අගමැතිට සහ කිරිඇල්ලට කථානායකගෙන් දැඩි අවවාද
අගමැතිට සහ කිරිඇල්ලට කථානායකගෙන් දැඩි අවවාද
විෂය භාර අමාත්‍යවරයා සභාවේ නොසිටි අවස්ථාවක එහි නියෝජ්‍ය අමාත්‍යවරයා හැරෙන්නට වෙනත් විෂයක නියෝජ්‍ය අමාත්‍යවරයකුට ප්රශ්න සඳහා පිළිතුරු ලබා දිය නොහැකි බවට වන ස්ථාවර නියෝග කඩ කරමින් පාර්ලිමේන්තුවේ කටයුතු නොකරන ලෙසට කථානායක කරු ජයසූරිය මහතා ඊයේ (07) පාර්ලිමේන්තුවේදී අග්‍රාමාත්‍යවරයාට සහ සභානායකවරයාට නියෝග කළේය.
ගම්පහ දිස්ත්‍රික් පාර්ලිමේන්තු මන්ත්රී ඉන්දික අනුරුද්ධ මහතා ඉඩම් අමාත්‍යවරයාගෙන් ඇසූ ප්‍රශ්නයකට පිළිතුරු දීම සඳහා සමාජ සවිබල ගැන්වීම් හා සුබසාධන නියෝජ්‍ය අමාත්‍ය රන්ජන් රාමනායක මහතාට ඉඩ ලබා දුන් අවස්ථාවේ ඇතිවූ නොසන්සුන්තාව හේතුවෙන් කථානායකවරයා මෙම නියෝගය කළේය.
දිවුලපිටිය ආසනයේ පවතින ඉඩම් ප්‍රමාණය සහ එහි ආයෝජන පිළිබඳව අනුරුද්ධ මන්ත්‍රීවරයා මෙම ප්‍රශ්නය මගින් විමසා තිබුණි.
පිළිතුරු දීමට පෙර අගමැතිවරයා ආණ්ඩු පක්ෂයේ ප්‍රධාන සංවිධායකවරයා සහ සභානායකගේ උපදෙස් මත අදාළ ප්‍රශ්නයට පිළිතුරු දීම සඳහා රන්ජන් රාමනායක නියෝජ්‍ය ඇමැතිවරයාට උපදෙස් දුන්නේය. පසුව ඔහු පිළිතුරු ලිපි ගොනුවද රැගෙන නැගී සිටියේය.
නියෝජ්‍ය ඇමැතිවරයා එයින් ප්රශ්න කිහිපයකට පිළිතුරු දීමෙන් පසු දිවුලපිටියේ පස් හොරුන් ගැන අදහස් දක්වන්නට පටන් ගත්තේය.
මේ අවස්ථාවේ ඒකාබද්ධ විපක්ෂයේ මන්ත්‍රීවරුන් සිය ආසනවලින් නැගී සිටිමින් රන්ජන් රාමනායක මහතාට විරෝධය දක්වන්නට වූහ.
කථානායකතුමනි, මේ ප්‍රශ්නය අහලා තියෙන්නේ ඉඩම් ඇමැතිගෙන්. ඉඩම් ඇමැති නැත්නම් ඉඩම් නියෝජ්‍ය ඇමැතිට උත්තර දෙන්න පුළුවන්. එහෙමත් නැත්නම් අගමැතිට පුළුවන්. නැත්නම් සභානායකට පුළුවන්. එහෙමත් නැත්නම් ආණ්ඩු පක්ෂ සංවිධායකට පුළුවන්. එහෙමයි සම්ප්‍රදාය. මේ කොහෙ ඉන්න නියෝජ්‍ය ඇමැති කෙනෙක්ද? එයා කොහොමද උත්තර දෙන්නෙ?” යැයි අනුර කුමාර දිසානායක මහතා මෙහිදී නැගී සිටිමින් කීවේය.
ඒකාබද්ධ විපක්ෂයේ මන්ත්‍රීවරුන්ද මෙහිදී ආණ්ඩු පක්ෂයට විරෝධය දැක්වූහ.
මේක කාලීන ප්‍රශ්නයක්. මන්ත්‍රීවරු හැටියට අපට ඇත්ත දැනගන්න ඕන. ඇයි උත්තර දෙනවට බයද?” සභානායක අමාත්‍ය ලක්ෂ්මන් කිරිඇල්ල මහතා කීවේය.
ස්ථාවර නියෝග 27 අනුව මට පවරන්න පුළුවන්. ඒකයි මම පැවරුවේ.” අගමැතිවරයා ස්ථාවර නියෝග පොත උපුටා දක්වමින් කීවේය.
කොහේ තියෙන බලයක්ද? ස්ථාවර නියෝගවල එහෙම නෑ. මේක අලුත් සම්ප්‍රදායක්.” ඒකාබද්ධ විපක්ෂයේ මන්ත්‍රීවරු ඝෝෂා කරන්නට වූහ.
හරි හරි ස්ථාවර නියෝග අනුව අපි කටයුතු කරමු. අලුත් සම්ප්‍රදායක් ඇති කරන්න ඕනෙ නෑ. එහෙම සම්ප්‍රදායක් ඇති කරන්න එපා.” කථානායකවරයා කීවේය.
ඒ අවස්ථාවේ ඒකාබද්ධ විපක්ෂයේ මන්ත්‍රීවරු සිය මේසය මතට තට්ටු කරමින් අත්‍පොළසන් දුන්හ.
අගමැතිතුමාට පුළුවන් පවරන්න. මේක අලුත් සම්ප්‍රදායක් නෙවෙයි.” සභානායක කීවේය.
මම මේ පුටුවේ ඉඳගෙන ඉන්නකම් පාර්ලිමේන්තුවේ සම්ප්‍රදායන් කඩන්නෙ නෑ. ගරු අගමැතිතුමා කරුණාකරලා ස්ථාවර නියෝග අනුව පිළිතුරු දෙන්න. කථානායකවරයා අගමැතිවරයාට කීවේය.
මේ අවස්ථාවේදීද ඒකාබද්ධ විපක්ෂයේ මන්ත්රී පිරිස කථානායකවරයාගේ තීන්දුවට සහාය දක්වමින් අත්‍පොළසන් දුන්හ.
සභානායකවරයා මේ ඝෝෂාව අතරින් යළිත් නැගී සිටියේය. ස්ථාවර නියෝග අනුව අගමැතිතුමාට පවරන්න පුළුවන්.” සභානායක අමාත්‍ය ලක්ෂ්මන් කිරිඇල්ල මහතා කීවේය.
මම නියෝගයක් දුන්නා ඒකට අනුව කටයුතු කරන්න. අපි මේ සභාවේ කටයුතු කරගෙන යමු. මේක විහිළුවක් කරන්න එපා.” කථානායකවරයා සභානායකවරයාට කීවේය.
ඔබතුමා පිළිගන්නෙ නැත්නම් කමක් නෑ. හැබැයි අගමැතිතුමාට පවරන්න පුළුවන්.” සභානායකවරයා කීවේය.
හරි හරි මම ඒක දන්නවා. නමුත් අගමැතිතුමා නැගී සිටියේ ඒකට නමෛයි. ඒකයි මම කියන්නේ මේ පුටුවේ ඉඳගෙන ඉන්න මාව අපහසුතාවට පත් කරන්න එපා. ඒකයි මම කියන්නෙ” කථානායකවරයා දැඩිව කීවේය.
අනතුරුව ඒකාබද්ධ විපක්ෂයෙ මන්ත්‍රීවරු මහා හයියෙන් අත්‍පොළසන් දෙන්නට වූහ
යහපාලනයේ ඔනැ එපාකම් නිසා අපේ පැරණි ෆෙස්බුක් පිටුව එහි සිටි සාමාජිකයන් 130000 සමග අතුරුදන් වී ඇති අතර මෙන්න අපේ නවතම ෆෙස්බුක් පිටුව like කර නොමැතිනම් like කර සෙට් වන්න සැමට කලින් සත්‍ය දැන ගන්න
