදරට, දානේ ගෙදරට, කඩපිලට, සල්පිලට පළාත් පාලන ආයතන හරහා ලබාදීමටය. එයට එරෙහිව පැමිණිල්ල ලැබී ඇත්තේ 2015 මැයි 14වැනිදාය. මිලට ගැනීම නියමිත ටෙන්ඩර් පටිපාටියට සිදුවී ඇති බව අධිකරණයට ඉදිරිපත් කළ බී වාර්තාවේම සඳහන්ය. මෙම බට මිලදි ගැනීම සඳහා මුදල් ගෙවා ඇත්තේ දිවි නැගුම අරමුදලින් නොව රාජ්ය අයවැයෙන් අනුමත අමාත්යාංශයට වෙන්කර තිබූ මුදලිනි. මෙහිදී අවභාවිතයක් සිදුවී නැති බව වර්තමානයේ දිවි නැගුම භාර ඇමතිවරයාම පාර්ලිමේන්තුවේ කියා ඇත. මෙම බට ලබාදුන් ආර්ථික සංවර්ධන අමාත්යාංශය මගින් පළාත් පාලන ආයතනවලට ජෙනරේටර්, ගලි බවුසර්, වතුර බවුසර්, කසළ එකතු කරන ට්රැක්ටර් වැනිදෑ සඳහාද විවිධ ප්රතිපාදන සපයා ඇත. එබැවින් කුමන චෝදනා එල්ල කලද කිසිදු මහජන දේපොලක් අවභාවිතය කර නැති බව පැහැදිලිය. ආණ්ඩුව තිත්ත වී ඇති ජනතාවට ඒකාබද්ධ විපක්ෂය හරහා ප්රජාතන්ත්රීය මංපෙත් ඔස්සේ විරෝධතා ක්රියාමාර්ග සංවිධානය කිරීම නිසා බැසිල්ට මෙම දඬයමට මුහුණදීමට සිදුව ඇත. දැන් බැසිල් රාජපක්ෂ අගෝස්තු 1 දක්වා බන්ධනාගාර ගතකර ඇත. පාද යාත්රාවට බයවෙලා තියෙන තරමක්ය.
බැසිල් රාජපක්ෂ යනු විටක ශ්රිලනිප සියළු බර එසවූ මිනිසෙකි. සංවර්ධනයට නැවුම් පැතිකඩක් ගෙනආ නියමුවෙකි. කාලයේ තාලයට අභියෝග කරුවෙකි. උතුරු වසන්තය, නැගෙනහිර නවෝදය, ගම්පහ රන් අරුණ, ඇවිදින මංතීරු, සතිපොලවල්, මාතෘ සායන, දිවිනැගුම, එක ගමකට එක වැඩක් වැනි වැඩසටහන් ගණනාවක් තුළින් මහින්ද රාජපක්ෂ ආණ්ඩුවේ සංවර්ධන අරුණලු ගමට ගෙන ආවේ ඔහුය. දේශයේ ගැලවුම්කරුවාට යෝධ ශක්තියක්වූ මිනිසෙකි. ඇත්ත ඇති සැටියෙන් කිවහොත් මහින්ද රාජපක්ෂ ලැබූ සියලු ජයග්රහණයන්හි පිටුපස සිටි අයෝමය සෙන්පතියන් වූයේ ගෝඨාභය සහ බැසිල් සොහොයුරන්ය. ඡන්ද 28ක් ජයග්රහණය කර එක ඡන්දයක් පැරදුනද එහි පරාජයද නිහතමානීව තමාවෙත බාරගත් දේශපාලඥයෙකුවු බැසිල් රාජපක්ෂ කථාවට වඩා වැඩට දක්ෂයෙකු විය.
‘යහපාලන’ ආණ්ඩුව ඩීල් ලෝකයක්ය. ඇතුලත් ඩීල්ය. පිටතත් ඩීල්ය. ඩීල් වලටත් ඩීල්ය. එබැවින් ආණ්ඩුව සමඟ බැසිල්ගේ ලොකු ඩීල් එකක් ඇතැයි වරෙක කීවේය. බල්ලන් නාවන්නට රණවිරුවන් බලහත්කාරයෙන් යොදාගත් බවටද චෝදනා කළේය. එදා ජනපති මහින්ද රාජපක්ෂටත් එවැනි චෝදනා ගොන්නක් දමා ගැසුවේය. ඩුබායි හෝටලයේ අයිතිකරු මහින්ද බව කීවේය. නාමල් ඇතුළු පුතාලා උදේ හෙළිකොප්ටරයෙන් නුවරඑළියට ගොස් පෝනියෝ පිටේ ගොස් දවල් කෑමට කොළඹ එන බව පාරම් බෑවේය. රත්නරං අශ්වයෝ, ලැම්බෝගිනි කාර් ඇති බවද කීවේ ඇසින් දුටුවා වාගේය. ඒවා එදාවේල ෂේප්කර ගැනීමට මේවා ඇතැම් විකල්ප පත්තර විසින් කල ගේම්ය. ඉකුත් 2001/2 එජාප ආණ්ඩු කාලයේ මිලේනියම් සිටි බුද්ධි බලකායේ නම් ගම් පිටින් දමා එය හෙළිකළේද ඔවුන්ය. අවසානයේ කොටි සංවිධානය මගින් එම බුද්ධි නිලධාරින් එක් අයෙක් හැර සියල්ලෝම මරා දැමුවෝය.
ඩාර්ලි පාරේ ශ්රිලනිප නෛතික පාර්ශවය එජාපය සමඟ හවුල් ආණ්ඩුවේ වරදාන භුක්ති වින්දද තමන් තවමත් ශ්රිලනිප පාක්ෂිකයින් වෙනුවෙන් පෙනි සිටින බව කීම හාස්යජනකය. එජාපය ආදා මාළු අතින් අරගෙන කද්දී එජාප ආණ්ඩුව සමඟ එක්වී සිටින ශ්රිලනිප නෛතික පාර්ශවය එම ආඳා මාළුම කන්නේ ඉරටුවෙනි.
ජනාධිපති විලියම් ගොපල්ලව 1978දී ගෙදර ගියේය. ජේ. ආර්. ජයවර්ධන 1989 ජනවාරියද, චන්ද්රිකා කුමාරතුංග 2005දී ජනාධිපති තනතුරුවලින් සමුගෙන ගෙදර ගියෝය. මොවුන් යළි ඉල්ලා කිසිවෙකු පාරට බැස්සේ නැත. ලක්ෂ ගණන් මිනිසුන් මහින්ද රාජපක්ෂ ඉල්ලා සිටින්නේ රටේ නිදහසේ ඒකීයබවේ, අභිමානයේ සහ සංවර්ධනයේ සංකේතය ඔහු නිසාය. මහින්දගේ පවුලේ සාමාජිකයෝ මෙහෙම හිරේදාලා රාජපක්ෂලාගේ දේශපාලනයට තිත තබන්නට හෝ ඔවුන් මානසිකව වට්ටන්නට කිසිවෙකු සිතනවානම් එය මිරිගුවකි.
ශ්රී ලංකාවේ සියළු විශ්ව විද්යාලවල ඉගෙනුම ලබන දෙමළ සිසුන් සංඛ්යාව 25,000කට අධිකය. වසර 1984න් පසුව කිසිදු සරසවියක දෙමළ සිසුන්ට ජාතිවාදී පදනමකින් හිරිහැර කල බවට පැමිණිලි නැත. එහෙව් 30 වසරක් පසුකල තැන යාපනය සරසවියේදී 1500ක් පමණ සිංහල සිසුන්ට අත්ව ඇති ඉරණම ගැන සැවොම කණගාටු විය යුතුය. යාපනය සරසවියේදි ගස්සපු පිරිසේ නායකයෙකු බවට චෝදනා ලත් මහා ශිෂ්ය සංගමයේ සභාපති සසිදරන් කනකේෂ්වරන්ට දවසින් අපේක්ෂිත ඇපය. ඔහු වෙනුවෙන් යාපනය උසාවියේ පෙනි සිටි නීතිඥයා වූයේ දෙමළ සන්ධානයේ සුමන්දිරන්ය. ගුටිකාපු සිසුවා තවම රෝහලේය. ඩෙනිම් අදින්න එපා කියා නවකවද සිද්ධියක සැකකරුවන් ලෙසින් මාස 2කට වැඩිකලක් රිමාන්ඩ්කර සිටින කැලණි සරසවියේ සිසු සිසුවියන් 8දෙනාට පෙරේදාද ගම්පහ උසාවියෙන් ඇප නැත. ඒ රජයේ නීතිඥවරිය නොපැමිණිමේ හේතුවෙනි. මෙම මාර වෙනස තේරුම් ගත යුත්තේ කෙසේද? අනේ කාලේ වනේ වාසේ කියන්නේ මේවාටය.
සහජීවනය දැන් මිරිගුවකි. සංහිඳියාව ගැන දැනුවත් කරන්නේ දකුණට පමණි. සහජීවනයේ නාමයෙන් උතුරේ ඇතැමුන් මිත්රත්වය දිගු කරන්නේ පොල්ලකිනි. ගංජා වැටලීමට ගිය පොලිස් නිලධාරින්ට සමන්තුරේදී පල නොකියා පලා බෙදති. ජාතික සංහිඳයාව කියමින් සෑම අසාධාරණයකටම ඔළුව පහත්කරගෙන සිටින්නැයි සිංහලයින්ට පුරුදු කිරීම බලධාරින්ගේ රාජකාරිය බවට පත්වෙමින් තිබේ. ගැටබෙර සද්දේ උතුරේ ඇතැමෙකුට වාවන්නට බැරි වූවද කාවඩි සද්දෙට දකුණේ මිනිසුන් මනාපය. දැන් සංහිදියාවද යහපාලනය මෙන් තවත් වචන සෙට් එකක් පමණි. ගෙවී ගිය වසර තුළ ශ්රී ලංකාව නොසිතූ විරූ දියුණුවක් ඇතිවෙලා කියන්නේ ඇමරිකාවේ බිස්වාය. ඇය ලංකාවට පැමිණි වාර ගණන දැන් දුසිම් දෙකකට ආසන්නය. ඇය අපට උගන්වන්නේ ගෝවා වලින් අල කරියක් හැදීම නොව රටට දෙකට කඩා ඇමරිකාවට කොඩි එසවීමේ සැලසුමය.
අලි මදිවට හරක් කීවා සේ පාලන මිලද විහිළුවකි. සිනි කිලෝවේ තොග මිල රුපියල් 115කි. පාලන මිල 95කි. කඩල කිලෝව 300කි. පාලන මිල 260කි. අතවශ්ය ආහාර ආනායනකරුවන්ගේ සංගමය කියන පරිදි මේවා සිහින මාලිගාවල සිට ගහන ගැසට්ය. පාරිභෝගිකයෝ රැවටීමේ ඇස් බැන්දුම්ය. පාලන මිලට කුකුළු මස් දීමට නොහැකි බව කියමින් හැටන් මස්කඩ වෙළෙන්දෝ වීදි බැස්සේය. ආණ්ඩුවේ මිල පාලන දෙපාර්තමේන්තුව කීවේ කුකුල් මස් පාලන මිල ඇත්තේ දවටනයක සීල් තැබූ කුකුල් මස්වල පමණක් බවය. ඉන් පසුව සිදුවූයේ බොහෝ වෙළෙඳ සැල්වල සීල්කර තිබූ දවටන ඉවත්කර සිලිසිලි බැගයක දමා කුකුල් මස අළෙවි කිරීමය. මේවා අන්දරේ සීනි කෑවා වගේ තියරිය. මිල පාලනය කියලා වැඩක් නැත. නීති පොතේ එහෙම ඇතේය. ඒ වුනාට පලක් නැතේය.
සැහැසි බස්වලට මුලාවී දැනටමත් ගොවීන්ගේ පොහොර සහනාධාරය අහිමිය. පාසැල් දරුවන්ගේ නිල ඇදුමට තිතකි. තිස් වසරකට පසු යුද්ධයෙන් දිනාගත් රට යළි බෙදුම්වාදයට තල්ලු කරමින් පවතී. මෙවැනි දෑ බොහෝය. මේවා මුදලින් ගණනාය කල නොහැක. අවිස්සාවේල්ලේ සාලාවේ මිනිසුන් තවමත් මහපාරේය. අරණායක නාය යෑමෙන් අනාථ වූවන් තවමත් තැන්තැන් වලය. ලංගම බස් ගාස්තුද සියයට 6කින් ගණන් උස්සලාය. රැකියා විරහිත උපාධිධාරියෝ රැකියා ඉල්ලා සටන් බිමේය. නිදහස් අධ්යාපනය සුරකීමට සරසවි සිසුවෝ උපවාසේය. ඒ අතරතුර දේශපාලන දඬයමද යහමින් ක්රියාත්මකය. මත්තල ගුවන්තොටුපොල හාස්යයට ලක්කර වී ගබඩා කලද 2017 ජනවාරි සිට මාස 3කට කටුනායක ජාත්යන්තර ගුවන්තොටුපොළ අලුත්වැඩියාවකට වසන බැවින් සියළු ගුවන්යානා එන්නේ මත්තල බව රජය ඉකුත්දා නිවේදනය කළේය. පණ පලයන් පෙරේදා කියන්නේ මේවාටය.
‘යහපාලන’ ආණ්ඩුවේද හවුල්කාර පක්ෂ අතර විවිධ හුටපටය. හෙළ උරුමයෙන් වෙන්වී රාජගිරියේ අසපුවේ සිටින අතුරලියේ රතන හිමියෝ දැන් මීලඟ දේශපාලන පිම්මට සූදානම් වෙමින් සිටිනු ලබයි. හකීම්ගේ මුස්ලීම් කොන්ග්රසයේ උත්තර මණ්ඩලයේ බහුතර සහාය සේගු ඉසදීන්ගේ සහ හසන් අලි කණ්ඩායමටය. එම දෙපලගේ පුතුන් ඉකුත් බදාදා කල්මුණේ මාධ්ය සාකච්ඡාවක්ද පවත්වා කොන්ග්රසයේ නායකත්වය නැගෙනහිරට ගැනිමට කරන වික්රමයන් කියා පෑහ.
‘යහපාලන’ ආණ්ඩුවේ උපත සිදුවූයේද බොරු පොරොන්දු රැසක් දෙමිනි. කටයුතු කරන්නේද බොරුවෙනි. ‘යහපාලන’ ආණ්ඩුව සිය පාලන කාලය තුළදී දිනූ දේ රැකගමු කියා හඬ නැගුවද දිනපු දෙයක් නැත. ආණ්ඩුව පලවා හරින්න නිසිකල පැමිණි විට ජනතාව සූදානම්ය. නුවර සිට කොළඹට එන පාද යාත්රාව එහි මූලාරම්භයකි. මහින්ද සමඟ ජනබලය ජුලි 28 ලබන බ්රහස්පතින්දා වීදි බසිනු ඇත. එකම දැයක්වී, මහ බලයක්වී, පෙරටම යන එය අවසන් වන්නේ අගෝස්තු 1 සඳුදා පස්වරු 3ට කොළඹ හයිඩ් පිටියෙනි. මීලඟ මැතිවරණයේදී ‘යහපාලන’ ආණ්ඩුවට ඇඩ්රස් නැතිවනු ඇත. හතර වටේ බොරු කියා පුංචි ඡන්දයද කල් දමන්නේ එබැවිනි.
ධර්මන් වික්රමරත්න
( The writer is a senior journalist who could be reached at ejournalists@gmail.com OR 011-5234384)
මෙම පුවත තවත් කෙනෙක්ට බලන්න Share කරන්න
Comment
Subscribe to:
Posts (Atom)