Showing posts with label sports. Show all posts
ලාංකිය ඉතිහාසයේ දේශපාලකයන්  සිරගත කළ දුර්ලභ අවස්ථා


නීතියේ ආධිපත්‍යය සහ අපි

රටක නීතියක් ඇත. යුක්තිය හා සාධාරණය කියා දෙයක් ඇත. වැරැදි කළ විට රටක පවත්නා නීතියට අනුව ඔහුට හෝ ඇයට දඬුවම් ලැබිය යුතු ය. සියල්ලට ඉහළින් ඇත්තේ නීතිය යි. පාලකයා, පාලිතයා ඇතුළු රාජ්‍යය තුළ පවතින අවශේෂ සියල්ලට ම වඩා නීතිය හා අධිකරණය උත්තරීතර වේ. 'නීතිය ඉදිරියේ සියල්ල සමාන වේ' යනුවෙන් අපි දේශපාලන විද්‍යාවේ දී උගත්තෙමු. ඒ. වී. ඩයිසි ගේ නීතියේ ආධිපත්‍ය සංකල්පය තුළ ඒ බව තවත් පුළුල් ව පැහැදිලි කර ඇත. නමුත් ජර්මානු දාර්ශනික කාල් මාක්ස් සිය රචනාවල දී සඳහන් කර ඇත්තේ, වෙනස් ම සංකල්පයකි. නීතිය ඉදිරියේ සියලු දෙනා සමාන වේ යන්න නිෂ්ප්‍රමාණ මත‍යක් බව ඔහු අවධාරණය කරයි. නීතිය නමැති මකුළු දැලට හසු වන කුඩා සතුන් එහි ගොදුරක් බවට පත් වන බවත් සවිමත් සත්ත්වයන් පමණක් මකුළු දැල ඉරා ඉන් මිදෙන බවත් කාල් මාක්ස් සඳහන් කළේ ය.

මාක්ස් ගේ පැහැදිලි කිරීම ඉදුරා යථාර්ථයක් බව ශ්‍රී ලංකාව වැනි රාජ්‍යයන් තුළ නීතිය ක්‍රියාත්මක වන ආකාරයෙන් හඳුනාගත හැකි ය. ඒ පිළිබඳ පැහැදිලි කිරීමට පළමුව දියුණු යැයි සම්මත රාජ්‍යයන් තුළ නීතිය ක්‍රියාත්මක වූ ආකාරය ගැන සරල අදහසක් ඇති කර ගනිමු. මීට සති දෙකකට පමණ පෙර අමෙරිකානු හිටපු ජනපති ඩොනල්ඩ් ට්‍රම්ප්ට එරට අධිකරණයකින් නියෝගයක් ලබා දුන්නේ ය. අමෙරිකානු ලේඛිකාවක මෙන්ම මාධ්‍යවේදිනියක් වන ඊ.ජීන් කැරොල් හට අපහාස කිරීමේ චෝදනාවට අදාළ ව අමෙරිකානු හිටපු ජනාධිපති ඩොනල්ඩ් ට්‍රම්ප් හට ඩොලර් මිලියන 83ක වන්දියක් ගෙවීමට එරට අධිකරණය නියෝග කළේ ය. නිව්යෝර්ක් ජූරි සභාවක් විසින් අදාළ නියෝගය ලබා දී ඇති බව විදෙස් මාධ්‍යය වාර්තා කර තිබිණි. ට්‍රම්ප් ජනාධිපති ධුරයේ කටයුතු කළ 2019 වසරේ දී ජීන් කැරොල්ට එරෙහි ව මෙම අපහසාත්මක ප්‍රකාශය සිදු කර තිබූ බව සඳහන් ය.

ට්‍රම්ප් යනු, අමෙරිකාවේ සිටි බලවත්ම සහ විශාල ධනස්කන්ධයක් හිමි ප්‍රභූවරයෙකි. ඔහුට දඩ නියම වන්නේ, ලේඛිකාවකට අපහාස කිරීමේ චෝදනාවක් අධිකරණයේ දී ඔප්පු වීම හේතුවෙනි. කොටින්ම කියනවා නම්, පොත් ලියන කාන්තාවකට අපහාස කිරීම නිසා ට්‍රම්ප්ට ඩොලර් මිලියන 83ක වන්දියක් ගෙවීමට සිදු විය. අමෙරිකානු නීතිය ඉදිරියේ ඩොනල්ඩ් ට්‍රම්ප්ටත් ඊ.ජීන් කැරොල්ටත් ඇත්තේ සමාන අවස්ථාවකි. සමාන පුද්ගලයන් සහ සමාන ඉඩ ප්‍රස්ථා යන ප්‍රජාතන්ත්‍රවාදයේ මූලිකාංගය ආරක්ෂා කිරීමට අමෙරිකාව සමත් වී ඇත. ලෝක බලවතා වශයෙන් ජාත්‍යන්තර දේශපාලනය තුළ අමෙරිකාවේ ක්‍රියාවලිය පිළිබඳ අපට ඕනෑ තරම් විවේචන ඇති කළ හැක. විශේෂයෙන් තත් මොහොතේ පවතින ඊශ්‍රායල - පලස්තීන සහ රුසියා - යුක්රේන ගැටුම තුළින් උක්ත කාරණය මොනවට සාධනය කර ගත හැකි ය. ඒ කෙසේ වෙතත් රාජ්‍ය අභ්‍යන්තරය තුළ පුරවැසි අයිතිවාසිකම් දිවමතුරක් සේ ගෙන ආරක්ෂා කිරීමට අමෙරිකාව වග වී ඇත. 

2023 වර්ෂයේ ජූලි මස 24 වැනි දා බීමත්ව රිය පැදවූ බවට චෝදනා එල්ල වූ නවසීලන්ත අධිකරණ ඇමතිවරිය ඉල්ලා අස් විය. නවසීලන්ත අධිකරණ අමාත්‍ය 39 හැවිරිදි කිරි ඇලන්, ‍රිය අනතුරෙන් පසු බීමත් බව පරීක්ෂා කරන ආශ්වාස ප්‍රාශ්වාස පරීක්ෂණය හරහා බීමතින් සිට ඇති බව තහවුරු විය. ඉනික්බිති පරීක්ෂණ නිමා වීමටත් පළමුව ඇය සිය ධුරයෙන් ඉල්ලා අස් විය. 

නවසීලන්ත හිටපු අගමැතිනි ජසින්ඩා ආර්ඩන් ව ද අපට සිහිපත් කළ හැකි ය. ඇයට කිසිදු චෝදනාවක් නොමැති නමුත් ඇය සිය ධුරයට සමු දුන් ආකාරය ලෝකයේ ම අවධානයට පාත්‍ර විය. දෙවැනි වරට ද අග්‍රාමාත්‍ය ධුරයට තරග වැදීමට අවස්ථාව තිබිය දී එක් වරක් පමණක් ධුරය දරා සමු ගැනීමට ඇය තීරණය කළා ය. කොවිඩ් වසංගත තත්ත්වය හමුවේ, නවසීලන්තය තුළ කොවිඩ් පාලනය සඳහා ජසින්ඩා ආර්ඩන් අතිසාර්ථක වැඩපිළිවෙළක් ක්‍රියාත්මක කළා ය. ඉන් ලද ප්‍රබල මහජන ප්‍රසාදය මෙන්ම සාර්ථක රාජ්‍ය පාලනයක් සිදු කිරීම හේතුවෙන් ඇයට දෙවැනි වර අග්‍රාමාත්‍ය ධුරයට පැමිණීම ඉතා පහසු කාරණයක් වන්නට තිබිණි. නමුත් ඒ සියල්ලට ම වඩා සිය පෞද්ගලික නිදහස වැදගත් කොට සැලකූ ඈ, සිය දරුවා සමඟ ජීවත් වීමට අවැසි බව කියමින් නවසීලන්තය නමැති විශිෂ්ට රාජ්‍යයේ විධායකය මොහොතකින් අත් හැර දැමීමට තීරණය කළා ය. අත්හැරීම නමැති සංකල්පය වචනාර්ථයෙන් භාවිත වුව ද ශ්‍රී ලංකාවට වඩා එහි ප්‍රායෝගික භාවිතාවන් ඇත්තේ, මෙවැනි රටවල නො වේ ද?

ඉහත උපුටා ඇත්තේ, ජාත්‍යන්තර දේශපාලනයට ඉතා සුලබ නමුත් අපට ඉතා දුලබ වූ සිදුවීම් ත්‍රිත්වයකි. එවැනි ඉල්ලා අස් වීම් හෝ පාලකයන්ට සෘජු ව නීතිය ක්‍රියාත්මක වීම් අප අත් දැක ඇත්තේ, අතළොස්සකටත් වඩා අඩු ප්‍රමාණයකි. ඉහත සඳහන් කළ සිදුවීම් කියවන විට ඒවා අප රට තුළ ක්‍රියාත්මක වීමක් ගැන සිතීම ම මුවට සිනහවක් නැඟෙන කාරණයක් වනු නොඅනුමාන ය. 
එසේ නීතිය ක්‍රියාත්මක වූ අවස්ථා කිහිපයක් පිළිබඳ සාකච්ඡා කළ හැකි නමුත් ඒවා ගෙන් අතිමහත් බහුතරයක් ම විකල්ප හෝ විපක්ෂ දේශපාලඥයන්ට ක්‍රියාත්මක වූ ඒවා ය. 

මිනිස්සු මැරෙන නිසා නේ ඉස්පිරිතාල ඉස්සරහ මල්ශාලා තියෙන්නේ
-සෞඛ්‍ය අමාත්‍ය කෙහෙළිය රඹුක්වැල්ල පාර්ලිමේන්තුවේ දී-

ළඟ පාත කාලයේ දේශපාලකයාට නීතිය ක්‍රියාත්මක කිරීම පිළිබඳ කතාබහක් කරළියට එන්නේ, අමාත්‍ය කෙහෙළිය රඹුක්වැල්ල අපරාධ පරීක්ෂණ දෙපාර්තමේන්තුව විසින් අත්අඩංගුවට ගැනීමත් සමඟිනි. ශ්‍රී ලංකාව තුළ බරපතළ කැලඹීමක් ඇති කළ 'හියුමන් ඉමියුනෝග්ලොබියුලින්' ඖෂධ වංචාව පිළිබඳ සිදුවීම හරහා, අමාත්‍ය කෙහෙළිය රඹුක්වැල්ල ගැන සුවිශේෂ සංවාදයක් සමාජය තුළ ඇති විය. අදාළ සිදුවීම පිළිබඳ දිගින් දිගට ම අපරාධ පරීක්ෂණ දෙපාර්තමේන්තුව මඟින් විමර්ශන සිදු කළ අතර, සැකකරුවන් ලෙස රාජ්‍ය නිලධාරිහු කිහිප දෙනෙක් අත්අඩංගුවට පත් වූහ. නමුත් සමාජ ක්‍රියාකාරිකයන්, සිවිල් සංවිධාන සහ වෛද්‍ය සංගම් දිගින් දිගට ම චෝදනා කළේ, ඖෂධ වංචාවට අදාළ මහමොළකරු තවමත් නිදැල්ලේ සිටිනා බව යි. ඒ වෙන කිසිවකු නොව, වංචාව සිදු වන අවස්ථාවේ සෞඛ්‍ය අමාත්‍යවරයා ලෙස කටයුතු කළ කෙහෙළිය රඹුක්වැල්ල බව මෙම සංවිධාන සඳහන් කළේ ය. 

කෙහෙළියට එරෙහි විරෝධය දිගින් දිගට ම සමාජය උණුසුම් කරද්දී සමඟි ජන බලවේගය ප්‍රමුඛ විපක්ෂය විසින් අමාත්‍ය කෙහෙළිය රඹුක්වැල්ලට එරෙහි ව විශ්වාසභංග යෝජනාවක් පාර්ලිමේන්තුවට ඉදිරිපත් කළේ ය. අප පෙර සඳහන් කළ නවසීලන්තයේ මෙන් කෙහෙළිය රඹුක්වැල්ල චෝදනා විමර්ශනය අවසාන වන තුරු සිය ධුරයෙන් ඉවත් වූයේ නැත. ඒ තබා ශ්‍රී ලංකාවේ උත්තරීතර ව්‍යස්වථාදායකය වත් කෙහෙළිය ගේ සෞඛ්‍ය පට්ටම ගැලවීමට තීරණය කළේ නැත. ඒ වෙනුවට විපක්ෂය ගෙන ආ විශ්වාසභංග යෝජනාව පරාජය කිරීමට ආණ්ඩු පාර්ශ්වය කටයුතු කළේ ය. මහජන මතය කෙහෙළියට එරෙහි ව පවතිද්දි නියෝජිත ප්‍රජාතන්ත්‍රවාදයේ මුදුන් මල්කඩ බදු පාර්ලිමේන්තුව කෙහෙළිය ව ආරක්ෂා කළේ ය. එය හාස්‍යමය දේශපාලන විසංවාදයකි. විවිධ සංකූලතා හේතුවෙන් රෝහල්වල රෝගිහු මිය ගිය හ. ඊට හේතුව බාල ඖෂධ බවට බොහෝ පාර්ශ්ව චෝදනා කළේ ය. එය සත්‍ය වේ වා අසත්‍ය වේ වා සිය කනගාටුව ප්‍රකාශ කරනු වෙනුවට කෙහෙළිය රඹුක්වැල්ල සිදු කළේ, රෝගින් ගේ මරණ, සරල සහ ග්‍රාම්‍ය වාක්‍ය ඛණ්ඩයකට ලඝු කිරීමකි. ''මිනිස්සු මැරෙනවා තමයි. ඒ නිසා නේ ඉස්පිරිතාල ඉස්සරහ මල්ශාලා තියෙන්නේ'' යනුවෙන් පාර්ලිමේන්තුවේ දී උස් හඬින් කතා කළ කෙහෙළිය රඹුක්වැල්ල ව ලාංකේය පුරවැසියාට අමතක කළ නො හැක. කෙසේ වෙතත් බාල ඖෂධ සිද්ධිය සමාජය දිනෙන් දින උණුසුම් කිරීමත් සමඟ ජනාධිපති රනිල් වික්‍රමසිංහ විසින් සෞඛ්‍ය අමාත්‍ය ධුරය කෙහෙළිය ගෙන් ඉවත් කර අමාත්‍ය රමේෂ් පතිරණට ලබා දෙන ලදි. ඉන් පසු, සෞඛ්‍යයේ යහපැවැත්ම සාධනය කිරීමේ වගකීම වෙනුවට පරිසරය ආරක්ෂා කිරීමේ වගකීම කෙහෙළියට හිමි විය.

කෙසේ නමුත් ඉකුත් පෙබරවාරි 02 වැනි දා කෙහෙළිය රඹුක්වැල්ල CID අත්අඩංගුවට ගැනුණු අතර, අධිකරණයට ඉදිරිපත් කිරීමෙන් අනතුරු ව රක්ෂිත බන්ධනාගාරගත කරන ලදි. පසු ව ඔහු සිය පරිසර අමාත්‍ය ධුරයෙන් ද ඉවත් විය. ව්‍යවස්ථාදායකය නියෝජනය කළ ආණ්ඩුවේ අමාත්‍යවරයකු අත්අඩංගුවට ගෙන රක්ෂිත බන්ධනාගාරගත කිරීමක් ගැන අපට මෙසේ අසන්නට ලැබුණේ දිගු කාලයකට පසු ව වීම විශේෂත්වයකි.

සිරගත කළ දේශපාලඥයන් ගේ ඉතිහාසය

අප්‍රේල් කැරැල්ල සහ රෝහණ විජේවීර

ජනතා විමුක්ති පෙරමුණේ නිර්මාතෘ සහ එහි ආරම්භක නායක පටබැඳි දොන් නන්දසිරි රෝහණ විජේවීර පළමු වරට සිරගත වන්නේ, 1970 දී ය. ඒ, 71 කැරැල්ල ඇති වීමට පෙර සමයේ දී රජයට විරුද්ධ ව කැරලි ගැසීමේ චෝදනාව යටතේ ය. අත්අඩංගුවට ගැනුණු රෝහණ විජේවීර යාපනය බන්ධනාගාරයේ රඳවා තැබිණි. රෝහණ විජේවීර ව මුදා ගැනීම සඳහා යාපනය බන්ධනාගාරයට ප්‍රහාරයක් එල්ල කිරීම ද 71 කැරැල්ලේ එක් සැලසුමක් බවට පත් ව තිබිණි. රැජින ගේ ආණ්ඩුව සහ එවකට අග්‍රාමාත්‍ය සිරිමා බණ්ඩාරනායක ගේ පාලන තන්ත්‍රය පෙරළා දැමීම ද කැරැල්ලේ තවත් එක් අරමුණක් විය. කෙසේ වෙතත් ජනතා විමුක්ති පෙරමුණ දියත් කළ මෙම සන්නද්ධ අරගලය අසාර්ථක එකක් බවට පත් විය. කැරැල්ලෙන් පසු සැකකරුවන්ට 'රැජින ගේ ආණ්ඩුවට හා අග්‍රාමාත්‍යවරියට එරෙහි ව කැරලි ගැසීම' යන චෝදනා එල්ල විය. චෝදනා විමර්ශනය සඳහා ' අපරාධ යුක්ති කොමිෂන් සභාව' නමින් කොමිෂන් සභාවක් ද පිහිටවූ අතර, 71 අප්‍රේල් කැරැල්ලේ මහනඩුවට ප්‍රධාන සැකකරුවන් 16 දෙනෙකු ඇතුළත් විය. රෝහණ විජේවීරට අමතර ව ලොකු අතුල හෙවත් අතුල නිමලසිරි ජයසිංහ, පොඩි අතුල හෙවත් වික්ටර් අයිවන්, ජවිපේ උපනායක උපතිස්ස ගමනායක මහනඩුවේ ප්‍රධාන සැකකරුවෝ වූහ. නඩු විභාගය අවසානයේ රෝහණ විජේවීර ඇතුළු පිරිසට සිර දඬුවම් නියම විය. කෙසේ වෙතත් 1977 ඔක්තෝබර් 27 වැනි දා අපරාධ යුක්ති විනිශ්චය කොමිෂන් සභා පනත අවලංගු කිරීමේ පනත් කෙටුම්පත පාර්ලිමේන්තුවේ දි සම්මත වුණු අතර, විජේවීර ඇතුළු අප්‍රේල් කැරැල්ලේ සිරකරුවෝ නිදහස ලැබූ හ. 88-89 කැරැල්ලෙන් පසු රෝහණ විජේවීරට සිරගත වීමට හෝ නිදහස් වීමට අවස්ථාවක් නො ලැබුණු අතර, ඔහු 1989 නොවැම්බර් 13 වැනි දා බොරැල්ල කනත්තේ දී ඝාතනයට ලක් විය.

විජය කුමාරතුංග සහ නැක්සලයිට් චෝදනාව

ලාංකේය දේශපාලනයේ පෙරළියක් ඇති කළ තවත් එක් ප්‍රධානතම දේශපාලන චරිතයක් ලෙස විජය කුමාරතුංග හඳුනා ගැනීම අවිවාදිත ය. හිටපු ජනාධිපතිනි චන්ද්‍රිකා බණ්ඩාරනායක කුමාරතුංග ගේ ස්වාමි පුරුෂයා වූ විජය කුමාරතුංග, සිංහල සිනමාවේ ස්වර්ණමය යුගය හැඩ කළ සිනමාවේ සිහින කුමාරයා ලෙස අදට ද හඳුනා ගැනේ. 1945 ඔක්තෝබර් 08 වැනි දා රාගම දී උපත ලැබූ විජය කුමාරතුංග, 1988 පෙබරවාරි 16 වැනි දා ඝාතනයට ලක් විය. ඔහු ගේ ඝාතනය පිළිබඳ පාර්ශ්ව කිහිපයකට චෝදනා එල්ල විය.

විජය කුමාරතුංග සමසමාජ පක්ෂයෙන් තම දේශපාලන දිවිය ආරම්භ කළේ ය. 1977 මහ මැතිවරණයේ දී කටාන ආසනයෙන් ශ්‍රී ලංකා නිදහස් පක්ෂයෙන් තරග වැදී මනාප 19,738ක් ලබා ගත්තේ ය. ඔහු ක්‍රියාකාරී ලෙස 1982 දී හෙක්ටර් කොබ්බෑකඩුව දිනවීම සඳහා සටන් වැදිණි. 

කෙසේ වෙතත් මැතිවරණයයෙන් පසු විජය කුමාරතුංගට නැක්සලයිට් චෝදනා එල්ල විය. නැක්සලයිට්වරුන් යනු, ඉන්දියාවේ සිටි විමුක්ති සටන්කාමින් පිරිසකි. චීනයේ මාඕ සේතුන් ගේ යුදවාදී සංකල්පය සිය දාර්ශනික සහ දේශපාලන හරය කර ගත් නැක්සලයිට්වරු, කොමියුනිස්ට්වාදී පදනමකින් රාජ්‍යයට එරෙහි ව ජනතාව සංවිධානය කළ පිරිසක් වූ හ. 1964 දී ඉන්දියාව තුළ ආරම්භ වූ නැක්සලයිට් ව්‍යාපාරය ඉතා ශීඝ්‍රයෙන් ලෝකයේ ම අවධානය දිනා ගත් ව්‍යාපාරයක් බවට පත් විය. 

1982 ජනාධිපතිවරණයෙන් හෙක්ටර් කොබ්බෑකඩුව පරදා ජූනියස් රිචඩ් ජයවර්ධන ශ්‍රී ලංකාවේ පළමු විධායක ජනාධිපතිවරයා බවට පත් විය. එම ජනාධිපති සටනේ දී විජය කුමාරතුංග ගේ පූර්ණ සහයෝගය හිමි වූයේ, හෙක්ටර් කොබ්බෑකඩුවට ය. කෙසේ වෙතත් විජය කුමාරතුංගට රාජ්‍යය පෙරළීමට කුමන්ත්‍රණය කළ බවට නැක්සලයිට් චෝදනා එල්ල විය. මෙය 80 දශකය කැලඹූ ප්‍රබල සිද්ධියකි. මෙම චෝදනාව මත 1982 නොවැම්බර් 19 වැනි දා විජය කුමාරතුංග හිර ගෙදරට නියම විය. එතැන් සිට 1983 ජනවාරි 18 වැනි දා දක්වා ඔහු බන්ධනාගාරගත විය. බන්ධනාගාරයේ දී විජය කුමාරතුංග සිටි කුටියේ අධික ආලෝකයක් සහිත විදුලි බුබුලක් දල්වා තිබූ බවටත් එහි ආලෝකයේ සැර හේතුවෙන් විජය කුමාරතුංගට නිදා ගැනීමට පවා නො හැකි වූ බවටත් ජනප්‍රිය කතාවක් සමාජයේ පවතියි.

අධිකරණයට අපහාස කළ එස්.බී

අධිකරණයට අපහාස කිරීම පිළිබඳ සාකච්ඡා විටින් විට සමාජය තුළින් මතු වේ. අවසන් වතාවට එවැන්නක් පිළිබඳ අපට අසන්නට ලැබුණේ, හදිසි අනතුරකින් මිය ගිය සනත් නිශාන්ත අමාත්‍යවරයා ගෙනි. ඔහු අධිකරණයට අපහාස කළ බවට කණ්ඩායම් කිහිපයක් ම චෝදනා එල්ල කළ නමුත් එම චෝදනා පිළිබඳ අධිකරණ කටයුතු නිමා වීමට පෙර ඔහු ජීවිතක්ෂයට පත් විය. කෙසේ වෙතත් අධිකරණයට අපහාස කිරීම යන චෝදනාව යටතේ අප ගේ මතකයට නැඟෙන ප්‍රධානතම සිද්ධියක් වන්නේ, 2003 වර්ෂයේ දී එවකට එක්සත් ජාතික පක්ෂය නියෝජනය කළ එස්.බී.දිසානායක අධිකරණයට අපහාස කළ සිදුවීම යි. 

2003 වසරේ හබරාදූවේ පැවැති වප්මඟුල් උලෙළක දී මාධ්‍යය ඉදිරියේ දී කළ ප්‍රකාශයක් මුල්කර ගනිමින් අධිකරණයට අපහාස කිරීමේ චෝදනාවට ඔහු ලක් විය. එකල ඔහු කෘෂිකර්ම අමාත්‍යවරයා විය. 2003 වසරේ කළ ප්‍රකාශය සම්බන්ධයෙන් ශ්‍රේෂ්ඨාධිකරණය චෝදනා විභාග කර එස්.බී. දිසානායකට සිර දඬුවම් නියම කළේ ය. ඒ 2004 වසරේ දෙසැම්බර් 12 වැනි දා ය. අධිකරණ තීන්දුව ප්‍රකාර ව ඔහුට වසර දෙකක සිර දඬුවමක් නියම විය.

අධිකරණයට අපහාස කිරීමේ චෝදනාවට වැරැදිකරු කෙරුණු හිටපු අමාත්‍ය එස්.බී දිසානායකට බරපතළ වැඩ ඇති ව දෙවසරක සිර දඬුවමක් නියම කෙරිණි. ඒ, හිටපු ජනාධිපතිනි චන්ද්‍රිකා බණ්ඩාරනායක කුමාරතුංග ගේ ආණ්ඩුව සමයේ ය. ඉක්බිති 2005 වසරේ දී පර්සි මහේන්ද්‍ර රාජපක්ෂ ශ්‍රී ලංකාවේ ජනාධිපතිවරයා වූ අතර, ඔහු සිය විධායක බලතල භාවිත කර එස්.බී. දිසානායකට නිදහස ලබා දුන්නේ ය. පසු ව එස්.බී.දිසානායක මහින්ද රාජපක්ෂ සමඟ දේශපාලන දීගයක් ඇරඹීය.

සරත් ෆොන්සේකා සිරගත කිරීම

2009 දී උතුරේ බෙදුම්වාදී අරගලයට යුදමය අවසානයක් උදා විය. ශ්‍රී ලංකා දේශයේ මහා අධිරාජ්‍යයා ලෙස හිටපු ජනපති මහින්ද රාජපක්ෂ විරාජමාන වූයේ, මෙම සමයේ ය. ඔහු ගේ නමින් 'ආයුබෝ වේ වා මහරජාණනි' යනුවෙන් ගීත පවා ගැයුණේ මෙම වකවානුවේ දී ය. ඉන් පසු 2010 ජනාධිපතිවරණය කැඳවිණි. ජනපති සටන තුළ කොන්දේසි විරහිත ව නැඟී ආ මහා පෞරුෂය වූයේ මහින්ද රාජපක්ෂ ය. මහින්ද ගේ පසමිතුරා වූ වත්මන් ජනපති, එවකට විපක්ෂ නායක රනිල් වික්‍රමසිංහට එම මොහොතේ තිබුණේ, අඩි 06ක් පොළොව යට වළ දැමූ මහජන මතයකි. ''යුද්ධ කරන්න ඕන ගොනෙකුට පුළුවන්' යැයි පැවසූ ලක්ෂ්මන් කිරිඇල්ලලා, ''අලිමංකඩ යනවා කියලා පාමංකඩ යනවා, කිලිනොච්චි යනවා කියලා මැදවච්චි යනවා'' යැයි පැවසූ රවීලා මැද රනිල් ගේ මහජන මතය තිබුණේ, වැලේ වැල් නැති ව ය. මහින්ද රාජපක්ෂ ව ජනපති සටනින් පැරදවීම නමැත්ත කණ කැස්බෑවා විය සිදුරෙන් අහස බැලීමටත් වඩා දුර්ලභ වූ එකක් බව රනිල්ට වැටහිණි. මළ දරුවා ළයේ හොවාගෙන උමතුවෙන් පාරක් පාරක් ගාණේ ඇවිද ගිය කිසාගෝතමිය මෙන් පණ අදින එක්සත් ජාතික පක්ෂය නමැති දරුවා රැගෙන ජනපති සටන තුළ හසරක් නොමැති ව නන්නත්තාර වීමට රනිල්ට සිදු විය.

සියල්ල ඇරඹුණේ ඉන් පසු ය. විපක්ෂයේ පොදු අපේක්ෂකයා ලෙස රනිල් ප්‍රමුඛ පාර්ශ්වය, යුද ජයග්‍රහණයේ කේන්ද්‍රීය නියමුවකු වූ ජෙනරාල් සරත් ෆොන්සේකා ව ජනපති සටනට කැන්දාගෙන පැමිණිය හ. තත් මොහොත තුළ මහින්දට එරෙහි ව පොර පිටියට දැමීම සඳහා සරත් ෆොන්සේකා හැර වෙනත් කිසිවකු සොයා ගැනීමට රනිල්ට නො හැකි වූවා සේම ඒ සඳහා වෙනත් සුදුසු කිසිවකු ද ලාංකේය දේශපාලනයේ එම මොහොත තුළ නොසිටියේ ය. 2010 ජනාධිපතිවරණය පැවැත්විණි. ඉන් මහින්ද රාජපක්ෂ වැඩි ඡන්ද ලක්ෂ 18කින් සරත් ෆොන්සේකා පරාජය කර දෙවැනි වරට ද ශ්‍රී ලංකාවේ ජනාධිපතිවරයා බවට පත් විය. 

සරත් ෆොන්සේකාට කල්දේරම් බත්

ජනපති සටන නිමා වී සතියක් යන්නටත් පෙර ජෙනරාල් සරත් ෆොන්සේකා ව අත්අඩංගුවට ගැනිණි. ඔහුට චෝදනා කිහිපයක් එල්ල විය. ඒ 2010 වර්ෂයේ දී ය. චෝදනා විභාග කළ ත්‍රිපුද්ගල විනිසුරු මඬුල්ල විසින් අධිචෝදනා යටතේ සරත් ෆොන්සේකාට වසර 03ක සිර දඬුවමක් නියම කෙරිණි.

කෙසේ වෙතත් ජනපති සටනින් පසු ජෙනරාල් සරත් ෆොන්සේකා, නව දේශපාලන පක්ෂයක් ආරම්භ කරමින් මහමැතිවරණය සඳහා තරග කළේ ය. ඉන් ඔහු පාර්ලිමේන්තුවට ද තේරී පත් වූ නමුත් සිරදඬුවම් හේතුවෙන් පාර්ලිමේන්තුවට පැමිණීමේ අවස්ථාව අහිමි විය. ඉන් පසු 2015 රනිල් - මෛත්‍රී යහපාලන ආණ්ඩුව බිහි වුණේ, මහින්ද රාජපක්ෂට මැදමුල වලවුවේ ජනේලයේ එල්ලීමට කටයුතු සලස්වමිනි. ඉන් පසු ජනාධිපති මෛත්‍රිපාල සිරිසේන, ජෙනරාල් සරත් ෆොන්සේකා සියලු චෝදනාවලින් නිදොස් කොට නිදහස් කර ඔහු ගේ පදක්කම් ද නැවත පිරිනැමීමට කටයුතු කළේ ය. එසේම ලාංකේය ඉතිහාසයේ පළමු වරට ෆීල්ඩ් මාෂල් ධුරය ද ඔහුට ලබා දුන්නේ ය.

කුමාර් ගුණරත්නම් ගේ දිවිත්ව පුරවැසිභාවය

1988-89 වකවානුවේ ජනතා විමුක්ති පෙරමුණ විසින් ගෙන ගිය සන්නද්ධ අරගලය අසාර්ථක විය. එසේම ජනතා විමුක්ති පෙරමුණ ආණ්ඩුවේ සහ රාජ්‍ය හමුදාවල බරපතළ මර්දනයකට ලක් විය. එම මර්දනය හමුවේ ජනතා විමුක්ති පෙරමුණේ නායක රෝහණ විජේවීර, උපනායක උපතිස්ස ගමනායක, සන්නද්ධ අංශයේ නායක කීර්ති විජයභාහු ඇතුළු ජවිපේ ප්‍රබලයන් සියල්ල ම පාහේ ඝාතනයට ලක් විය. ප්‍රබලයන් ලෙස ඉතිරි වූයේ කිහිප දෙනකු පමණි. ඒ අතර ජවිපේ හිටපු නායක සෝමවංශ අමරසිංහ, ලයනල් බෝපගේ, ටිල්වින් සිල්වා, නන්දන ගුණතිලක වැනි අය වූහ. සන්නද්ධ අරගල‍යෙන් පසු සෝමවංශ අමරසිංහ එංගලන්තයට පැන ගිය බවත් ඉතිරි නායකයන් තැන් තැන්වල නිශ්ක්‍රීය ව ක්‍රියාතමක වූ බවත් ජවිපේ ඉතිහාසය කියවන විට අපට හමු වේ. 

ජවිපේ නැවත බිහි වීම පිළිබඳ සාකච්ඡා කිරීමේ දී මතු වන ප්‍රධාන චරිතයක් ලෙස කුමාර් ගුණරත්නම් හඳුනාගත හැකි ය. වත්මන් පෙරටුගාමී සමාජවාදී පක්ෂයේ මහලේකම්වරයා වන්නේ ද කුමාර් ගුණරත්නම් ය. 88-89 සමයේ ජනතා විමුක්ති පෙරමුණු මධ්‍යම කාරක සභාවට අමතර ව ඊට පහළින් පැවති නිලධාරී ධුරාවලියක් පැවතුණු බව සඳහන් ය. එම අප්‍රකට සහ සැඟවුණු දේශපාලනයේ ප්‍රබල ක්‍රියාකාරිකයකු ලෙස කුමාර් ගුණරත්නම් හඳුනාගත හැකි බව ජවිපේ ඉතිහාසය ගැන කියන්නන් නිතර සඳහන් කරන කාරණයකි. නොයෙල් මුදලිගේ, කුමාර් මහත්තයා යන අන්වර්ථ නාමවලින් ද ඔහු පෙනී සිට තිබේ. කෙසේ වෙතත් කුමාර් ගුණරත්නම් පිළිබඳ වත්මන් ජනතා විමුක්ති පෙරමුණ තුළ ඇත්තේ, පරස්පර අදහසකි. වරක් මාධ්‍යවේදියකු ඇසූ පැනයකට පිළිතුරු ලබා දෙමින් ජවිපේ වත්මන් නායක අනුර කුමාර දිසානායක පැවසුවේ, කුමාර් ගුණරත්නම් නමැති පුද්ගලයකු කිසි දා ජනතා විමුක්ති පෙරමුණේ නො සිටි බව යි. කෙසේ වෙතත් අනුර කුමාර දිසානායක ඉංග්‍රීසි උගත්තේ, කුමාර් ගුණරත්නම් ගේ මව ගෙන් බව ජවිපේ දේශපාලන ඉතිහාසය දන්නා ඕනෑම අයකු පවසන කාරණයකි.

2015 වර්ෂයේ දී කුමාර් ගුණරත්නම් ශ්‍රී ලංකාවට පැමිණියේ ය. එතෙක් ඔහු සිටියේ ඔස්ට්‍රේලියාවේ ය. තමා ගේ හුරු පුරුදු දේශපාලනය කිරීමට සහ තමා ගේ දේශපාලනයේ අක්මුල් සොයා නැවත ලංකාවට පැමිණි බව ඔහු වරක මාධ්‍ය සාකච්ඡාවක දී සඳහන් කළේ ය. 2015 දී ජනතා විමුක්ති පෙරමුණේ සිටි පිරිසක් පක්ෂයෙන් ඉවත් වී පෙරටුගාමී සමාජවාදී පක්ෂය නමින් පක්ෂයක් බිහි කර ගත් අතර, එහි මහලේකම්වරයා වූයේ කුමාර ගුණරත්නම් ය. කෙසේ වෙතත් ආගමන විගමන නීති උල්ලංඝනය කිරීමේ චෝදනා යටතේ කුමාර් ගුණරත්නම්ට නඩු පැවරිණි. ඔස්ට්‍රේලියානු පුරවැසිභාවය තිබිය දී වීසා නොමැති ව මෙරට දේශපාලනය කිරීම වැනි කාරණා ඔහුට විරුද්ධ ව පැවති චෝදනා වේ. ඒ අනුව ඔහු 2016 වර්ෂයේ දී ඔහු බන්ධනාගාරගත වන අතර, 2016 දෙසැම්බර් 02 වැනි දා නිදහස ලැබුවේ ය. කෙසේ වෙතත් ඉන් පසු නීත්‍යනුකූල ව ඔස්ට්‍රේලියානු පුරවැසිභාවය ඉවත් කර ගත් කුමාර් ගුණරත්නම් මේ වන විට ශ්‍රී ලංකාවේ ප්‍රසිද්ධ දේශපාලනය තුළ නිරත ව සිටියි.

රන්ජන් රාමනායක ගේ අධිකරණ අපහාසය

2020 මහමැතිවරණයේ දී සමගි ජන බලවේගයෙන් දිවුලපිටියට තරග කළ රන්ජන් රාමනායක ඉන් ජයග්‍රහණය කොට පාර්ලිමේන්තුවට තේරී පත් විය. කෙසේ වෙතත් ඔහුට වැඩි කලක් සිය මන්ත්‍රී අසුන තුළ කටයුතු කිරීමට නොහැකි විය. විටින් විට ආන්දෝලනාත්මක ප්‍රකාශයන් නිකුත් කළ රන්ජන් රාමනායක, දේශපාලනය තුළ එක්තරා 'වීර' චරිතයක් ද නිරූපණය කළේ ය. ''උනුත් එකයි මුනුත් එකයි ඔක්කොම හොරු මල්ලි'' වැනි ප්‍රකාශ හරහා රන්ජන් රාමනායක කෙරෙහි යම් ජනාදරයක් නිර්මාණය වය. 

කෙසේ වෙතත් රන්ජන්ට මෙම ආන්දෝලනාත්මක ප්‍රකාශ දිගින් දිගටම සිදු කළ නොහැකි විය. මාධ්‍යය ඉදිරියේ අධිකරණය විනිසුරුවන් ගේ තීරණ පිළිබඳ විවේචනාත්මක අදහස් පළ කිරීමේ චෝදනාව යටතේ රන්ජන් රාමනායකට නඩු පැවරිණි. ඒ අනුව 2020 වර්ෂයේ දී රන්ජන් රාමනායක සිරගත වුණු අතර, ඉන් පසු ඔහු බන්ධනාගාරගත කෙරිණි. පසු ව 2022 වර්ෂයේ දී ජනාධිපති සමාව ලැබීමෙන් පසු ඔහු නිදහස ලැබීය.

ඉහත දක්වා ඇති සිදුවීම්වලින් අතිමහත් බහුතරය පිළිබඳ විමසීමේ දී පැහැදිලි වන මහාපොදු සාධකය වන්නේ, මෙම නීතිය ක්‍රියාත්මක වීම් සියල්ල ම පාහේ විපක්ෂ සහ විකල්ප දේශපාලඥයන්ට එදිරි ව ක්‍රියාත්මක වූ ඒවා බව ය. එස්.බී දිසානායක පමණක් ආණ්ඩු පාර්ශ්වය නියෝජනය කරමින් සිට සිරගත වුව ද ඔහුට එල්ල වූ චෝදනාව බරපතළ එකකි. ඒ, අමු අමුවේ අධිකරණයට ප්‍රසිද්ධියේ අපහාස කිරීම ය. ඒ හැර සෙසු සියලු සිදුවීම් විපක්ෂ දේශපාලඥයන්ට එරෙහි ව නීතිය ක්‍රියාතත්මක වීම් ය. නමුත් බොහෝ කලකට පසු ව එම ක්‍රමය වෙනස් වී මේ මොහොතේ කෙහෙළිය රඹුක්වැල්ල බන්ධනාගාරගත වී ඇත. එය ආණ්ඩුවේ සංදර්ශනයක් විය හැකි බවට ද විවිධ පිරිස් මත පළ කරති. එම මතය ද බැහැර කළ නො හැක්කේ, අප ඉතිහාසය හොඳින් දන්නා බැවිනි. එමෙන්ම මෙම අවස්ථාවේ දී නම් කෙහෙළිය බෙල්ල මුලින්ම සිර වී ඇති බවත් ඔහුට ගැලවීමේ හැකියාවක් නැති බවත් තවත් පාර්ශ්ව පළ කරන අදහසකි.

ඉදින් මේ ආදී සිදුවීම්වලින් හා ඉතිහාසය පිළිබඳ විමර්ශනයෙන් අපට අනාගතය පිළිබඳ පුරෝකථනයන් සිදු කළ හැකි ය. ඒ අනුසාරයෙන් ශ්‍රී ලංකාව නමැති රාජ්‍යය විශිෂ්ට රාජ්‍යයක් ලෙස ඔසවා තැබීමට අපට හැකියාව ලැබෙනු ඇත. තරාතිරම, පක්ෂ, පාට නො බලා නීතිය සැමට එක සේ ක්‍රියාත්මක වන රාජ්‍යයක් බවට ශ්‍රී ලංකාව ද පත් වේ වා යි අපි බලාපොරොත්තු දල්වා සිටිමු.

ඇඩ්මින් - Amila ( cassano di'Adda ) Milano Italy මෙම පුවත තවත් කෙනෙක්ට බලන්න Share කරන්න

සමාජමාධ්‍යයේ අනුර පුම්බන්න ජවිපෙ කෝටි පහක් වියදම් කරලා – සාක්ෂිත් සමගම කැම්පේන් විස්තර එළියට

 


ජනතා විමුක්ති පෙරමුණේ නායක අනුර කුමාර දිසානායක මහතාගේ ප්‍රතිරූපය උදෙසා ප්‍රවර්ධන ආයතනයක් විසින් ජනතා විමුක්ති පෙරමුණෙන් මුදල් ලබා සිදුකරන ප්‍රචාරණ ව්‍යාපෘතියක අයවැය ලේඛනයක් සමාජජාලා මාධ්‍යයට නිකුත් වී තිබේ.

‘අලුත් මාවතකට හැරෙමු’ නමින් නම් කර ඇති මෙම ප්‍රචාරණ ව්‍යාපෘතිය දිවයිනේ ප්‍රකට එමෙන්ම, ජනතා විමුක්ති පෙරමුණ සමග සමීපව කටයුතු කරනා “Ogilvy Digital” ප්‍රචාරණ ඒජන්සිය විසින් මෙහෙයවයි.

එහිදි එම ආයතනය විසින් ලබා දුන් යෝජනාවේ සම්පූර්ණ වටිනාකම රුපියල් මිලියන පනහකි (කෝටි පහකි). එහිදි ජනතා විමුක්ති පෙරමුණ විසින් ව්‍යාපෘතිය ආරම්භ කිරීමට පෙරම 50%ක අත්තිවාරම් මුදලක් එනම් කෝටි දෙක හමාරක මුදලක් මෙම ප්‍රචාරණ ඒජන්සිය වෙත ගෙවා තිබේ.

මෙහිදි මෙම ව්‍යාපෘතිය විසින් ප්‍රසිද්ධ මාධ්‍ය වල වැඩසටහන් අනුර කුමාර දිසානායකට වෙන් කිරීමටත් “Ogilvy Digital” ප්‍රචාරණ ඒජන්සිය එකඟ වී තිබේ. සාමාන්‍යයෙන් මෙම වැඩසටහන් වල ආරාධිතයන් තීරණය කරන්නෙ එහි නිෂ්පාදකවරයා අතර, ඔහුට හෝ ආයතනයේ මාකටිං අංශයට සෘජුවම මුදල් ගෙවා මෙම වැඩසටහන් ලබා ගැනීමේ හැකියාව පවති.

තවද ‘Talk With Chamuditha’ , ”Suda Creation” වැනි ජනප්‍රිය යූටියුබ් නාළිකාද මෙම කැම්පේන් ව්‍යාපෘතිය සඳහා යොදාගැනීමට ප්‍රචාරණ ඒජන්සිය යෝජනා කර තිබේ. එම යූටියුබ් නාළිකා වල වැඩසටහන් ඕනෑම පුරවැසියෙකුට මුදල් ගෙවා මිලට ගැනීමේ හැකියාව පවති.

තවද ජනප්‍රිය ෆේස්බුක් පිටු, වෙබ් අඩවි මෙන්ම ෆේස්බුක් ගිණුම්ද අනුර කුමාර දිසානායක මහතාගේ ප්‍රතිරූපය නංවන මෙම ප්‍රචාරණ වැඩපිළිවෙලට යොදා ගැනීමට “Ogilvy Digital” ආයතනය යෝජනා කර තිබේ.

මෙහි විශේෂත්වය වන්නේ “Tik Tok” සමාජජාලා මාධ්‍යයේද මෙම ප්‍රචාරණ ව්‍යාපෘතිය සිදු කිරීමයි. මින්පෙර කිසිඳු දේශපාලන පක්ෂයක් ‘Tik Tok’ මාධ්‍යය දේශපාලන ප්‍රචාරණ ව්‍යාපෘතීන්ට භාවිතා කළේ නැත. එය ඉතා නිර්මාණශීලි උපක්‍රමයක් වන්නේ මීළග මැතිවරණයක මුල්ම ඡන්දය හිමි තරුණ පිරිස අතර “Tik Tok” සමාජජාලා මාධ්‍යය අතිශය ජනප්‍රිය වීම හේතුවෙනි.

තවද ෆේස්බුක් සමාජජාලා මාධ්‍යයේ පළ කිරීම් “අසත්‍යය” යැයි ලයිස්තුගත කිරීමට බලය හිමි ‘Fact Crescondo’ ෆැක්ට් චෙකිං ආයතනයට මුදල් ගෙවීමටත් මෙම ව්‍යාපෘතියෙන් යෝජනා කර තිබේ. එමගින් ජවිපෙට එරෙහි සමාජජාලා පළ කිරීම් අසත්‍ය ලෙස ලයිස්තු ගත කිරීමටය.

දැනමටත් ‘Fact Crescendo’ වෙබ් අඩවියේ පළ කිරීම් වලින් 60%ක් පමණ වෙන් කර ඇත්තේ තෙවන පාර්ශවයක් වන ජවිපෙට එරෙහි පළ කිරීම් උදෙසා වීමත් විශේෂය. මේ පිළිබඳව මාධ්‍ය සංවිධානයක් ‘Fact Crescendo Sinhala’ වෙබ් අඩවියට එරෙහිව ෆේස්බුක් ආයතනයට සහ IFCN ආයතනයට පැමිණිලි කිරීමේ සුදානමක් පවතින බවද වාර්තා වේ.

කෙසේ වෙතත් මෙලෙසට Fact Crescendo’ ෆැක්ට් චෙකිං ආයතනය ජවිපෙ වෙනුවෙන් කටයුතු කරන්නේ මෙම ප්‍රචාරණ ව්‍යාපෘතියෙන් මුදල් ලබාගෙන තිබීම හේතුවෙන් බවද වාර්තා වේ.

Ogilvy Digital  ආයතනයේ හිමිකරු වන්නේ එක්සත් ජාතික පක්ෂයේ ආසන සංවිධායකයෙකු ලෙස කටයුතු කළ අර්වින් වීරක්කොඩි වීම විශේෂයකි.





 

Ogilvy Digital ආයතනය විසින්, අනුර කුමාර දිසානායක මන්ත්‍රීවරයාගේ ප්‍රතිරූපය නැගී සිටීමට දියත් කරන කැම්පේන් ව්‍යාපෘතියේ නිල පත්‍රිකා පහතින්,

ඇඩ්මින් - Amila ( cassano di'Adda ) Milano Italy මෙම පුවත තවත් කෙනෙක්ට බලන්න Share කරන්න

පරාක‍්‍රම සමුද‍්‍රය ඉස්මත්තේ ඇති හිටපු ජනපතිගේ නිවාස හෝටල් ඉවත් කරගන්නැයි කියයි

පරාක‍්‍රම සමුද‍්‍රය ඉස්මත්තේ ඇති හිටපු ජනපතිගේ නිවාස හෝටල් ඉවත් කරගන්නැයි කියයි…

පොලොන්නරුව පරාක්‍රම සමුද්‍රයෙහි වැව් තාවුල්ල ගැන කතා කරන අය කරන්නේ වීදුරු ගෙවල්වල ඉඳලා ගල් ගැහීමක් .එයාලා පරාක්‍රම සමුද්‍රයට ආදරය නම් මුලින්ම කළ යුත්තේ එයාල හදපු හෝටල් හා ගෙවල් ඉවත් කරගන්න එක.යැයි පළාත් සභා හා පළාත් පාලන කටයුතු රාජ්‍ය අමාත්‍ය රොෂාන් රණසිංහ මහතා පැවසීය.

රාජ්‍ය අමාත්‍ය රොෂාන් රණසිංහ මහතා මෙසේ පැවසූයේ අද දින කෝට්ටේ ශ්‍රී කල්‍යාණි සාමග්‍රී ධර්ම මහා සංඝ සභාවේ අනුනායක වාද්දුව  ශ්‍රී බෝධිරාජාරාමාධිපති මහාචාර්ය කොටපිටියේ රාහුල නාහිමියෝ බැහැ දැකීමට ගිය අවස්ථාවේදීය.

එහිදී රාජ්‍ය අමාත්‍යවරයා මෙසේද පැවසීය.

ගොවි ජනතාවත් හොඳින් අවබෝධ කර ගන්න ඕන සහතික මිලක් කියන්නේ එයිට වඩා අඩුවෙන්  වී මිලදී ගන්න බැහැ කියන එක. දැන් උදාහරණයකට ගත්තොත් පහුගිය යහපාලන ආණ්ඩුව කාලේ වී මිල රුපියල් 32 යි 33 යි ජනතාවගේ හඳවතේ ගලේ කෙටුවාවගේ තියා ගත්ත නම් හොඳයි. යහපාලනය ගොවියා නැති භංගස්ථාන කරයි කියන එක, එතකොට ගෝඨාභය රාජපක්ෂ මැතිතුමා ඇවිල්ලා වී වලට රුපියල් 50 ක සහතික මිලක් දුන්නා. පසු ගිය කාලේ නැවත වී මිල බස්සලා ගන්න කොට තමයි වී ටිකට නාඩු සඳහා රුපියල් 55 කුත්, සම්බා සඳහා 60 කුත්, කීරි සම්බා සඳහා රුපියල් 70 ක සහතික මිලක් දීල තියෙන්නේ. එතකොට එම සහතික මිලට වඩා වැඩි ගනනකට කවුරුහරි ගන්න ඉන්නව නම් ඒකෙ ගැටළුවක් කොහෙවත් නැහැ. ගොවියා ආරක්ෂා කර ගන්න තමයි සහතික මිලක් තියෙන්නේ. ඊට වඩා වැඩි ගනන් වලට ඕන කෙනෙකුට ගැනීමේ හැකියාව තියෙනවා.

එතුමලා ඉතින් සාකච්ඡා කරන්න දෙයක් නැහැනේ මොනවද ඉතින් අර හම්බන්තොට වරාය හිටපු ජනාධිපති තුමාගේ කාලයේදී අපේ රටේ ආර්ථික මර්මස්ථානය සම්පූර්ණයෙන්ම විකුණලා දැම්මේ. මේ ගොල්ලො කරන්න තියෙන ඔක්කොම විනාශය රටට කරලා දැන් එක එක කඩාකප්පල්වකරී ක්‍රියා කරන්න හඳනවා ඇතුළෙ ඉඳන් එක නිසා මම මේවා ගැන දීර්ඝ වශයෙන් කතා කරන්න කැමති නැහැ.

රටේ ජනතාව අවබෝධයෙන් ඉන්න එක තමයි විශේෂයෙන් තියෙන්නේ. එදා එළියෙ ඉඳන් කුමන්ත්‍රණ කරපු සමහරු අද ඇතුළෙ ඉඳන් කුමන්ත්‍රණ කරනවා මේ රටේ 2/3 ක ජන වරමක් ගොඨාභය මහතා ප්‍රමුඛ පොදු ජන පෙරමුණට ජනතාව දීල තියෙන්නේ වැඩ කරන්න. එම වගකීම අපි හරියට අරන් කරනවා.

ආයෝජන රටට එන්න ඕනෙ එහෙම නැතුව අපේ රට දියුණු කරන්න බැහැ මේ රටේ රාජ්‍ය අංශය ශක්තිමත් කරන්න පුළුවන් රාජ්‍ය ආයතන ටික නැවත පණ ගන්වන්න පුළුවන් පෞද්ගලික අංශයත් එක්ක එකතු වෙලා ගියොත් කියල මන් එදත් කියනවා අදත් කියනවා.

අද දිනයේදී අපේ කෝට්ටේ පාර්ශවයේ අනුනායක මහාචාර්යය කොටපිටියේ රාහුල නායක හාමුදුරුවන් බැහැ දකින්න මම  පැමිණියා. ජාතික වශයෙන් කෙරෙන හැම කටයුක්තක දීම, හැමදාම මම උන්වහන්සේගේ අශීර්වාදය, මඟ පෙන්වීම, අවවාද උපදෙස් ලබා ගත්තා. අද දිනයේදී උන්වහන්සේ මේ ඇවිඳින මං තීරුව සම්බන්ධයෙන් අනුශාසනා කර සිටියෙ, විමසා සිටියේ  මුලින්ම මේවාට අනුමැතීන් ටික ලබා ගත්තද කියලා. ඉතින් මම පැහැඳිලි කරලා දුන්නා.

2021 ජනවාරි මස මුල ක්ෂේත්‍ර පරීක්ෂාව සිදු කලා. ඉන්පසු 10 වෙනිදා වෙන කොට මෙම සියළු අධ්‍යයන කරලා  පුරාවිද්‍යා දෙපාර්තමේන්තුවේ අනුමැතිය දීල තියෙනවා, වාරි මාර්ග දෙපාර්තමේන්තුවේ අනුමැතිය දීල තියෙනවා, මාර්ග සංවර්ධන අධිකාරියේ අනුමැතිය දීල තියෙනවා, පළාත් මාර්ග සංවර්ධන අධිකාරියේ අනුමැතිය දීල තියෙනවා. ඒවගේම නගර සභාවේ අනුමැතිය දීල තියෙනවා.

ඒවගේම තෝපා වැව භාරව ඉන්නේ ඒ ප්‍රදේශය පූජනීය නගරයක් විදිහට අපේ අනුනායක හාමුදුරුවෝ, වෙඩරුවේ උපාලි හමුදුරුවෝ, උන්වහන්සේ පූර්ණ අනුශාසකත්වය අනුමැතිය දීල තියෙනවා. මේ කටයුතු ටික කරන්න. ඒ නිසා සියළුම අනුමැතීන් තියෙනව නම් කවුරු හෝ පුද්ගලයෙක් කකුලෙන් අඳිනව නම් ඒක අදාළ කර ගන්නේ නැතුව මෙවැනි කටයුතු සිදු විය යුතුයි කියන එක. උන්වහන්සේ අනුශාසනා කලේ දෙවැනි කාරණය අපිටත් පේන්න තියෙනවා මේ රටේ හොඳ වැඩ කරද්දී කකුලෙන් අඳින කුමන්ත්‍රණ ක්‍රියාත්මක වෙන එකයි කිව්වේ.

ඒ නිසා හොඳ වැඩේට කවුරු හෝ කකුළෙන් අදින්න හැඳුවට ඒවාට නොබියව ඒ ඒ රාජ්‍ය වල සියළුම අනුමැතීන් තියෙනවනම් ඒක රජයේ ක්‍රියාවලිය නම් කරන්න තියෙන්නේ ඒ කටයුතු ටික ඉදිරියට කරගෙන යන්නයි.

හිටපු ජනාධිපති තුමා කියනවා කෞතුක වස්තූන් සම්බන්ධයෙන්, ඉතින් කෞතුක වස්තූන් තමා අපි ආරක්ෂා කරන්න තියෙන්නේ. එය ආරක්ෂා කිරීමට තමයි එදා ජයසිරිමා බෝධිය ආරක්ෂා කරලා සංරක්ෂණය කරන්න කටයුතු කළේ. අදියරෙන් අදියර රුවන්වැලි සෑය අපි දන්නවා ආරක්ෂා කරලා සංරක්ෂණය කරලා තියෙන්නේ. අපිට වගකීමක් තියෙනවා.ඓතිහාසික සොළොස්මස්ථානයේ  මාර්ග පද්ධති ඔක්කොම හදලා විදුලි පහන් ආලෝක කරලා ඒවා සංරක්ෂණය කරලා තියෙනවා.

ඒ වගේම තමා මේ පරාක්‍රම සමුද්‍රය වේල්ල සංරක්ෂණයක් වෙන්නෙ මෙතන තවදුරටත් ශක්තිමත් වෙලා මහජනතාවට තවදුරටත් පරාක්‍රමබාහු රජතුමා කරපු ඒ මහා විශ්ව කර්මය අභිමානයෙන් දැක ගන්න ඒ පුංචි දරුවගේ ඉදල දෙමාපියන්ට මේ රටේ සියළු දෙනාටම අවස්ථාවක් ලබා දීම තමා එතනින් සිද්ධ වෙන්නේ. කෞතුක වස්තූන් විනාශ වීම ගැන කියන්න දෙයක් නැහැ එතුමලාගේ කාලේ ඉතින්. අද වැව් තාවුල්ලක් පොළොන්නරුවේ නැහැ. මේවායේ හෝටල් හඳල තියෙන්නෙ කවුද ගෙවල් හදල තියෙන්නේ කවුද, කියලා අමුතුවෙන් කියන්න අවශ්‍ය නැහැ. ඒක තමා පැහැදිලි යථාර්ථය.

කෞතුක වස්තූන් ආරක්ෂා කිරීමට හිටපු ජනාධිපතිතුමා හිතනව නම් එතුමා කරන්න ඕන එතුමලගේ ගෙවල් හෝටල් ඉස්සෙල්ලම අයින කර ගන්න එක තමයි මම දකින දෙය. ඒක නිසා වීදුරු ගෙවල් වල ඉඳගෙන ගල් ගැහීමක් තමයි සිද්ධ වෙන්නේ අපි ජනතාව වෙනුවෙන් අවංකව වැඩ කරන්නේ ඒ නිසා මේ රටේ ගොවි ජනතාවගෙන් මම ඉල්ලනවා දේශපාලන උප්පර වැට්ටි කුමන්ත්‍රණ වලට මේ රටේ ජනතාව මුලා වෙන්න එපා. ඒ වගේම තමයි මේ රටේ ජනතාවගෙන් අපි ඉල්ලනවා ඔබ තුමාලා බොහොම අවධියෙන් සිටින්න. කුමන්ත්‍රණකාරීන්ට ජනාධිපතිතුමා අග්‍රාමාත්‍යතුමා මේ රට බෙදෙන්න යද්දි බෝම්බ පත්තු වෙද්දි ආර්ථික වශයෙන් විනාශ වෙද්දී මේ රට අරගත්තේ ඉදිරියට ගෙනියන්න. එම වගකීම හරියට කරල තියෙනවා යැයි ද, පැවසීය.

ප්‍රසන්න අධිකාරි
මාධ්‍ය ලේකම්

ඇඩ්මින් - Amila ( cassano di'Adda ) Milano Italy මෙම පුවත තවත් කෙනෙක්ට බලන්න Share කරන්න


දිවයින පුවත් පත් වාර්ථාවට අනුව මැණික් පොකුරට ඉහල මිලක්

රත්නපුරෙන් සොයා ගත් විශාල තම මැණික් පොකුර සඳහා චීනයෙන් ඩොලර් මිලියන 500 ක ඇණවුමක් ලැබුණු බව බන්ධනාගාර, කළමනාකරණ පුණුරුත්ථාපන සහ මැණික් සම්බන්ධ රාජ්‍ය ඇමැති ලොහාන් රත්වත්ත මහතා පැවසීය.

මෙය රුපියල් කෝටි දසදහසකට ආසන්න මුදලක් බව පැවසූ රාජ්‍ය ඇමැතිවරයා මැණික් පොකුර පිළිබඳව හරිහැටි තක්සේරු නොකර එහි වටිනාකම නිල වශයෙන් හෙළි නොකළ නමුත් මෙවැනි ඇණවුම් අනුව මෙම මැණික් පොකුරේ වටිනාකම ඉතාමත් ඉහළ අගයක පවතින බවද පැවසීය.

කෙසේ වෙතත් වැඩිම ඉල්ලූම සඳහා මෙම මැණික් පොකුර අලෙවි කරන බවද රාජ්‍ය ඇමැතිවරයා වැඩිදුරටත් කීවේය.

නෝමන් පළිහවඩන

ඇඩ්මින් - Amila ( cassano di'Adda ) Milano Italy මෙම පුවත තවත් කෙනෙක්ට බලන්න Share කරන්න

බදියුදීන් බිරිද මෙහෙකාර දැරියන්ගේ මුහුණ වැසිකිලියේ ඔබලා… නිවසේ තවත් අබිරහස් මරණ දෙකක්..

බදියුදීන් බිරිද මෙහෙකාර දැරියන්ගේ මුහුණ වැසිකිලියේ ඔබලා… නිවසේ තවත් අබිරහස් මරණ දෙකක්..

බදියුදීන් ඇමැතිතුමාගේ ගෙදර ටොයිලට් හරියට හේදුවේ නැති වුණාම නෝනා අපේ මූණ කොමඞ් එකේ ඔබලා ඒ ජරා වතුරෙන් නාවනවා. ඉඳුල් පිඟන් හරියට හේදුවෙ නැහැ කියලා පිඟන් වලින් ගහලා ඉඳුල් වතුර මූණට හලනවා යැයි හිටපු ඇමැතිවරයාගේ නිවසේ මෙහෙකාර සේවයේ යෙදී සිටියදී කෲර වධ හිංසාවන්ට ලක්වූ තවත් දැරියක් පොලිස් ප‍්‍රශ්න කිරීම් හමුවේ හැඬූ කඳුළින් පිළිතුරු ලබා දී ඇත.

හිටපු ඇමැති රිෂාඞ් බදියුදීන්ගේ නිවසේ මෙහෙකාර සේවයේ යොදවා සිටි තවත් දැරියන් සහ තරුණියන් එකොළොස් දෙනකු අතරින් එක් දැරියක මෙම කෲර වධ හිංසා පිළිබඳව පොලිසිය වෙත මේ ආකාරයට හෙළිදරව්වක් කර තිබේ.

රිෂාඞ් බදියුදීන්ගේ බිරිඳ මෙන්ම පවුලේ සාමාජිකයන් ද මෙම මෙහෙකාර සේවයට පැමිණ සිටි දැරියන්ට සහ තරුණියන්ට මේ ආකාරයට කෲර වධ හිංසා පමුණුවා අමානුෂික පහරදීම් සිදුකර ඇති බව විමර්ශනවලින් මේ වනවිට හෙළි වී ඇත. ඇතැම් අවස්ථාවලදී නිවසේ තිබූ කොසු කැඩෙන තුරු පහරදීම් සිදුකර ඇති බවද හෙළිව තිබේ.

මේ අතර පිළිස්සී මියගිය දැරිය නවාතැන්ගෙන සිටි කාමරයේ තිබී සැකකටයුතු භාණ්ඩ කීපයක් ද පොලිසිය මේ වනවිට සොයාගෙන තිබේ.

පොලිස් විමර්ශනවලින් හෙළිවී ඇති අන්දමට මෙහෙකාර සේවයට පැමිණ සිටි තරුණියන්ගෙන් දෙදෙනකු මීට ඉහතදී අභිරහස් අන්දමින් මියගොස් තිබිණි. මින් එක් තරුණියක් බම්බලපිටියේදී දුම්රියට පැන සිය දිවි හානි කරගත් අතර අනෙක් තරුණිය හදිසියේම රෝගාබාධයන්ට ලක්වීමෙන් මියගොස් ඇති බව හෙළිවී තිබේ.

මෙම මරණ දෙක සම්බන්ධයෙන් ද පොලිසිය පුළුල් විමර්ශනයක් පවත්වාගෙන යයි.

මේ අතර රිෂාඞ් බදියුදීන්ගේ නිවසේ මෙහෙකාර සේවයට යොදවා ගත් තරුණියන් සහ දැරියන් සියලූ දෙනාගෙන් ප‍්‍රකාශ ලබා ගැනීම මේ වනවිට ආරම්භ කර ඇත.

ජ්‍යෙෂ්ඨ නියෝජ්‍ය පොලිස්පති දේශබන්ධු තෙන්නකෝන් මහතාගේ ප‍්‍රධානත්වයෙන් යුත් පොලිස් කණ්ඩායම් 5 ක් විසින් මෙම පරීක්‍ෂණ පවත්වාගෙන යයි.

හේමන්ත රන්දුණු
– divaina

ඇඩ්මින් - Amila ( cassano di'Adda ) Milano Italy මෙම පුවත තවත් කෙනෙක්ට බලන්න Share කරන්න

“අවුරුදු 15 දැරිය හා කොටුවේ පොඩි නම සම්බන්ධ පුවතේ ඇත්ත හෙළිවෙයි” – කොටුවේ හාමුදුරුවෝ මේ දැන් CID ඉදිරිපිට උද්ගොෂණයේ…

කොටුවේ පොඩි හාමුදුරුවන් වහන්සේ ලෙස කවුරුත් හඳුනන අත්තරගම ප්‍රඥාලංකාර ස්වාමීන් වහන්සේ සම්බන්ධව ලංකා ඊ නිවුස් වෙබ් අඩවිය සබන්ධයෙන් පළකර ඇති ප්‍රවෘතියකට සමාජ ජාල මාධ්‍ය ඔස්සේ ප්‍රචාර ලැබෙමින් ඇති අතර මේ සම්බන්ධව SriAVTV අප කල සොයා බැලීමකදී ඒ සම්බන්ධව තොරතුරු රැසක් අනාවරණය කරගැනීමට හැකියාව ලැබුනා.

එංගලන්තයේ සිට ක්‍රියාත්මක ලංකා ඊ නිවුස් දිගින් දිගටම රජය හා රජයට සාහය දෙන කණ්ඩායම් විවේචනය කරමින් මඩ පුවත් පතුරන වෙබ් අඩවියක් වන අතර සඳරුවන් සේනාධීර නමැත්තකු විසින් ක්‍රියාත්මක කරන මෙම අවෙබ් අඩවිය මංගල සමරවීර මහතාට සම්බන්ධ පිරිසක් මෙරට සිට මෙහෙයවනු ලබයි. ඒ අනුව රජයට පක්ෂපාති මතයක් දරන කොටුවේ පොඩි හාමුදුරුවන්ගේ නම මේ හා සම්බන්ධ කරමින් පුවතක් ගොතා ඇති අතර එම වෙබ් අඩවියේ පලකරන අනෙකුත් පුවත් සේම මෙම පුවතද කිසිදු සත්‍යතාවයක් නොමැති මඩ ප්‍රවෘතියක් බවට මේ වනවිට හෙළිවී තිබේ.

කෙසේ වෙතත් අද දිනයේ කොටුවේ පොඩි හාමුදුරුවන් කොටුව අපරාධ පරීක්ෂණ දෙපාර්තමේන්තුව (CID) ඉදිරිපිට මේ සම්බන්ධව තමන් වරදක් කොට ඇතිනම් වහාම අත්අඩංගුවට ගන්නා ලෙස ඉල්ලමින් විරෝධතාවයක් පැවැත්වීමට සුදානම් බවටත් කරුණු අනාවරණය වුනා. එමෙන්ම අදාළ දැරිය අපහරණය සම්බන්ධයෙන් සිදු කරන පරීක්ෂණ ජනාධිපති නියෝගයෙන් නවතා ඇති බවට අදාළ පුවත වාර්තා කොට ඇති අතර ඒ සම්බන්ධව අප කල සොයා බැලීමකදී පොලිසියේ ඉහල නිලධාරියකු කියා සිටියේ අදාළ සිදුවීම සම්බන්ධව පරීක්ෂණ දිගටම සිදුවන අතර ඒවාගේ කිසිදු වෙනසක් සිදුව නොමැති බවයි.

මේ අනුව ලංකා ඊ නිවුස් දිගින් දිගටම භික්ෂුන් වහන්සේලාට පහර ගසමින් මංගලලාගේ කල්ලතෝනි නිරාගමික මත වෙනුවෙන් පෙනී සිටිමින් කරනා ජඩ මාධ්‍ය මෙහෙයුමේම කොටසක් ලෙස මේ අසත්‍ය පුවත් පලකිරීමද දැක්විය හැකිය.

ඇඩ්මින් - Amila ( cassano di'Adda ) Milano Italy මෙම පුවත තවත් කෙනෙක්ට බලන්න Share කරන්න




කෘෂිකර්ම අමාත්‍ය මහින්දානන්ද අලුත්ගමගේ මහතා සහ වෙළඳ හා පාරිභෝගික කටයුතු අමාත්‍ය ආචාර්ය බන්දුල ගුණවර්ධන මහතාගේ සහභාගීත්වයෙන් ඒකාබද්ධ මාධ්‍ය හමුවක් කෘෂිකර්ම අමාත්‍යාංශයේදී අද පැවැත්වුණා. යල කන්නයේ වී මිලදී ගැනීම, සහල් මිල පාලනයට රජය ගන්නා ක්‍රියාමාර්ග හා පවතින පොහොර ගැටළු පිළිබඳව මෙහිදී අමාත්‍යවරුන් රජයේ ඉදිරි ක්‍රියාමාර්ග පැහැදිලි කළා. රජයේ පාලන මිලට වැඩියෙන් භාණ්ඩ අලෙවි කිරීමේදී මෙතෙක් පැවති රු. 2500ක දඩ මුදල රුපියල් ලක්ෂයක් දක්වා වැඩි කිරීම ඇතුළු පාරිභෝගිකයා ආරක්ෂා කරන සංශෝධන 75කට කැබිනට් මණ්ඩලයේ අනුමැතිය හිමිව තිබෙනවා. එම සංශෝධන කඩිනමින් සියලු මහජන නියෝජිතයන්ගේ සහායෙන් පාර්ලිමේන්තුවේදී සම්මත කරන බවද මෙම මාධ්‍ය හමුවේදී අමාත්‍යවරුන් ප්‍රකාශ කළා.

කෘෂිකර්ම අමාත්‍ය මහින්දානන්ද අලුත්ගමගේ මහතා

“ යල කන්නයේ හෙක්ටයාර ලක්ෂ 05ක් වී වගා කරලා තියෙනවා. අපි අපේක්ෂා කරනවා වී මෙට්‍රික් ටොන් විසි දෙලක්ෂ පනස් දහසක අස්වැන්නක්. යල කන්නයේ වී මිලදී ගැනීම හෙට සිට වී අලෙවි මණ්ඩලයේ ගබඩාවල දිවයින පුරා ආරම්භ කරනවා. වියළි නාඩු රු.50, වියළි සම්බා රු.52, තෙත වී රු.44 සහතික මිලට සියලු වී මිලට ගන්න රජය සූදානම්. සිංහල අලුත් අවුරුද්දේ සිට මාස 03ක් අපි රජයේ සහතික මිලට ගන්න වී සහල් කරලා පාරිභෝගිකයාට සාධාරණ මිලට සතොස, සමුපකාර හා සුපිරි වෙළඳසැල් සියල්ලෙන් ලබා දුන්නා. යල කන්නයේ වී මිලදී ගැනීමෙන් පසු වෙළඳ අමාත්‍යාංශය හා ඒකාබද්ධව අපි සහල් ජනතාවට ලබා දෙනවා. ගොවියාට සහතික මිලක්, පාරිභෝගිකයාට සාධාරණ මිලක් අපේ ප්‍රතිපත්තිය. සමහර වෙළෙන්දෝ කීරි සම්බා රු.80ට අරන් සහල් කිලෝ 01ක් රු.225ට විකුණනවා. අධික ලාභ ලබනවා. ජනතාව හුරාගෙන කනවා.ඒ සඳහා නව නීති පාරිභෝගික කටයුතු අමාත්‍ය බන්දුල ගුණවර්ධන ඇමතිතුමා ගෙනල්ලා තියෙන්නේ. රු.2500ක් වන දඩය රු. ලක්ෂය දක්වා වැඩි කරනවා. වාර්ෂිකව මහ කන්නයේ හෙක්ටයාර් ලක්ෂ 08ක්, යල කන්නයේ හෙක්ටයාර් ලක්ෂ 05ක් අපේ රටේ වී වගා කරනවා. සමස්ත අස්වැන්න පරිභෝජනයට වඩා අතිරික්තයක් දක්වා තියෙනවා. සහල් හංගන නිසා හිඟය එන්නේ. අඩු මිලට වී අරගෙන වැඩි මිලට සහල් විකුණන මාෆියාව රටේ මිනිස්සුන්ට බත් ටිකක් කන්න දෙන්නේ නෑ.

මුදලාලිට ඕන විදිහට සහල් මිල පාලනය වෙන්න රජයක් ඕන වෙන්නේ නෑ.ඒ නිසා අපි සහල් මුදලාලිට ඕන විදිහට නෙවෙයි පාරිභෝගිකයාට සාධාරණ වෙන විදිහට දඩ මුදල වැඩි කරන්න සෘජු තීරණයක් ගන්න අමාත්‍ය බන්දුල ගුණවර්ධන මැතිතුමා පියවර අරන් තියෙනවා.

ඒක ජනතාව ලැබූ ජයක්. කාබනික පොහොර එපා රසායනික පොහොර ඕන කියලා අද උද්ඝෝෂණ කරන්නේ සජිත් ප්‍රේමදාස මහත්තයයි, ජේවීපී එකයි. ඒගොල්ලෝ කියන්නේ ගොවියාට වස දෙන්න කියලා. රටින් සහල් ගෙනල්ලා මිල පාලනය කරන්න එපා. සහල් මාෆියාවට ඕන විදිහට මිල වැඩි කරන්න කියලා නාමල් කරුණාරත්න මහත්තයා ඉල්ලන්නේ. ජේවීපී එක ඉන්නේ ජනතාව පැත්තේද බහු ජාතික සමාගම් සහ සහල් ව්‍යාපාරිකයන් වෙනුවෙන් ද කියලා ජනතාව තීන්දු කරයි. 5%ක පොහොර හිඟයක් ප්‍රදේශ කිහිපයක තියෙනවා. ඒ ප්‍රශ්නත් විසඳමින් යන්නේ. යල කන්නයේ සහනාධාර පොහොර බෙදාදීම 100%ක් අවසන්. එළවළු වගාවන් සඳහා අවශ්‍ය පොහොර රාජ්‍ය පොහොර සමාගම් සතුයි. ගොවිජන සේවා මධ්‍යස්ථාන හරහා ඒවා බෙදා හැරීම සිදු වෙනවා. සියල්ල කරද්දී විපක්ෂය ගොවියෝ පොහොර දියව් කිය කියා පාරේ උද්ඝෝෂණවලට ගෙන්වනවා. උද්ඝෝෂණවලට ගොවියෝ අරගෙන ඇවිත් ගොවියෙක් මරලා බලයට එන්න පුළුවන්ද කියලා මේ බලන්නේ. රටේ ජාතික වෙනස්කම් කරන හැම මොහොතකම ජේවීපී, යූඇන්පීය ජනතාව මේ විදිහට නොමඟ යවලා තියෙනවා. ගොවිජන සේවා මධ්‍යස්ථාන ගිනි තියපු ජේවීපිය අද ඒවා ඉදිරිපිට උද්ඝෝෂණ කරනවා. පරිසර හිතකාමී කාබනික කෘෂිකර්මාන්තය වෙනුවෙන් තැබූ පියවර පස්සට ගන්න රජය සූදානම් නැහැ. ගොවියෝ රසායනික පොහොර ඉල්ලන්නේ නෑ. ඔවුන් ඉල්ලන්නේ පොහොර. ඔවුන්ට අවශ්‍ය සියලු කාබනික පොහොර, ඒ සඳහා අවශ්‍ය මුදල්, සහනාධාර, දැනුම, තාක්ෂණය රජය නියමිත පරිදි දෙනවා. නිවැරදි දිනට දෙනවා. බොරු බිල්ලෙක් මවන්න හදනවා ජේවීපී හා සමගි ජන බලවේගය.රැවටෙන්න එපා. ගොවියන්ගේ වගකීම රජය භාර ගන්නවා.”

පාරිභෝගික කටයුතු අමාත්‍ය ආචාර්ය බන්දුල ගුණවර්ධන මහතා

“ ජීවිත අරගලය කරන දුප්පත් මිනිස්සුන්ට සහල් අත්‍යවශ්‍ය දෙයක්. ඉතිහාසය පුරාම ඒ සාධාරනය ඉටු වුණේ නෑ. කෘෂිකර්ම අමාත්‍යාංශය හරහා ලැබුණු සහල් ගිය සතිය වනතුරු සාධාරණ මිලට මෙවර අපි ලබා දුන්නා. මාස 03ක් අපි ලබාදුන්නා. සමුපකාරය සතු වී තොග සහල් කොට හෙට සිට සතොස හා සමුපකාර වෙළඳසැල් හරහා සාධාරණ මිලට ලබා දෙනවා. අපි සාධාරණ මිලට අලෙවි කළාට සමහර වෙළඳසැල් සහල් රු.130ට විකුණන්නේ. වැඩි මිලට බඩු විකිණීමට එරෙහිව නඩු දහස් ගණනක් දාලා තියෙනවා. රු.2500ක දඩය සහල් ව්‍යාපාරිකයෝම ගෙවලා දාලා වැඩි මිලට සහල් විකුණනවා. මේ නිසා පාරිභෝගික ආරක්ෂණ පනතට සංශොධන 75ක් එකතු කරන්න කැබිනට් මණ්ඩලය අනුමත කළා. රජය මිල නියම කළ භාණ්ඩයක් වැඩි මිලට විකුණලා අහු වුණොත් දඩය රු.ලක්ෂයක් කිරීමත් ඒ සංශෝධනවලට ඇතුළත්. ඒ සංශෝධන ඉතා ඉක්මනින් පාර්ලිමේන්තුවේ සියලු මහජන නියෝජිතයින්ගේ සහායෙන් සම්මත කරනවා.සහල් හිඟයට මුහුණ දීමට ආරක්ෂිත තොගයක් පවත්වාගෙන යාමටක් පියවර ගත්තා. වෙළඳ හා පාරිභෝගික කටයුතු, මුදල්, කෘෂිකර්ම, තාක්ෂණ යන අමාත්‍යාංශවල ලේකම්වරුන්ගෙන් සැදුම්ලත් ප්‍රසම්පාදන කමිටුවක් සහල් ආනයනය පිළිබඳ සොයා බලනවා. සහල් ගෙන්වීමේදී ඉතිහාසය පුරා විවිධ අක්‍රමිකතා සිදුව තියෙනවා. නඩු බර ගාණක් තියෙනවා. ඒ නිසා මගේ ආත්මය ඒ කුණු ගොඩට වට්ටගන්න මම සූදානම් නැහැ. ඒකයි රජයේ ඉහළම නිලධාරීන්ගෙන් සැදුම්ලත් ප්‍රසම්පාදන කමිටුවක් පත්කළේ. ඉතාම විනිවිද භාවයෙන් මේ ආනයන කටයුතු අපි කරන්නේ. ජාත්‍යන්තර තරඟකාරී මිලට අපි ටෙන්ඩර් කැඳවලා තියෙනවා. ඒ සඳහා ඉල්ලුම්පත් ලබාගන්න ඩොලර් 500ක් ගෙවන්න ඕනේ. කැකුළු, නාඩු, සම්බා, කීරි සම්බා සියල්ලටම පාලන මිල නියම කරනවා. හිඟයකින් තොරව සාධාරණව සහල් ජනතාවට දෙන්න පාරිභෝගික කටයුතු හා කෘෂිකර්ම අමාත්‍යාංශය ඒකාබද්ධව පියවර ගන්නවා.”

සුජිත් විතානපතිරණ
මාධ්‍ය ලේකම්

ඇඩ්මින් - Amila ( cassano di'Adda ) Milano Italy මෙම පුවත තවත් කෙනෙක්ට බලන්න Share කරන්න

ලොරි රථයකට හමුදවෙන් වෙඩි

ලොරි රථයකට හමුදවෙන් වෙඩි…

කිලිනොච්චිය ධර්මපුරම් පොලිස් වසමේ පුලියයම්පොක්කනෙයි, නාගේන්ද්‍රපුරම් ප්‍රදේශයේදී ඊයේ (21) දින අණ නොතකා ධාවනය කල නීතිවිරෝධීව වැලි පැටවූ ටිපර් රථයකට යුදහමුදාවෙන් වෙඩි තබා ඇති බවට ධර්මපුරම් පොලීසිය පවසයි.

නීතිරෝධී වැලි කැනීම් සහ ජාවාරම් පිළිබඳව තොරතුරු ලැබීමෙන් පසුව කිලිනොච්චිය ආරක්ෂක සේනා මූලස්ථානයට අයත් සෙබලුන් පිරිසක් විසින් නාගෙන්ද්‍රපුරම් ප්‍රදේශයේදී යුදහමුදා මාර්ග බාධකයක් යොදා රැකවල් යොදා ඇත.

එම අවස්ථාවේදී නීතිවිරෝධී වැලි පැටවූ ටිපර් රථයක් පැමිණි අවස්ථාවේදී යුදහමුදා සෙබලුන් විසින් එය නැවත්වීමට ගත් උත්සහයකදී එහි සිටි යුදහමුදා සෙබලුන් අනතුරට ලක්කොට වැලි ජාවාරම් කරුවන් විසින් පලායාමට උත්සහ කිරීමේදී යුදහමුදා සෙබලුන් විසින් ආත්මාරක්ෂාවට ටිපර් රථයට හා රෝදවලට වෙඩිතබා ඇත.

එහිදී ටිපර් රථයේ රෝදවලට වෙඩි වැදීමෙන් මාරගයෙන් ඉවතට පැන අසල ගසක වැදි අනතුරට ලක් වී ඇති අතර ටිපර් රථයේ සිටි සැකකරුවන් දෙදෙනෙකු යුදහමුදාව විසින් අත්අඩංගුවට ගනු ලැබීය.

අත්අඩංගුවට ගත් සැකකරුවන් නාගේන්ද්‍රපුරම් ප්‍රදේශයේම පදිංචි කරුවන් වන අතර ඔවුන් වැඩිදුර පරික්ෂණ කටයුතු සඳහා ධර්මපුරම් පොලීසියට භාරදී ඇති අතර අද (22) දින සැකකරුවන් කිලිනොච්චිය අධිකරණයට ඉදිරිපත් කරන බවටද පරික්ෂණ සිදුකරන ධර්මපුරම් පොලීසිය වැඩිදුරටත් පැවසීය.

– වන්නි රොමේෂ් මධුෂංඛ

ඇඩ්මින් - Amila ( cassano di'Adda ) Milano Italy මෙම පුවත තවත් කෙනෙක්ට බලන්න Share කරන්න


තමන් සිරස නාලිකාවෙන් ඉවත් වුනේ කලකිරීමකින් බව ජනාධිපති මාධ්‍ය ප්‍රකාශක ජ්‍යේෂ්ඨ මාධ්‍යවේදී කිංස්ලි රත්නායක මහතා සඳහන් කරයි.

කිංස්ලි රත්නායක නමින් නිවේදකයින් නැවත නැති බවද ඒ මහතා කියා සිටියි.

ඔහු මේ බව සඳහන් කරන්නේ අන්තර්ජාල නාලිකාවක් සමග පැවති සාකච්ඡාවකට එක්වෙමිනි.



ඇඩ්මින් - Amila ( cassano di'Adda ) Milano Italy

මෙම පුවත තවත් කෙනෙක්ට බලන්න Share කරන්න

අසීමිත අන්තර්ජාල සේවා පැකේජ ලබන සතියේ සිට හඳුන්වාදීමට හැකි වනු ඇති බව විදුලි සංදේශ නියාමන කොමිෂන් සභාව පවසනවා.

එහි අධීක්ෂණ කටයුතු ද සිදු කරන බවයි ඔවුන් සඳහන් කළේ.

මේ සඳහා සියලු සේවා සපයන ආයතන මේවන විට ඔවුන්ගේ සැලසුම් ඉදිරිපත් කර ඇති බවත්, එම සැලසුම් නැවත සලකා බැලීමකින් අනතුරුව ලබන සතියේ සිට ඒවා ක්‍රියාවට නැංවීමේ හැකියාව සොයා බලන බවයි විදුලි සංදේශ නියාමන කොමිෂන් සභාව සඳහන් කළේ.

මේ සම්බන්ධයෙන් අවසන් තීරණයකට එළඹීමට මෙම සතිය තුළ හැකිවනු ඇති බවත්, එසේවුවහොත් ලබන සතියේ සිට ජංගම දුරකථන භාවිත කරන පාරිභෝගිකයන්ට අධිවේගී අන්තර්ජාල පහසුකම් අඛණ්ඩව ලබාදීමට හැකිවනු ඇති.

කෙසේවෙතත් මෙම පහසුකම් සැපයෙන පැකේජ මෙතෙක් එළිදක්වා නැහැ


ඇඩ්මින් - Amila ( cassano di'Adda ) Milano Italy මෙම පුවත තවත් කෙනෙක්ට බලන්න Share කරන්න

ඓතිහාසික කැලණි පුරවරය හා සම්බන්ධ ඉපැරැණි මූලාශ්‍ර බොහෝය. විජයාගමනයට පෙර කැලණිය ගැන සඳහන් වී ඇත්තේ බුදුන්ගේ ලංකාගමනය පිළිබඳ තොරතුරු හෙළිකෙරෙන ආකාරය දීපවංසය හා මහාවංසය වැනි ඓතිහාසික ග්‍රන්ථයන්හි සඳහන් තොරතුරුවලට අනුව බුදුන් වහන්සේ බුද්ධත්වයෙන් පස්වැනි මාසයේ නාග ගෝත්‍රික චූලෝදර හා මහෝදර දෙසොහොයුරන් අතර නාගයන්ගේ මිණි පළඟ හේතුකොටගෙන හටගත් යුද්ධය නැවැත්වීමට නාගදීපයට වැඩම කර ඇත.

ඒ අවස්ථාවේදී මහෝදර නාරජුගේ මලණුවන් වූ කැලණියේ මණිඅක්ඛිත නාරජු බුදුන්ගේ ධර්ම දේශනාව අසා බුදුන් සරණ ගිය බවත්, බුදුන් වහන්සේ මණිඅක්ඛිත නාරජු මුණ ගැසුණු බවත් මහාවංසය විස්තර කෙරෙයි.

බුද්ධත්වයෙන් අටවැනි වර්ෂයෙහි බුදුන් වහන්සේ පන්සියයක් රහතුන් වහන්සේ කැටුව මණිඅක්ඛිත නාරජුගේ කැලණි රාජධානියට වැඩම කර කැලණි සෑය පිහිටි තන්හි කරවන ලද රන් මණ්ඩපයක වැඩ හිඳ නාරජු ප්‍රමුඛ දෙව් මිනිසුන්ට ධර්ම දේශනා කළ බවද මහාවංසයේ පළමුවැනි පරිච්ඡේදයේ සඳහන් වේ.

ඉන් ගම්‍ය වන්නේ ඓතිහාසික කැලණිය නාග ගෝත්‍රික ජනාවාසයක් ලෙස වසර දහස් ගණනක ඉතිහාසයකට හිමිකම් කියන බවය.

කැලණි පුරවරයේ මුදුන් මල්කඩ සේ සැලකෙන කැලණි රජමහ විහාරය ඓතිහාසික රාජධානි සමයේ පටන් වර්තමානය දක්වාම ලෝවැසි බොදු දනන්ගේ පූජනීයත්වයට බඳුන් වන්නේය. කැලණි රජමහ විහාරයෙහි වර්තමාන විහාරාධිපති ධුරය දරනුයේ මහාචාර්ය කොල්ලුපිටියේ මහින්ද සංඝරක්ඛිත හිමිපාණන්ය.

කැලණි මහ වෙහෙරට නාග ලෝකයෙන් සර්වඥධාතූන් වහන්සේලා වැඩමකළ ප්‍රවෘත්තියෙන් 2019 නොවැම්බරයේ රට තුළ මහත් ආන්දෝලනයක් හට ගත්තේය. එමඟින් බෞද්ධ බැතිමතුන් මහත් භක්ති ප්‍රමෝදයට පත්වූ අතර ඇතැම් පිරිස් එය උපහාසයට ලක්කොට දේශපාලන අරමුණු සාක්ෂාත් කර ගන්නට වෑයම් කරන බව පෙනිණි.

ඒ අතරම මෙම සිදුවීම සම්බන්ධව යථාවාදී තථාකාරීව සත්‍යය සොයන මැදහත් පිරිසක්ද සිටියහ. කෙසේ වුවද කැලණි මහ වෙහෙරෙහි අභිනවයෙන් ඉදිකෙරුණු නාග දේවාලයේ පූජාව පවත්වන සෑම මාසයකම ප්‍රථම සෙනසුරාදා දිනයෙහි දස දහස් සංඛ්‍යාත බැතිමතුන් නාග වන්දනාවට පැමිණෙන බවද අසන්නට ලැබිණි.

මේ වනවිට අදාළ සිදුවීමට වසර දෙකකට වැඩි කාලයක් ගතවී තිබේ.

නා ලොවින් ධාතුන් වහන්සේ වැඩම වීම පාදක කරගනිමින් මහ සංඝරත්නයට සහ නාග දේවාලයේ යෝගී තුමාට අපහාස කිරීම් අඩුවී නැත.

විශේෂයෙන් සමාජ මාධ්‍යවල එය දිගින් දිගටම සිදුවන බව පෙනේ. මිනිසුන්ට තමන් අභිමත මත දරන්නට අයිතියක් ඇති නමුත් කිසිවකු දරන මතය හේතුවෙන් ඔහු පෙළෙන්නටද අයිතියක් නැත. සත්‍යය සුන්දරය.

අප ඊට ගරු කළ යුතුය. සැබෑ ලෙසම කැලණියේ සිදුවූයේ කුමක්දැයි පිරිසිඳ දැන ගැනීමට අප ඇමැතිය යුතු හොඳම තැනැත්තා කැලණි රජමහ විහාරාධිපති මහාචාර්ය මහින්ද සංඝරක්ඛිත හිමියන්ය. උද්ගත වී ඇති තත්ත්වය සම්බන්ධයෙන් අපි උන්වහන්සේගෙන් විචාළෙමු.

කැලණි රජමහ විහාරාධිපති වගේම මේ රටේ බොහෝ දැන උගත් සංඝ පීතෘනමක් හැටියට ඔබ වහන්සේ පිළිබඳව බෞද්ධ ජනතාව අතර විශාල ගෞරව භක්තියක් තිබෙනවා. කැලණි විහාරයට නාග ලොවින් සර්වඥ ධාතුන් වැඩම කළ බව කියන සිදුවීම පදනම්කොට ගෙන ඊට හානි පැමිණ වීමේ උත්සාහයක් අපි දකිනවා. කුමක්ද මේ ගැන හිතන්නේ?

මේ සිදුවීමට අවුරුදු තුනකට ආසන්න ඉතිහාසයක් තිබෙනවා. ඒ සිද්ධිය වූ වකවානුවේ දැඩි ලෙස විවේචන එල්ල වුණා. මේ රටේ තිබෙන ප්‍රකට දේශපාලන පක්ෂ දෙකක් තමයි. ඒ මඩ ගැහීමේ ව්‍යාපාරය ආරම්භ කළේ. ඇත්ත වශයෙන්ම ඕනෑම පුද්ගලයකුට මේ සිද්ධියේ සත්‍ය අසත්‍යතාව සොයා බැලීමට හැකියාව තිබෙනවා. ඒ වගේම එය කළ යුතුව තිබෙනවා.

ඔබවහන්සේ පවසන්නේ නාග ලොවින් සර්වඥ ධාතුන් වහන්සේ වැඩම කිරීම සම්බන්ධයෙන් සොයා බැලීමට කිසිවකු උත්සාහය නොකළ බවද?

මේක ඇත්තදැයි සොයා බැලීමට ඔවුන් උත්සාහ කළේ නැහැ. සෙකන්ඩ් සෝසස්වලින් තමයි ඔවුන් මේකට මඩ ගහන්නෙ. පුද්ගලයකු යම් කිසි සත්‍යයක් සොයනවා නම් ඔහු ඔර්ජිනල් සෝසස්වලට යන්න ඕනෑ. මුල් කාරණා කතා බහට ලක්වෙන්න අවශ්‍යයයි.

එවැනි උත්සාහයක් කිසිවකු දැරුවේ නැද්ද?

නැහැ. සියලුම දෙනා යැපෙන්නේ දෙවැනි කරුණා මතයි. මේ සිදුවීමේ පාරභෞතික ලක්ෂණ තිබෙන බව මම පිළිගන්නවා.

භෞතිකවාදී විශ්ලේෂණ මත පිහිටා මේ සිදුවීම විස්තර කළ නොහැකි බවද ඔබවහන්සේ පෙන්වා දෙන්නේ?

ඔව්, මේ ධාතූන් වහන්සේලා ආවේ නාග ලෝකෙන්. මණිඅක්ඛිත නාරජු තමයි දුන්නේ. එතකොට ඒක පාරභෞතිකයි. අපේ පංචේන්ද්‍රියන්ට ගොදුරු වෙන්නේ නැහැ. නමුත් උදාර මහතා ප්‍රමුඛ පිරිස කැලණි ගංගාවේ තිබී මේක ගත්තා කියන කාරණය ප්‍රත්‍යක්ෂයි. ඒක අපිට අත්දකින්න පුළුවන්කම තියෙනවා. මේ සිදුවීම බොරුවක් කරන්න අපි කාටවත් වුවමනාවක් නැහැ.

මෙම සිදුවීම ජනාධිපති මැතිවරණය ආසන්නයේ වීම විවිධ මත නිර්මාණය වීමට එක් හේතුවක් වුණා නොවේද?

අභාග්‍යයකට වගේ මේ සිදුවීම ජනාධිපතිවරණය ආසන්නයේ වුණා. මේ ධාතුන් වහන්සේලා මට දෙනවා කියන එක පොරොන්දු වුණේ අවුරුදු 04කට ඉස්සරයි.

කවුද ඒ පොරොන්දුව දුන්නේ?

මණිඅක්ඛිත නා රජු. මේ නාග දේවාලයේ ප්‍රතිමාව ප්‍රතිෂ්ඨාපනය කරල මාසිකව පූජා සත්කාර කරන අවස්ථාවේ ලැබුණු පණිවුඩයක් තමයි ඒක.

ස්වාමීන් වහන්සේ ඒක අපැහැදිලියි. කොහොමද එහෙම පණිවුඩයක් ලැබෙන්නේ?

මට නාග ලෝකයට කතා කරන්න බැහැනේ. මට එහෙම හැකියාවක් නැහැ. ඒක සිදු කෙරුණේ උදාර යෝගිතුමා මාර්ගයෙන්. නැවැත නැවැත කියලා ඒ අනුව තමයි මේක හමුවුණේ. එය ලැබීම මේ කියන අවස්ථාවේ සිදුවීම නිසා දේශපාලන චරිතයක් ආදේශ කරන්න හේතු වුණා.

සත්‍ය ලෙසම මේ ධාතුන් වහන්සේලා වැඩම වීමේ සිදුවීම පසුබිමේ දේශපාලන අරමුණක් නැද්ද?

අවංකවම හෘදය සාක්ෂ්‍යයට එකඟවයි මම කියන්නේ. මේ ධාතුන් වහන්සේ වැඩම වීම පිටුපස කිසිම දේශපාලන අරමුණක් නැහැ. ඒක ඉතාමත් පවිත්‍රයි.

අපි දන්නවා මෙවැනි සිදුවීමක් විශ්වාස කරන අය ඉන්නවා වගේම විශ්වාස නොකරන පිරිසකුත් සමාජයේ සිටිනවා.?

ඇත්ත වශයෙන්ම කෙනකුට මේක ප්‍රතික්ෂේප කරන්න පුළුවන්, මම ඕවා විශ්වාස කරන්නේ නැහැ කියලා. ඒක ඒ පුද්ගලයාගේ අයිතියක්. හැබැයි ලැබිච්ච දේ බොහොම ග්‍රාම්‍ය විධියට විවේචනය කරමින් අපට මඩ ගහමින් බැතිමතුන්ගේ තිබෙන ශ්‍රද්ධාවට පහර ගැසීම මානව අයිතිවාසිකම් උල්ලංඝනය කිරීමක්. මොකද එක්කෙනෙක් ප්‍රතික්ෂේප කරන්න පුළුවන් මේක ධාතුන් වහන්සේ නොවේය කියලා. නමුත් මම විශ්වාස කරනවා සැබෑ ලෙසම මෙහි වැඩ සිටින්නේ සර්වඥ ධාතුන් වහන්සේලා කියලා. එහෙම විශ්වාස කරන්න මට අයිතියක් තියෙනවා. ඒ අයිතිය ලංකාණ්ඩු ක්‍රම ව්‍යවස්ථාවෙන් වගේම එක්සත් ජාතීන්ගේ මානව අයිතිවාසිකම් ප්‍රඥප්තියෙනුත් මට ලැබිලා තියෙනවා.

ඔබ වහන්සේ ඒ මත පිහිටා ක්‍රියා කළා?

මේක විශ්වාස කරන්නේ නැහැ කියලා ඒකට පදනම් විරහිතව තුන්වන පාර්ශ්වයේ ඝෝෂස් අරගෙන මඩ ගැසීම පහර ගැසීම බුද්ධිමය ක්‍රියාවලියක් නොවෙයි. සත්‍යය සොයන ක්‍රියාවලියක් නොවෙයි. ඒක ද්වේෂය පූර්වකව සිදු කරන්නක්. එක් සූත්‍රයක බුදු රජාණන් වහන්සේ සඳහන් කරනවා පුද්ගලයකු ද්වේෂයෙන් තම මනස පීඩාවට පත්කර ගත්තායින් පස්සේ භූතේනවා යමක් සත්‍යමයි. භූතේනවා යමක් සත්‍ය වුණත් ඒ පුද්ගලයා ඒක මොකද කරන්නේ, තබ්බනා ජාතී. එයා සත්‍යය පිළිගන්නේ නැහැ ප්‍රතික්ෂේප කරනවා. ද්වේෂයෙන් වැඩුණු සිතකින් තමයි ඒ කාරණය දෙස බලන්නේ. හේතුව තමන්ගේ දේශපාලන අරමුණක් මේකට සම්බන්ධ කර මේක දැකීම. ඒ නිසා එවැනි අයට මේක දකින්න පුළුවන් කමක් නැහැ. ශ්‍රද්ධාවක් උපදින්නේ නැහැ. මේ පිරිස බොහොම අතළොස්සක් බව මම කිව යුතුයි.

සමාවෙන්න, මෙවැනි පාරභෞතික කාරණාවලට ප්‍රමුඛත්වය දීම පිළිබඳව. සංඝ සමාජය තුළිනුත් ඔබවහන්සේට දෝෂාරෝපණ එල්ල වුණාද?

ඒක ඒ ඒ තැනැත්තන්ගේ විශ්වාසය මත සිදුවන දෙයක්. සංඝ සමාජය කියලා වෙනස් වෙන්නේ නැහැ. මොකද මේ තියෙන දේවල් සෑම දෙයක්ම පාරභෞතික වෙනවා. වර්තමානයේ තිබෙන්නා වූ ධාතුන් වහන්සේලා ගැන වුණත් එහි මූලයට යන්න ගියොත් පාර භෞතික වෙනවා.

සමස්තයම එහෙමයි.?

ඔව්. සමස්තයම පාරභෞතිකයි. එහෙම වෙනකොට මුළු සමස්තයම විනාශ වෙලා යනවා. අද ගත්තොත් බුදුහාමුදුරුවෝ දැකපු අය කවුරුත් නැහැනේ. ඒකත් පාරභෞතිකයට දාලා ගන්න පුළුවන්. කෙනකුට තර්ක කරනවා නම්.

ප්‍රත්‍යක්ෂ නොවන ආගන්තුක වස්තුවක් පහළ වීම කියන කාරණයද මේ පහර ගැසීමට හේතුව?

මේ ධාතුන් වහන්සේලා ලැබීම නොවෙයි මෙතැන කාරණය. මේකට දේශපාලන මුහුණුවරක් දීමයි. නැතිනම් ධාතුන් වහන්සේලා පහළවීම ලංකාවේ විවිධ ස්ථානවල, විවිධ වකවානුවල සිදුව තිබෙනවා. අලුත් දෙයක් අමුතු දෙයක් නොවෙයි. මෙතැන තියෙන වැරැද්ද මේක දේශපාලනයට භාජන කිරීම. දේශපාලනීකරණය කිරීමෙන් මේක අෑත් වුණාම ධාතුන් වහන්සේලාට මිනිසුන්ගේ තියෙන ශ්‍රද්ධාකාමිත්වය ප්‍රදර්ශනය කරනවා. ඔය මොනවා කිව්වත් සෑම දිනකම විශාල පිරිසක් පිරිසක් පූජාවට සම්බන්ධ වෙනවා. දවසකට 4 සැරයක් අපි පූජා පවත්වනවා. උදේ 5ට, උදේ 7ට, දවල් 11ට, සවස 6.15ට මේ පූජා පැවැත්වෙනවා. මිනිස්සු විශ්වාස කරනවා, ඇවිත් වන්දනා කරනවා. මේ අතළොස්සක් තමයි මේක කරන්නේ.

ඔබ වහන්සේ කියන අන්ත දෙකටම නැති මැදහත් පිරිසක් මේක මිථ්‍යාව ඔසවා තැබීමක් කියලා චෝදනා කරනවා. ඒ ගැන මොකද කියන්නේ?
ඇත්ත වශයෙන්ම මිථ්‍යාව කියලා කියන්නේ මොකක්ද ඒක මුලින් සොයාගන්න ඕන.

මිථ්‍යාව කියන්නේ සැබෑවට – සත්‍යයට ප්‍රතිවිරුද්ධ දෙය?

මිථ්‍යාවේ ලක්ෂණය සොයානොගෙන යමක් මිථ්‍යාව වැපිරීමක් ලෙස හඳුන්වන්න බැහැ. දැන් උදාහරණයක් හැටියට අපි ධාතුන් වහන්සේලා මිථ්‍යාවක් කියනවා නම් අපි ඒකෙන් බලාපොරොත්තු වන්නේ කුමක්ද ශ්‍රද්ධාව වර්ධනය කිරීම. ඇයි ශ්‍රද්ධාව වර්ධනය කරන්නේ. ප්‍රඥාවට යන්න තිබෙන මාර්ගය ශ්‍රද්ධාව. ශ්‍රද්ධාව නැතිව ප්‍රඥාවට යන්න නැහැ. එතකොට කොහොමද ඒක මිථ්‍යාවක් හැටියට හඳුන්වන්නේ. මේගොල්ලෝ කරන්නේ ශ්‍රද්ධාව නැති කිරීම. මෙවැනි පිරිස් බෞද්ධ දර්ශනයේ හඳුන්වන්නේ විතණ්ඩවාදීන් හැටියට. විතණ්ඩවාදීන් කියන්නේ පදනමක් නැතිව තර්ක කරන අය. ඒ අයම තමයි සංෂයවාදීන් හැටියට හැඳින්නුවේ සෑම දෙයක්ම සැක කරන අය. ඒගොල්ලෝ බුද්ධ කාලේ ඉඳලා එන අය. සංෂයවාදීන්ට කවදාවත් සත්‍යයට ළඟා වන්න බැහැ.

ඇයි එහෙම වෙන්නේ?

මේක අසත්‍ය යැයි කියලා සැක කරන කොට එක එක කරුණු කියලා ඒක අනාථ කරනවා. ඒකෙන් තව එකක් අල්ලගෙන ඊළඟට ඒක සැක කරනවා. ඒ නිසා සංෂයවාදියා පියවරෙන් පියවර අසත්‍යයටම යනවා. ඔහුට කවදාවත්ම සත්‍යය සොයාගන්න බැහැ. මේ විවේචන ගේන්නේ සංෂයවාදීන් විතණ්ඩවාදීන්. යමක් වැරැදි නම් ඒක වැරැදි බව කියන්න. ඒ මතය දරන්න පුද්ගලයන්ට අයිතියක් තියෙනවා. ඔය ෆේස්බුක් එකේ ඉදිරිපත් කරන විවේචන බලන්න. මහා බොළඳ දේවල් තියෙන්නේ. ගැඹුරු තර්කයක් ඉදිරිපත් කරන්නේ නැහැ.

ඔබ වහන්සේගෙන් මේ සිදුවීම් පිළිබඳ මාධ්‍ය ප්‍රශ්න කළාද?

මේ වනතුරු කිසිම මාධ්‍යයක් මගෙන් ප්‍රශ්න කර නැහැ. ඔය මඩ ගහන්නෙ ඕලෙවල්වත් පාස් නැති උදවිය. ඒ අයට පිළිතුරු දෙන්න මම යන්නේ නැහැ. මොකද ඔවුන් ඒක කරන්නේ වෙන දේශපාලන අරමුණක් ඇතිව. ඇත්ත වශයෙන්ම මේ ධාතුන් වහන්සේ අපට ලැබුණු භාග්‍යයක්. මේ ධාතුන් වහන්සේලා බොරු වුණත් වැන්‍ෙදාත් එයාට ප්‍රතිඵලයක් තිබෙනවා.

කැලණි විහාරය පදනම් කරගත් නාග විමානයක් ගැන මේ කරන කතාව ඔබවහන්සේ විශ්වාස කරනවද?

යමක් සත්‍යදැයි සොයා ගන්න ක්‍රමයක් තියෙන්න ඕනේ. පළමුවැන්න තමයි ඉන්ද්‍රිය ප්‍රත්‍යක්ෂය අපේ ඉන්ද්‍රියයන්ට පේන්න ඕන. ඉන්ද්‍රියන් ගොදුරු නොවූ දෙයක් අපි කොහොමද දැනගන්නේ. ඒකට අපි කියනවා සත්තේ‍යා්ක්ෂණය කියලා. ධාතුන් වැඩීම අපේ ප්‍රත්‍යක්ෂයක්. නමුත් ඔබතුමාගේ ප්‍රත්‍යයක්ෂයක් නොවෙයි. එතකොට ඔබතුමා කොහොමද මේකට ප්‍රවේෂ වෙන්නේ. සත්තේ‍යා්ක්ෂණයෙන්. අපේ ප්‍රකාශන අහන්න ඕන. ලැබිච්ච හැටි දැනගන්න ඕන. ලැබිච්ච භාණ්ඩ දකින්න ඕන. ඔය විවේචනය කරන කවුරුවත් මෙහේ ආවෙත් නැහැ. ධාතුන් වහන්සේලා දුටුවෙත් නෑ. මුළාවක ඉන්නවා. ඉන් මිදෙන්න ඒ අයට වුවමනාවක් නැහැ. ඇත්ත වුණත් ඇත්ත බව පිළිගන්න ඒ අයට අවශ්‍ය නැහැ. විශ්වාස කරනවා මේ නාගයන්ට අයිති භූමියක්. ඒ නිසයි අපි මණිඅක්ඛිත නාරජුගේ ප්‍රතිමාවක් හදලා නිසි පුද සත්කාර කරන්නෙ. බුදු හාමුදුරුවො කැලණියට වැඩියෙ මණිඅක්ඛිත නාරජුගේ ආරාධනාවෙන්. අපි ඊට කෘතවේදිත්වය පළ කිරීම මේ කරන්නෙ. මේ භූමියට වටිනාකම දුන්නෙ නාරජ්ජුරුවො. ඒ නිසා අපි පුද සත්කාර කරන්නේ ඒකෙ ප්‍රතිඵලයක් ලෙසයි. මේ ධාතුන් වහන්සේලා අපට ලබාදෙන්න මණිඅක්ඛිත නාරජුන්ට පැහැදීමක් ඇති වුණේ. අපි මේ පුද සත්කාර පැවැත්වීම දිගටම කරගෙන යනවා.

කැලණිය රජමහ විහාරයේ අභිනවයෙන් ඉදිකළ නාග භවන දේවාලයේ වතාවත් මෙහෙයවන යෝගිතුමා ඔහුගේ අත්දැකීම් මෙසේ විස්තර කරයි. ඔහු ශ්‍රී උදාර යෝගිතුමා නමින් බැතිමතුන් හඳුන්වයි.

ඔහු දක්වන අදහස් මෙසේය.

ඔබ දකින්න ඇති මා පිළිබඳව සමාජ මාධ්‍යවල ෆේස්බුක් ආදියේ නොයෙකුත් වැරැදි ප්‍රචාර යනවා. මා රෝගී බව, කොර වී එක්තැන් වී සිටින බව ඔවුන් කියනවා. එය වැරැදි මඩ ගැසීමක්. මම ඉතාමත් නිරෝගීව පසුවන බව ඔබට පෙනෙනවා ඇති. මට කිසිදු ආබාධයක් නැහැ. දැනට වසර පහක සිට මේ ස්ථානයේ නාග විමනේ පූජා පවත්වන්නේ මගේ මෙහෙයවීමෙන්. අපි මේ ස්ථානයේ නානුමුර පූජා පවත්වනවා.

මට දිවැස් බලයක් තියෙනවා. ඕනම කෙනකුගෙ විස්තරයක් කියන්න පුළුවන්. නාග දිව්‍ය රාජයා සමඟ ලොකු සම්බන්ධතාවක් මට තියෙනවා. මේක මගෙ සංසාරගත පුරුද්දක්. මම ඉපදුණේම යම් කිසි ආධ්‍යාත්මික බලයක් සහිතව. මේ පූජා සිදු කරද්දි මම නිතර මණිඅක්ඛිත නාරජ්ජුරුවන් සමඟ සම්බන්ධ වෙනවා. උන්වහන්සේ මට පැවැසුවා නාග ලෝකයේ තිබෙන නිර්මල සර්වඥ ධාතුන් වහන්සේලාගෙන් කිහිප නමක් කැලණි විහාරයට ලබා දෙන බව. මම ඒක නායක හාමුදුරුවන්ටත් දැනුම් දුන්නා. ඒ අනුව අපි විහාර පරිශ්‍රයේ විශේෂ මණ්ඩපයක් සකස් කර අපේක්ෂාවෙන් සිටියා. නමුත් විවිධ බලවේග නිසා අපට නාග ලෝකයෙන් ලැබුණු දින වෙනස් වුණා. දැන් රුවන්මැලි මහා සෑය ආරක්ෂා කරන්නෙ මහා කාල නාරජු. සෝමාවතී චෛත්‍යය ආරක්ෂා කරන්නෙ ජයසේන නාරජු. සේරුවාවිල මංගල සෑය ආරක්ෂා කරන්නෙ සුමන නාරජු. කැලණි මහ වෙහෙර රකින්නෙ මණිඅක්ඛිත නාරජු, මිථ්‍යාදෘෂ්ටිත නාගයන් මේක වැළැක්වූවා. මම නාග ලෝකයත් මනුෂ්‍ය ලෝකයත් අතර අතරමැදියෙක්. මම කරන්නෙ ලෝක දෙක අතර පණිවුඩ හුවමාරු කිරීම.

සර්වඥ ධාතුන් වහන්සේලා අපට ලබාදෙන බවට ස්ථීර දැනුම්දීමක් ලැබුණේ 2019 නොවැම්බර් 9 දිනට අදාළවයි. ඒ සඳහා කැලණි නදියේ විශේෂ ස්ථානයක් සඳහන් කළා. මට පීනන්න බැහැ. නමුත් මණිඅක්ඛිත නාරජු කීවා කිසිදේකට බය වෙන්න එපා. ආරක්ෂා කරනවා කියලා. මට උන්වහන්සේ ගැන විශ්වාසයක් තිබුණා. මම කරඬුව ගන්න ගියා. අපි පූජා පවත්වා 9 වැනිදා රාත්‍රි 9.30ට විතර ගඟට ගියා. අප සමඟ 50ක් 60ක් විතර සිටියා. මගේ ආරක්ෂාවට තොටුපොළ භාරව සිටින ගයාන් මහතා සම්බන්ධ කර දුන්නේ කැලණිය පොලිසියේ ස්ථානාධිපතිතුමා. අප යන විටත් ඔහු එතැන සිටියා. එයත් අහඹු සිදුවීමක්. මගේ අතේ නාග වළලු දෙකත්. ඒ දෙක තොටුපොළේ සිටි දෙදෙනාට පැලඳුවා.

මට භාවනා කිරීමෙන් කුණ්ඩලිනී ශක්තිය ලැබෙනවා. මට සූක්ෂ්ම ශක්තියෙන් සිරුරෙන් බැහැර වෙන්න පුළුවන්. මනෝකාය එළියට ගන්න පුළුවන්. නමුත් ශරීරය සිහින් හුයකින් බැඳී පවතිනවා. මම මනෝකායෙන් නාග ලෝකෙට ගියා.

මණිඅක්ඛිත නාරජු 30,000ක් නාගයන් පිරිවරාගෙන හිටියේ. විශාල නාගයෙක් අපේ ආරක්ෂාවට එවල හිටිය. ඒ නයාගෙ වල්ගා කොටස ගඟ මැද ගලේ ඉද්දී ගයාන්ගේ කකුලෙ වැදිලා කෙණ්ඩ පෙරළුණා. මෙතුමා මාව අල්ලගෙන හිටියා. වතුර ඇතුළට ගියාම නාග ලෝකෙ ‍ෙදාරටුව හමුවුණා. ‍ෙදාරටුව භාරව හිටියේ රංවල දෙවියෝ. උන් වහන්සේ මට ‍ෙදාරටුව ඇරලා දුන්නා.

ඒක නීල මාණික්‍යයෙන් කරපු විමානයක්. සූක්ෂ්ම කායෙන් යන නිසා හුස්ම ගන්න අපහසුවක් නැහැ. රත්රන් කණුවල එතුණු මැණික් කටින් ගත් නාගයන් ඉන්න මාවතක් තිබුණා. නාග කන්‍යාවන් වීණා වයමින් දෙපැත්තේ ඉන්නවා මම දැක්කා. ඉදිරියට යනකොට නීල මාණික්කයෙන් කරපු විශාල කරඬුවක් තිබුණා. එතැන සුදු සළු පැලඳි නාග පෙණ පහක ඔටුන්නක් පැලඳි කෙනෙක් හිටියා. එතුමා හැරිලා මා දිහා බැලුවා. ඇස්වලින් විදුලි පන්දමකින් වාගේ ආලා්ක ධාරා නිකුත් වුණා. මම උන්වහන්සේට වඳින්න හදන කොට ‘උඩට යන්න දරුවා” කිව්වා. මම උඩට එද්දි වතුර මට්ටම ඉහළ නැඟලා. මම කීව වහින්න පටන් ගනීවි කියලා. ඒ සමඟම අකුණු ගගහ වහින්න ගත්තා. ඒ වෙලාවෙ අපි තුන්දෙනාම එක කටට ගන්න පුළුවන් තරමේ රිදී පාට නාගයෙක් මතුවුණා. ඒක මුලින්ම දැක්කෙ තොටුපොළේ ගයාන්ගෙ ගෝලයා. ඒ සමඟ විශාල සුළියක් සමඟ ඇවිත් කරඬුව මගෙ අතට දී නොපෙනී ගියා. දැන් වෙලාව රෑ 12.00යි. මම කරඬුව මේ අයිය අතට දීලා සූක්ෂ්ම කයින් ඉවත් වුණා. අපි කරඬුවට පූජා පවත්වද්දී මිථ්‍යාදෘෂ්ටික නාගයෝ මතුවුණා 20ක් තිහක්. අපි බෝතලයක් විසි කළාම ඒ විශාල නාගයෙක් සිහින් වෙලා. ඒ තුළට ඇතුළු වුණා. එපමණයි වුණේ. පසුව ඒ නාගයාත් වතුරට දැම්මා.

ඒ කරඬුව දැන් තැන්පත් කර තියෙනවා. ඒක චීනෙන් ගෙන්නුවා කියලා තමයි මඩ ගහන්නේ. ඔබතුමාට ඒක බලන්න පුළුවන්. මේක ශාසනික දෙයක්. මෙතැන කිසිම දේශපාලන සම්බන්ධයක් නැහැ. මේක මණිඅක්ඛිත නාරජුගේ පණිවුඩය මත සිදුවීමක් පමණයි. මම ශාරීරිකව හොඳින් ඉන්නවා. වැරැදි මත දක්වන අයට ඉදිරියේ නාග ශාපය හිමිවේවි.

තොටුපොළ භාර ගයාන් සංජීව මහතා

එදා රාත්‍රි 9.30ට විතර නායක හාමුදුරුවන් ඇතුළු පිරිස ගඟ ළඟට ආවා. මම මේ ගැන මොනවත් දැන සිටියේ නැහැ. කැලණි පොලිසියේ ඕ. අයි. සී. මහතාත් ඒ අවස්ථාවේ ගඟ අසළට පැමිණියා. එතුමා ඉල්ලා සිටියා යෝගිතුමා පිහිනීමට නොදන්නා නිසා ඔහුට ආරක්‍ෂාව ලබාදෙන ලෙස. මාත් මගේ ගෝලයත් එහි සිටියා. අපේ පරම්පරා තුනක්ම තොටියෝ. අපි යෝගිතුමාත් සමඟ ගඟේ ගලක් මත සිටියා. පැය දෙකක් පමණ මම යෝගිතුමා අල්ලන් හිටියා. ඔහු වතුරේ මුහුණ ඔබාගෙන සිටිය දී මම අත නොහැර කඳවටා අත දාලා අල්ලන් සිටියා. ඒ අතර යටින් ලොකු රබර් එක වගේ දෙයක් වැදිලා කකුලේ කෙණ්ඩ පෙරළුණා. ඉක්මනින් ඒ අමාරුව නැතිව ගියා.

යෝගිතුමා දර දඬු වෙලා අත් ගසන්නට වුණා. එක පාරටම කරඬුවක් යෝගිතුමාගේ අතට ආවා. එය කලින් ගෙන ගියා වෙන්න කොහෙත්ම බැහැ. මම වගකීමෙන් කියනවා යෝගිතුමා අතේ කලින් කිසිවක් තිබුණේ නැහැ. නයි මතු වූ කතාව ඇත්ත. ගංගාව පතුලේ නාග විමානයක් පවතින බව දැන් මමත් විශ්වාස කරනවා. මේවා කිව්ව කියලා මට ප්‍රයෝජනයක් නැහැ. මට ලොකු ගෙවීමක් කළ බව කියනවා. ඒක බොරු. කවුරුත් ශත 5ක්වත් දුන්නෙ නැහැ. සමහරු නයා කියලා විහිළු කරනවා. මම කිව්වෙ ඇත්ත.

කැලණි රජමහ විහාර පරිශ්‍රයේ නිමවා ඇති මණි අක්ඛිත නාගරාජ දේව මන්දිරයේ පැවැත්වෙන නානු මුර මංගල්‍යයට අතිවිශාල ජනතාවක් සම්බන්ධ වෙති. එය කැලණි විහාරයට සුවිශේෂී වූ අංගයකි. සර්වඥ ධාතූන් වහන්සේ වැඩමවීම කිසියම් ගුප්ත ආශ්චර්යයක් තුළ සිදු වූ සංසිද්ධියක් බව සනාථ වන කරුණු රැසක් මෙම ගවේෂණයේදී පැහැදිලි විය.

බෞද්ධ දර්ශනය පිළිබඳ විශිෂ්ට දැනුමක් ඇති මහාචාර්යවරයකු වූ විහාරාධිපති හිමියන් ස්ථීරසාර විශ්වාසයකින් යුතුව සර්වඥ ධාතුන් වහන්සේ වැඩම වීම ගැන සඳහන් කරති. එය සැහැල්ලුවෙන් ගත නොහැකිය. අප කළ ගවේෂණයේදී හමු වූ බාහිර පුද්ගලයා තොටුපොළ හිමි ගයාන් සංජීවය. ඔහුට දේශපාලන හෝ වෙනත් අරමුණක් නැති බව පැහැදිලිය. දිය යට පිහිටි ගල් තලාව ගැන දන්නේ ඔහුය. උදාර යෝගිතුමා එය ඔස්සේ ගඟ මැදට කැටුව යන්නේ ඔහුය. යෝගිතුමා කිසිවක් රැගෙන නොගිය බවත් කරඬුව ඔහු අතට පහළ වන්නේ හදිසි නිශ්චිත නිමේෂයකදී බවත් ඔහු ඉඳුරාම පවසයි. තමාට කිසිදු වාසියක් මෙයින් නොලැබුණු බව ඔහු අප සමඟ සහතික විය.

විහාරාධිපති නායක ස්වාමීන් වහන්සේ අප සමඟ පැවැසූ පරිදි කැලණි ධාතු මන්දිරය බොහෝ ප්‍රාතිහාර්ය සිදුවන ස්ථානයකි. එහි වූ ථෙරවාද සහ මහායාන බුද්ධ ප්‍රතිමා කිහිපයක්ම ධාතු මන්දිරය ඉදිකිරීමෙන් පසු විවිධ අවස්ථාවන්හිදී පහළ වූ ඒවා බවද උන්වහන්සේ පැවැසූහ.

නිසි සොයා බැලීමකින් තොරව ආවාට ගියාට හිතු හිතූ පරිදි විශ්වාසයන්ට පහර එල්ල කිරීම සහ විශ්වාසයක් හෙළා දකිමින් අවඥානයෙන් කතා කිරීම පුහු වීරත්වයක් බවට පත්ව තිබේ. ප්‍රඥාවන්තයන් පා තබන්නට බිය බිමෙහි මෝඩයෝ පිනුම් ගසනවා යැයි කතාවක් තිබේ. ඕනෑම සමාජ සංසිද්ධියක් පිළිබඳව අවසන් තීන්දුව දෙන්නේ බහු ජනයා මිස ඊනියා සමාජ මාධ්‍ය නොවේ. මිනිසුන්ගේ හෘද සක්ෂිය සෙල්ලමට ගන්නට ඔවුන්ට සදාචාරාත්මකව මෙන්ම පවතින නීතියෙන්ද ඉඩක් නැත.

නිසි අයුරින් වත්පිළිවෙත සිදු කෙරෙන පූජ්‍ය ස්ථානයන්හි හාස්කම් සිදුවනු දැකීම පුදුමය දනවන සිදුවීමක් නොවේ. බෞද්ධ සංස්කෘතික ඉතිහාසයේ එවැනි අවස්ථා උදාහරණ කොතෙකුත් තිබේ. කැලණි විහාරය ගත් විට එහි ඉතිහාසයේ මෙවැනි ප්‍රාතිහාර්යයන් අවස්ථා ගණනාවකදී විද්‍යමාන වී තිබේ. නායක හිමියන් පවසන පරිදි වර්තමාන ධාතු මන්දිරය තුළ වඩා හිඳුවා ඇති බුද්ධ ප්‍රතිමා සහ බෝධි සත්ව ප්‍රතිමා කිහිපයක්ම ප්‍රාතිහාර්යයෙන් පහළ වූ ඒවාය.

ඇඩ්මින් - Amila ( cassano di'Adda ) Milano Italy මෙම පුවත තවත් කෙනෙක්ට බලන්න Share කරන්න
Copyright © 2012 Sri Av Tv Network