Showing posts with label Ape kollo. Show all posts
වසන්ත කරන්නාගොඩගේ නඩු විභාගයෙන් විනිසුරු ප්‍රියන්ත ජයවර්ධන ඉවත් වෙයි



අපරාධ පරීක්ෂණ දෙපාර්තමේන්තුව මඟින් ව්‍යාජ තොරතුරු පදනම් කර ගෙන අත්අඩංගුවට ගැනීමේ අවදානමක් පවතින බැවින් තමන් අත්අඩංගුවට ගැනීම වලක්වාලන අතුරු නියෝගයක් නිකුත් කරන ලෙස ඉල්ලා අද්මිරාල් වසන්ත කරන්නාගොඩ මහතා ගොනු කළ මූලික අයිතිවාසිකම් පෙත්සම් විභාගයෙන් ශ්‍රේෂ්ඨාධිකරණ විනිසුරු ප‍්‍රියන්ත ජවර්ධනය මහතා අද (28) ඉවත් වූයේය.

මෙම පෙත්සම අද අගවිනිසුරු නලින් පෙරේරා , ප‍්‍රියන්ත ජයවර්ධන සම මුර්දු ප‍්‍රනාන්දු යන ත‍්‍රිපුද්ගල ශ්‍රේෂ්ඨාධිකරණ විනිසුරු මඩුල්ල හමුවේ කැඳවූ අතර එහිදී ප‍්‍රියන්ත ජවර්ධන විනිසුරුවරයා පෞද්ගලික හේතූන් මත තමන් එම පෙත්සම් විභාගයෙන් ඉවත් වන බව විවෘත අධිකරණය හමුවේ දැනුම් දුන්නේය.

මෙම පෙත්සම අද කැඳවූ අවස්ථාවේදී නීතිපතිවරයා වෙනුවෙන් පෙනී සිටි අතිරේක සොලිසිටර් ජනරාල් විරාජ් දයාරත්න මහතා අධිකරණයට දන්වා සිටියේ කරන්නාගොඩ මහතා සම්බන්ධයෙන් සිදුකළ පරීක්ෂණ කටයුතු අවසන් කර ඇති බවත් ඔහුට එරෙහිව චෝදනා ගොනු කිරීම සඳහා සූදානම් කර ඇති බවයි.

පෙත්සම්කාර පාර්ශවයෙන් පෙනී සිටි ජනාධිපති නීතිඥ රොමේෂ් ද සිල්වා මහතා කරුණු දක්වමින් චෝදනා ගොනු කිරීම සම්බන්ධයෙන් තමන්ට ගැටලූවක් නොමැති වුවද අත්අඩංගුට ගැනීම වැලැක්වීමේ නියෝගයක් නිකුත් කිරීම අවශ්‍ය බවයි අධිකරණයට දන්වා සිටියේය.

මෙහිදී අගවිනිසුරු නලින් පෙරේරා මහතා අතිරේක සොලිසිටර් ජනරාල් විරාජ් දයාරත්න මහතාගෙන් විමසා සිටියේ පෙත්සම්කරුව අත්අඩංගුවට නොගැනීම සම්බන්ධයෙන් කිසියම් ප‍්‍රතිඥාවක් ලබා දිය හැකිද යන්න පිළිබඳව.

ඊට ප‍්‍රතිචාර දක්වමින් අතිරේක සොලිසිටර් ජනරාල්වරයා කියා සිටියේ මෙම අවස්ථාවේදී එවැනි ප‍්‍රතිඥාවක් ලබාදීම අපහසු බවයි.

ඒ හේතුවෙන් පෙත්සම සම්බන්ධයෙන් සලකා බැලීම ලබන මාර්තු 07 වැනිදා කල් තැබීමටද ශ්‍රේෂ්ඨාධිකරණය නියම කළේය.

කෝට්ටේ බැද්දගාන අංක 99 /3 දරණ ස්ථානයේ පදිංචි අද්මිරාල් වසන්ත කරන්නා ගොඩ මහතා විසින් ගොනු කර ඇති මෙම පෙත්සමේ වගඋත්තරකරුවන් වශයෙන් අපරාධ පරීක්ෂණ දෙපාර්තමේන්තුවේ සංවිධානාත්මක අපරාධ අංශයේ ස්ථානාධිපකි නිශාන්ත සිල්වා , එහි අධ්‍යක්ෂ ශානි අබේසේකර , පොලිස්පති පූජිත ජයසුන්දර මහතා ඇතුළු පස් දෙනෙකු නම් කරනු ලැබ ඇත.

නීතීඥ සනත් විජේවර්ධන මහතා විසින් ගොනු කර ඇති පෙත්සමේ මෙසේද සඳහන් වේ.

පෙත්සම්කරු ශ්‍රී ලංකා නාවික හමුදාවේ හිටපු හමුදාපතිවරයෙකු වේ.

නාවික හමුදාවේ ලූතිනන් කමාන්ඩර්වරයෙකු ඇතුළු පිරිසක් විසින් තරුණයින් පිරිසක් පැහැර ගත් බව 2009 මැයි 10 වන දින පෙත්සම්කරුට දැනගන්නට ලැබූ අතර ඒ පිළිබඳ පරීක්ෂණ පවත්වන ලෙස නාවික හමුදා පොලිස් ප‍්‍රදානියාට උපදෙස් ලබා දුන්නේය.

තත්ත්වය මෙසේ තිබියදී. 2010 සැප්තැම්බර් 13 වන දින ලූතිනන් කොමාන්ඩර් වෙළගෙදර නැමැති නිලධාරියා විසින් පෙත්සම්කරු ඇතුළු නිලධාරීන් කිහිපදෙනෙකුට එරෙහිව සාවද්‍ය තොරතුරු අඩංගු ප‍්‍රකාශයක් අපරාධ පරීක්ෂණ දෙපාර්තමේන්තුවට පැමිණිලි කරන ලදී.

මෙම ප‍්‍රකාශය අනුව පෙත්සම්කරු අපරාධ පරීක්ෂණ දෙපාර්තමේන්තුවට ගොස් ප‍්‍රකාශයක් ලබා දුන්නේය.

මේ අතර හිටපු රියර් අද්මිරාල්වරයෙකු වන ට‍්‍රැවිස් සින්නයියා මහතා විසින්ද පෙත්සම්කරුට එරෙහිව ව්‍යාජ තොරතුරු අඩංගු ප‍්‍රකාශයක් අපරාධ පරීක්ෂණ දෙපාර්තමේන්තුවට ලබා දෙන ලදී.

මෙම ප‍්‍රකාශයන් සාවද්‍ය බවට පෙත්සම්කරු විසින් ආරක්ෂක අමාත්‍යාංශයේ ලේකම්වරයා වෙත ලිපියක් මඟින් දැනුම් දෙන ලදී.

පෙත්සම්කරු හිටපු ජනාධිපති මහින්ද රාජපක්ෂ සහ හිටපු ආරක්ෂක ලේකම් ගෝඨාභය රාජපක්ෂ මහතාගේ සමීපතමයෙකු බැවින් රහස් පොලීසිය මේ පිළිබඳ දැඩි උනන්දුවක් දක්වයි.

මෙම තත්ත්වය තුළ පෙත්සම්කරු අත්අඩංගුවට ගැනීමේ අවදානමක් පවතින බව පෙත්සම්කරු කියා සිටී.

එබැවින් වගඋත්තරකරුවන්ට නොතීසි නිකුත් කරන ලෙසද ,තම මූලික අයිතිවාසිකම් කඩවී ඇති බව ප‍්‍රකාශ කරන ලෙසද , වග උත්තරකරුවන්ට එරෙහිව විනය පරීක්ෂණයක් පවත්වන ලෙසද , මෙම පෙත්සම විභාගයට ගෙන අවසන් වන තුරු තමන් අත්අඩංගුවට ගැනීම වළක්වාලන අතුරු නියෝගයක් නිකුත් කරන ලෙසද පෙත්සම්කරු සිය පෙත්සමෙන් ඉල්ලා ඇත.




ඇඩ්මින් - Amisha ( cassano di'Adda ) Milano Italy මෙම පුවත තවත් කෙනෙක්ට බලන්න Share කරන්න


කුසල් Match එකෙන් පස්සෙ මෙහෙම කියනවා.. " කුසල් අයියේ, බැට් එකෙන් බැරි නම් බෝලෙට ඇඟ හරි මම අල්ලනවා.. අවුට් වෙන්නෙනම් නැහැ.., උබට පුලුවන් දෙයක් කරපන්.." විශ්ව මෙහෙම කියපු එක මට ලොකු හයියක් වුණා, සිංගල් එක දාලා සයිඩ් එක දෙන්න.. විශ්ව කලේ ලොකු වැඩක්.. එයා අවුට් වුණා නම් මැච් එක ඉවරනේ..මම දන්නෑ එයා බෝල් කීයකට ෆේස් කලාද කියලා, ඒ කීයක් වුනත් ඒවා වටිනවා.. මාර වටිනවා.. ඒවා මගේ ලකුණු වලටත් වඩා වටිනවා.. මෙන්න මේකට තමයි ශුද්ධ සිංහලෙන් අැම්ම කියන්නේ, ගැම්ම කියන්නේ, රුදාව කියන්නේ.. සුද්දෝ මේකට කියන්න Passion එක කියලා. මේක තමයි අපේ පහුගිය කාලේ තිබ්බෙ නැත්තෙත්. මට තනි නැහැ ගේම ගහන්න fit කොල්ලෙක් එහා පැත්තෙ ඉන්නවා කියන්නෙ එ්ක පට්ටම kick එකක්. Heart එකට හෙන Punch එකක් වැදුනා වගේ. වැඩ්ඩො නවයක්ම අාපහු හැරිලා ගිහින් බංකුවෙ වාඩි වෙලා ඉද්දි ඔළුව බිමට කඩලා දාගන්නෙ නැතුව. සිංහලෙන් කියනවනම් Head Down කරගන්නෙ නැතුව ඉන්න, විශ්ව එ් කියපු වචන ටිකම අැති. පහුගිය කාලේ වෙචිච පරාජයන් වලට හේතුවත් එ්ක. කණ්ඩායම් කැක්කුම ( සුද්දො කියන්නේ Team Spirit එක). මේක කලින් තිබ්බෙ නැහැ. මේක දිනුවා කියලා ලෝකය දිනුවා වෙන්නෙ නැහැ. එ්ත් ඉස්සරහට යන්න මේක හොද කිචි කැවීමක්. Motivation එකක්. අැඟේ මයිල් කෙලින් වෙනවා නේද. සුද්දො කියන විදිහටනම් Nail biting case එකක්. 
නිලන්ත සත්සර ගමගේ

ඇඩ්මින් - Amisha ( cassano di'Adda ) Milano Italy මෙම පුවත තවත් කෙනෙක්ට බලන්න Share කරන්න

රනිල් පන්නන්න ජනපති ඉල්ලූ නීති උපදෙස් ලැබේ.. රනිල්ගේ අගමැති ධුරය අහෝසියි..



එක්සත් ජාතික පක්‍ෂය හා ශ‍්‍රී ලංකා නිදහස් පක්‍ෂය අතර ජාතික ආණ්ඩුවක් පිහිටුවීමට වසර දෙකක කාලයක් සදහා අත්සන් කරන ලද අවබෝධනා ගිවිසුම කල් ඉකුත් වී අහෝසි වීමත් සමග රනිල් වික‍්‍රමසිංහ මහතාගේ අගමැති ධුරය මෙන්ම කැබිනට් මණ්ඩලයට බලශුන්‍ය බල රහිත වන බව නීතීවේදීහු පෙන්වා දෙති.
පසුගිය දෙසැම්බර් මාසයෙන් ජාතික ආණ්ඩු ගිවිසුම කල් ඉකුත් වූ නිසා එතැන් සිට මේ ගෙන යමින් ඇත්තේ නීති විරෝධී නීතියට පටහැනි ආණ්ඩුවක් යයි නීතීඥ ප‍්‍රතිභා මහානාම හේවා මහතා පවසයි.
මේ අතර අගමැති රනිල් වික‍්‍රමසිංහ මහතා ධුරයෙන් ඉවත් කිරීම සදහ ජනාධිපතිවරයා විසින් නීතිපතිවරයාගේ මතයද විමසා ඇත.
එක්සත් ජනතා නිදහස් සන්ධානය පාර්ලිමේන්තුවේ 113ක සරල බහුතර බලය පෙන්වා ආණ්ඩුවක් පිහිටුවීමට සූදානමින් සිටින අතර ඒ සදහා කඩිනමින් කටයුතු කිරීමට කමිටුවක්ද පත් කර ඇත.
නව ආණ්ඩුවේ අගමැතිවරයා ලෙස ඇමති නිමල් සිරිපාලද සිල්වා මහතා පත් කිරීමටද තීරණය වී තිබේ.


ඇඩ්මින් - Amisha ( cassano di'Adda ) Milano Italy
යහපාලනයේ ඔනැ එපාකම් නිසා අපේ පැරණි ෆෙස්බුක් පිටුව එහි සිටි සාමාජිකයන් 130000 සමග අතුරුදන් වී ඇති අතර මෙන්න අපේ නවතම ෆෙස්බුක් පිටුව like කර නොමැතිනම් like කර සෙට් වන්න සැමට කලින් සත්‍ය දැන ගන්න

මෙම පුවත තවත් කෙනෙක්ට බලන්න Share කරන්න
දිගු දුර විහිදුම් බළකාය පාවාදීම

ශ්‍රී ලංකා යුද හමුදා ඉතිහාසයේ සිදුවූ විශාලතම පාවාදීම අතුරුගිරියේ මිලේනියම් සිටි නිවාස සංකීර්ණයේ සිටි දිගුදුර විහිදුම් බළකාය මහනුවර නිල සුනඛ අංශයේ සහකාර පොලිස්‌ අධිකාරී කුලසිරි උඩුගම්පොල විසින් වැටලීමයි.

අතිශයින්ම රහසිගත මෙම දිගුදුර විහිදුම් බළකා කණ්‌ඩායම උඩුගම්පොල නමැත්තාගේ ක්‍රියාදාමය නිසා මුළුමනින්ම හෙළි විය. මේ සම්බන්ධයෙන් පැවැති ජනාධිපති විමර්ශන කොමිසමේ සාක්‍ෂි විමසීම පවා පළ කිරීමෙන් ඇතැම් මාධ්‍ය වැළකී සිටියේය.

එවකට ජනමාධ්‍ය ලේකම්ව සිටි කුමාර් අබේසිංහ කොමිසම හමුවේ සාක්‍ෂි දෙමින් තමා අතුරුගිරිය සිදුවීම වීඩියෝගත කිරීම සඳහා ආරක්‍ෂක ලේකම් ඔස්‌ටින් ප්‍රනාන්දුට අමතා යුද හමුදාව ඉදිරියේ එය සිදු කිරීමට අවසරය ගත් බව කියා සිටියේය. එහෙත් මේ කිසිම නිලධාරියකු මෙවන් ප්‍රචාර නිසා ජාතික ආරක්‍ෂාවට හානි සිදුවන බව අදහස්‌ කළේ නැත.

කුලසිරි උඩුගම්පොලගේ මේ පාවාදීම සාධාරණීයකරණය කිරීමට මෙරට මාධ්‍ය පාර්ශ්වයන් දෙකක්‌ දැඩි ලෙස උත්සාහ කරනු ලැබීය. ඉන් එක්‌ පාර්ශ්වයක්‌ වූයේ රජයේම සති අන්ත පුවත්පතකි. උඩුගම්පොළගේ ඥතියකු අන්වර්ථ නම් භාවිත කරමින් දිගුදුර විහිදුම් බළකාය වැටලීම සාධාරණීයකරණය කරනු ලැබීය. 2002 ජනවාරි 2 වැනිදා රාත්‍රියේ කුලසිරි උඩුගම්පොල අතුරුගිරියට පැමිණියේ එම ප්‍රදේශයේ කිසිම ජ්‍යෙෂ්ඨ පොලිස්‌ නිලධාරියකුට නොදන්වමිනි. කපිතාන් නීලම් ඇතුළු කණ්‌ඩායම මිලේනියම් සිටි නිවාස සංකීර්ණයේ ස්‌ථානගත වූයේ නීත්‍යනුකූලව යෑයි හමුදා බුද්ධි අංශ නායක කපිල හෙන්දාවිතාරණ හා හමුදාපති ලයනල් බලගල්ලේ කළ ප්‍රකාශය ද උඩුගම්පොල පිළිගත්තේ නැත.

අතුරුගිරිය සිද්ධිය පුවත්පත්වලට හෙළි කිරීම සඳහා ඔහු මහනුවර සිට හිටපු උප සේවා පොලිස්‌ කොස්‌තාපල්වරයකු වූ ප්‍රාදේශීය වාර්තාකරුවකු ද ගෙන ආවේය.

එවකට සිටි පොලිස්‌පතිවරයා ද උඩුගම්පොලගේ මෙහෙයුම සමයේ අසරණ තත්ත්වයට පත් විය. ඔහු කොළඹ මුත්තයියා පාරේ හමුදා බුද්ධි අංශයට ගොස්‌ ලිපිගොනු ද ලබාගනු ලැබීය. ජනාධිපති විමර්ශන කොමිසම හමුවේ තවදුරටත් අනාවරණය වූයේ යුද හමුදාවේ මේජර් ජනරාල්වරයෙක්‌, කර්නල්වරයෙක්‌, මේජර්වරු තිදෙනකු හා කෝප්‍රල්වරයෙක්‌ මෙම දිගුදුර විහිදුම් බළකාය රැඳී සිටි නිවස වටලන බව දැන සිටි බවයි.

දිගුදුර විහිදුම් බළකා කණ්‌ඩායම අත්අඩංගුවට ගත් උඩුගම්පොල නමැත්තා ඔවුන් මහනුවරට ගෙනගොස්‌ කටුගස්‌තොට පොලිසියේ රඳවනු ලැබීය. එවකට ආරක්‍ෂක ඇමැතිව සිටි මාරපන මහතා එකී කණ්‌ඩායම නිදහස්‌ කරන ලෙස කළ නියෝගය ද ක්‍රියාත්මක වූයේ දින කීපයකට පසුවය.

මේ හමුදා කණ්‌ඩායම අත්අඩංගුවට ගත් උඩුගම්පොල එතැනින් නතර වූයේ නැත. ඔහු හමුදාපති හා බුද්ධි අංශ ප්‍රධානියාට එරෙහිව නඩු පවරනු ලැබීය. මේ සිද්ධිය බලා සිටි කොටි අතිශයින්ම ප්‍රමෝදයට පත්ව අත්පොළසන් දුන්හ. එකල කොටි වෙබ් අඩවියක මෙලෙස සඳහන් විය. ද්‍රවිඩයන් ඝාතනය කිරීමට යොදවා තිබූ කණ්‌ඩායමක සුලමුල දැන් අනාවරණය වී ඇත.

මේ අතර නිදහස්‌ වූ දිගුදුර විහිදුම් බළකායේ කණ්‌ඩායම තම මානව හිමිකම් අහිමි වූ බව දක්‌වමින් අධිකරණය හමුවට ගියහ. මෙකී මානව හිමිකම් නඩුව ඉල්ලා අස්‌කර ගන්නා ලෙස දන්වමින් එකී කණ්‌ඩායමට දැඩි බලපෑම් එල්ල වුවත් ඔවුහු ඊට එකඟ නොවූහ. 2004 ජනවාරි 30 වැනිදා අධිකරණය විසින් තීන්දුවක්‌ දුන්නේය. දිගුදුර විහිදුම් බළකා කණ්‌ඩායමේ මානව හිමිකම් උල්ලංඝනය වී ඇතැයි තීරණය කළ අධිකරණය සෑම පාර්ශ්වකරුවකුටම රුපියල් 7,50,000 ක්‌ බැගින් ගෙවිය යුතු යෑයි නියම කළේය. උඩුගම්පොල ද රුපියල් 50000 බැගින් ගෙවිය යුතු බවට අධිකරණය නියෝග කරනු ලැබීය. මෙහිදී උඩුගම්පොලගේ ක්‍රියාදාමය අධිකරණය විසින් දැඩි දෝෂාරෝපණයට ලක්‌විය. මෙම අධිකරණ නියෝගයෙන් පසු ජාතික පොලිස්‌ කොමිසම විසින් උඩුගම්පොලව අනිවාර්ය නිවාඩු යවන්නැයි එවකට පොලිස්‌පතිව සිටි ඉන්ද්‍රා ද සිල්වා වෙත නියෝග කරනු ලැබීය. 2005 මාර්තු 23 වැනිදා කුලසිරි උඩුගම්පොළව විශේෂ පොලිස්‌ කණ්‌ඩායමක්‌ විසින් අත්අඩංගුවට ගෙන අධිකරණය වෙත ඉදිරිපත් කිරීමෙන් ඇප මත නිදහස්‌ විය.

දැන් රාජ්‍ය රහස්‌ පනත යටතේ උඩුගම්පොළට එරෙහිව නඩු පැවරී තිබේ. "අතුරුගිරිය මිලේනියම් සිටි සිද්ධියේ කනගාටුදායක පැත්ත මෙයයි. මේ විශේෂ කණ්‌ඩායම අත්අඩංගුවට ගැනීමෙන් පසු ඊට සහාය වූ බුද්ධි චරපුරුෂයන් කවුරුන්දැයි කොටින්ගේ ටොසී බුද්ධි සේවාවට වාර්තා විය. ඒ අනුව කොටි ගැන තොරතුරු සපයන ද්‍රවිඩ බුද්ධි චරපුරුෂයන් ඝාතනයවීම ආරම්භ විය.

මේ කොටි විසින් ඝාතනය කළ බුද්ධි කණ්‌ඩායමයි. 2002 ජනවාරි 20 - විද්‍යාදරන් හෙවත් නිති, 2002 පෙබරවාරි 9 - ක්‌ලාරි හෙවත් ගඩාපි, 2002 ජුලි 22 - අරින්ජාන් හෙවත් සමින්දරාජන්, 2002 දෙසැම්බර් 11 - ගනේෂමූර්ති හෙවත් තිලක රාජා, 2003 ජනවාරි 03 - කැෂියර් හෙවත් පුලේන්ද්‍රරාසා, 2003 මාර්තු 18 - රගුපති හෙවත් රගු, 2003 අප්‍රේල් 13 - රංජන් හෙවත් වර්ධන්, 2003 අප්‍රේල් 26 - අශෝක්‌ දේවරාජා 2003 මැයි 21 මාස්‌ටර් හෙවත් කුමාර් පෙරුමාල්, 2002 අගෝස්‌තු 14 - දේවදාස්‌, 2002 දෙසැම්බර් 02 - අයිස්‌, 2003 අප්‍රේල් 23 - යශෝධරන්, 2003 මැයි 19 - සූරියන්, 2003 අගෝස්‌තු 03 රිල්වාන්, 2003 අගෝස්‌තු 08 ශන්මුගරාසා, 2003 සැප්තැම්බර් 14 - සබාරත්නම්, 2004 ජනවාරි 31 - යෝගරාසා හෙවත් ප්ලොට්‌ මොහාන්.

දිගුදුර විහිදුම් බළකාය නිදහස්‌ වුවත් සටන් විරාමය නිසා ඔවුන්ට මෙරට රැඳී සිටීම අනතුරුදායක විය. මේ නිසා ඔවුහු විදේශගත වූහ.

මෙම අතිශයින්ම රහසිගත හමුදා බළකාය අල්ලා ගැනීමට නීති විරෝධී මෙහෙයුමක්‌ දියත් කළ කුලසිරි උඩුගම්පොල නමැත්තා එදා සිටි පොලිස්‌පති, හමුදාපතිටත් ඉහළින් කටයුතු කළ බව මෙහිදී සනාථ විය.

මෙම සිද්ධිය පිළිබඳ ජනාධිපති කොමිසම පරීක්‍ෂණ පටන් ගැනීමත් සමගම උඩුගම්පොලට මිලේනියම් සිටි නිවස ගැන තොරතුරු සැපයූ බව කියන පුද්ගලයා ද අබිරහස්‌ ලෙස මියගොස්‌ ඇතැයි අනාවරණය විය.

එසේම දිගුදුර විහිදුම් බළකාය රැඳී සිටි නිවස වැටලීමට තමා පැමිණියේ අධිකරණ නියෝගයක්‌ මත යෑයි උඩුගම්පොල පැවසූ නමුත් එම නියෝගය ඔහු කිසිවිටෙක පෙන්නුම් කළේ නැත.

මේ හැර යුද හමුදාව මෙකී කණ්‌ඩායමේ හා අවි ආයුධවල නීත්‍යනුකූලතාවය ගැනද ලියවිල්ලකින් සනාථ කරන්නේ නම් දිගුදුර විහිදුම් බළකාය නිදහස්‌ කරන බවද උඩුගම්පොල පවසා තිබිණි.

එවැනි ලිපියක්‌ යුද හමුදාව විසින් ගෙනවිත් උඩුගම්පොලට බාරදුන්නත් ඔහු ඒ ගැන තැකීමක්‌ කළේ නැත.

විශේෂ ජනාධිපති කොමිසම හමුවේ හෙළිවූ තවත් කරුණක්‌ නම් ඇතැම් හමුදා නිලධාරීන් සෘජුව සහ වක්‍රව උඩුගම්පොලගේ මේ වැටලීම දැන සිටි බවයි. ඔවුන් නම් ලුතිනන් කර්නල් පත්මසිරි උඩුගම්පොල (උඩුගම්පොලගේ සොහොයුරු), මේජර් ජනරාල් අයිවන් දසනායක, කර්නල් කේ. එච්. ධර්මරත්න, මේජර් ඒ. සී. සොයිසා, මේජර් ඒ.එස්‌. පොඩිඅප්පුහාමි, මේජර් කේ. යූ. ජයනෙත්ති, මේජර් නජිත් කරුණාරත්න, කෝප්‍රල් ඡේ. එච්. සිල්වා, කෝප්‍රල් එම්. වී. පීරිස්‌.

එදා පැවැති එ.ජා.ප. රජයේ දේශපාලකයන් තිදෙනකු හා රාජ්‍ය නිලධාරීන් දෙදෙනෙක්‌ විසින් දිගුදුර විහිදුම් බළකා කණ්‌ඩායමේ ප්‍රධානී කපිතන් නීලම් ඇතුළු පිරිසට දැඩි බලපෑම් එල්ල කළත් එකී කණ්‌ඩායම ඊට හිස නැමුවේ නැත.

විශේෂ ජනාධිපති කොමිසම සිය වාර්තාවේ මෙලෙස ද දක්‌වා ඇත. 2001 මහා මැතිවරණයට පෙර මෙම රහසිගත නිවසේ ලිපිනය දැනගැනීමට කර්නල් පරාක්‍රම දසනායක උත්සාහ කළ බවට තදබල සාක්‍ෂි ඇත. දසනායක නමැත්තා මෙහිදී කියා සිටියේ තමා මාලඹේ ඉදිකරන නිවස සඳහා සහාය ලබාගැනීමට කපිතන් නීලම්ට ඇමතීමට අවශ්‍ය බවයි.

මිලේනියම් සිටි දිගුදුර විහිදුම් බළකා සිද්ධිය මෙරට යුද හමුදා ඉතිහාසයේ සිදුවූ ද්‍රොහීමය ක්‍රියාදාමයකි.

එහිදී දේශපාලන පොලිස්‌ නිලධාරියකු වූ කුලසිරි උඩුගම්පොල ක්‍රියා කළ ආකාරය මුළු පොලිස්‌ දෙපාර්තමේන්තුවටම සිදුවූ අවමානයකි.

උඩුගම්පොල බේරාගැනීම සඳහා හිටපු නෝවීජියානු ආධාරකාරියක්‌ වූ මාධ්‍යවේදිනියක්‌ ද උඩුගම්පොලගේ ඥතියකු වන අයෙක්‌ ද ගත් උත්සාහය අසාර්ථක විය.


ඇඩ්මින් - Amisha ( cassano di'Adda ) Milano Italy
යහපාලනයේ ඔනැ එපාකම් නිසා අපේ පැරණි ෆෙස්බුක් පිටුව එහි සිටි සාමාජිකයන් 130000 සමග අතුරුදන් වී ඇති අතර මෙන්න අපේ නවතම ෆෙස්බුක් පිටුව like කර නොමැතිනම් like කර සෙට් වන්න සැමට කලින් සත්‍ය දැන ගන්න

මෙම පුවත තවත් කෙනෙක්ට බලන්න Share කරන්න

ශ්‍රී ලංකා ත්‍රිවිධ හමුදාවට එල්ල වී ඇති යුධ අපරාධ චෝදනා හා එල්ටීටීඊ ඩොලර් නිසා කදුළු සලන චැනල් 4 නාලිකාවේ නිරුවත



මෙලොව බිහිවූ කෘරතම ඝාතකයා නන්දිකඩාල් කලපුවෙදී 2009 මැයි මස 19 වන දින ශ්‍රී ලංකා ත්‍රිවිධ හමුදාව අතින් ඝාතනය විය.අප සියලු දෙනාම සිතුවේ දශක 3 පැවති කුරිරු යුද්ධය අවසන් කියාය නමුදු ආපසු හැරී පසුවිපරම් කිරීමට අප සිතන මේ මොහොතේ පවා තිරයෙන් පිටුපස හොර රහසේම කුමන අයුරකින් හෝ ඊලාම් රාජ්‍යක් ලබාගැනීමේ හෝ ලබාදීමේ ඒකපාර්ශ්වික සිතල යුද්ධයක් මිට වසර කිහිපයකට පෙර එල්ටීටීඊ සංවිධානයට සහයව කටයුතුකළ රටවල් වල සහයද ඇතුව එල්ටීටීඊ හිතවාදී දෙමළ ඩයස්පෝරාව ආරම්භ කරන ලදී ඒ මෙරට ජිවත්වන ඩොලර් වලට තම මව උවද පාවාදෙන සම-හරක් නමට සිංහලයන් සහ සමහර මන්ත්‍රී මැති ඇමති වරුන්ගේ මෙන්ම රාජ්‍ය නොවන සංවිධාන වල සහයද ඇතුවය.එල්ටීටීඊ හිතවාදී දමිළ ඩයස්පෝරාව අද කෘර ඝාතන සංවිධානයක මානව හිමිකම් වෙනුවෙන් සුවිස්ටර් ලන්තයේ ජිනීවා නුවර මානව හිමිකම් කාර්‍යාලය වෙත ගොස් ඒ කෘර ඝාතකයා සහ එම සංවිධානයේ මානව හිමිකම් වෙනුවෙන් විශාල බොරු මවාපාමින් ලොව පුරා රාජ්‍ය නොවන(NGO) සංවිධාන රටවල් රාජ්‍ය නායකයින් ගොනාට අන්දමින් එදා යුධමය වශයෙන් දුටු ඊලාම් රාජයේ සිහිනය මා ඉහත සදහන් කල පරිදි ඔවුන්ගේ මේ උත්සාහය කුමන ආකාරයකින් හෝ ඊලාම් රාජ්‍යක් ලබා ගැනීම උදෙසාය.
මෙතෙක් ලොව බිහිවූ කෘරතම ත්‍රස්ථ සංවිධානයකට මානවහිමිකම් තිබේද? මාගේ මතය නැත යන්නයි. ලොව මෙතෙක් බිහිවූ කෘරතම ත්‍රස්ථ සංවිධානය මානව හිමිකම් ගැන කතාකරන්නේ කෙසේද? නමුදු 1998 ජූලි 17 වන දින සම්මත කරගන්නා ලද රෝම ව්‍යවස්ථාව (Rome Statute) කියවා බැලීමේදී එය මනාව පැහැදිළි වේ.(https://www.icc-cpi.int/nr/rdonlyres/add16852-aee9-4757-abe7-9cdc7cf02886/283503/romestatuteng1.pdf) මන්දයත් තිස් වසරක කුරිරු යුද්ධයේදී එල්ටීටීඊ සංවිධානය විසින් සිදුකරන ලද කෘර සමුහ මිනිස් ඝාතන කුඩා ළමුන් පැහැරගැනීම් නිරායුද සිවිල් ජනතාව හමුදා සෙබළුන් ඝාතනය කිරීම් පුජනිය පුරාවිද්‍යාත්මක ස්ථාන වලට එල්ල කරන ලද ප්‍රහාර මෙන්ම මිනිස් බෝම්බ පවා භාවිතා කරන ලද ත්‍රස්‌ත සංවිධානයේ මානව හිමිකම් පිළිබදව ප්‍රථමයෙන් කිබුල් කදුළු හෙලනු ලැබුවේ මෙක්සිකොවයි මා හට හැගියන ආකාරයට 1992දී අධිවේගී මරණයේ මාවත නමැති මාර්ගය (https://en.wikipedia.org/wiki/Highway_of_Death) (https://www.youtube.com/watch?v=4xiasPejyt4) යන විරුධාවලිය ලබාදුන් මෙතෙක් ලෝක ඉතිහාසයේ වැඩිම යුධ අපරාධ ගණනාවකට වගකිව යුතු ලෝක පොලිස් කාරයාගේ බළල් අතයි (ඇමරිකාවේ යුධ අපරාධ පිළිබදව ඉහත සදහන් සබැදිය වෙත පිවිස නරබන්න ඔබට හැකියාව පවතී ) ඇමරිකාව සහ ඔවුන් සිදුකරන ලද යුධ අපරාධ දීර්ඝ ලැයිස්තුවක් උවද ඔබට අන්තර්ජාලයෙන් සොයාගත හැක නමුදු මෙතෙක් ලොව සිදුකරන ලද විශාලතම ප්‍රාණ ඇපකරුවන් මුදාගැනීමේ මෙහෙයුම දියත්කල හමුදාවට මෙලෙස චෝදනා එල්ල කරන්නේ පදනම් විරහිතවය ඒ පිළිබද ඔබට තබන සටහනයි මේ
චැනල් 4 නාලිකාව නොදත් යුද අපරාධ නිර්වචනය
යම්කිසි රටක් තුළ ඇතිවන අභ්‍යන්තර සන්නද්ධ අරගලයකදී/සටනකදී හෝ, රටවල් දෙකක් හෝ ඊට වැඩි ගණනක් අතර සිදුවන සංග්‍රාමයකදී හෝ, ජාත්‍යන්තර මානුෂවාදී නීතියට පටහැනිව, සතුරු පක්ෂයට හෝ සතුරු පක්ෂයට හිතවත්, සන්නද්ධ නොවන පිරිස් වලට එරෙහිව, යම්කිසි හමුදාවක් විසින් කරනු ලබන සෑම ක්‍රියාවක්ම, යුද අපරාධයක් වන්නේය.
මෙම නිර්වචනය සමග මෙතෙක් ලොව බිහිවූ කෘරතම ත්‍රස්ථ සංවිදානය සමග සසදා බැලීමේදී මා හට නැගෙන ප්‍රශ්නයනම් දැඩි ලෙස(100%) රෝම ව්‍යවස්ථාව පමණක් නොව ලොවම පිළිගත් යුධ නීති ප්‍රඥප්ති පවා උල්ලංඝනය කරන ලද කෘර මිනි ඝාතක වේලුපිල්ලේ පිරුබාහරන්ගේ ත්‍රස්ථ සංවිධානයට මොන මානව හිමිකම්ද කියාය මා එසේ සිතුවද අද එය එසේ සිදුවනේ නැත මක්නිසාද යත් එල්ටීටීඊ හිතවාදී දමිළ ඩයස්පෝරාව ලොව සිටින ඊලාම් හිතවාදීන් සමග එක්ව යුද්ධයකින් තොරව ඊලාම් රාජ්‍යයේ සිහිනය සබැ කරගන්නට මෙරට මෙන්ම ලොව පුරා මේ මොහොතේත් ඔවුන් ක්‍රියාත්මක නිසාය.මගේ මතකයට අනූව මෙතෙක් ලොව බිහිවූ ප්‍රභලම ඩයස්පෝරාව අයර්ලන්තයෙන් බිහිවී අයර්ලන්තය උතුරු හා නැගෙනහිර වශයෙන් බෙදී වෙන් කිරීමට ප්‍රභල වශයෙන් ක්‍රියාකළ අතර එය මෙලොව බිහිවූ ප්‍රභලතම ඩයස්පෝරාව යනුවෙන් නම් දරා සිටියද එය එසේ නොවේ මෙතෙක් බිහිවූ ප්‍රභලතම ඩයස්පෝරාව එල්ටීටීඊ හිතවාදී දමිළ ඩයස්පෝරාව බවට අපට අකමැත්තෙන් උවද පිළිගැනීමට සිදුවේ.
ප්‍රභල වශයෙන් ඔවුන් අපට එල්ල කරන චෝදනාව මානුෂිය මෙහෙයුම අවසන් මාස 4 තුල අප නිරායුධ සිවිල් ජනතාව සහ කුඩා ළමුන් ඝාතනය කල බවත් රතුකුරුස සංවිධානය ප්‍රකාශයට පත්කළ යුධ මුක්ත කලාපයට බර අවි ප්‍රහාර එල්ල කල පාසල් රෝහල් වලට ගුවන් ප්‍රහාර සහ කාලතුවක්කු මෝටාර් මල්ටිබැරල් ප්‍රහාර එල්ල කල බවත් රසායනික අවි ප්‍රහාර එල්ල කල බවත් අවි බිම තබා යටත් වූ එල්ටීටීඊ සාමාජිකයින් සමුලඝාතනය කළබවත් ප්‍රධාන වශයෙන් ඔවුන් අපට එල්ලකරන චෝදනාවනය. අපි මදකට නැවතී විමසා බලමු යුධ අපරාධ (ප්‍රධාන වශයෙන්) යනු මොනවද කියා
1.ජල මූලාශ්‍ර වලට වස විස මුසු කිරීම සහ ජල මුලාශ්‍ර අවහිර කිරීම
2.තහනම් අවි ආයුධ පාවිච්චි කිරීම, බැරල් බෝම්බ, ඩම් ඩම් බුලට්, වැනිදේ පාවිච්චි කිරීම, රසායනික අවි පාවිච්චි කිරීම.
(https://en.wikipedia.org/wiki/Expanding_bullet . https://en.wikipedia.org/wiki/Barrel_bomb , https://en.wikipedia.org/wiki/Chemical_warfare)
3.සතුරු පක්ෂයේ යුද සිරකරුවන්ට (ප්‍රශ්න කිරීම වැනි කටයුතු වලදී) අමානුෂික වදදීම, සාධාරණ නඩු විභාගයකින් තොරව දඬුවම් දීම.
4.ඔවුන්ව මියයාමට ඉඩහැර නොසළකා සිටීම.
5.මරණය සිදුවියහැකි අන්තරායදායක ක්‍රියාවල යෙදවීම.
6.අත්අඩංගුවට ගත්පසු ඝාතනය කිරීම .
ප්‍රධාන වශයෙන් සලකා බැලීමේදී චැනල්4 නාලිකාව විසින් රටක රාජ්‍ය හමුදාවකට එරෙහිව යොදාගත් වැඩිම ගුවන් කාලය අප ත්‍රිවිධ හමුදාව වෙනුවෙන් වෙන් කරන ලදී නමුදු පහත මා සදහන් කරන කාරනා චැනල්4 නාලිකාව විසින් සකසන ලද ව්‍යාජ (ඔප්පු කිරීමට සාධක අප සතුව අඑත ඒවා නියම ආකාරයෙන් ගොනුකොට වාර්තාවක් සකසා අවශ්‍ය පුද්ගලයන් අතට පත්කර නිසි ක්‍රියාමාර්ග ගැනීමට කටයුතු සිදු කරමින් පවතින නිසා ඒවා ප්‍රසිද්ධ කිරීමට නොහැකිය) කෙටි චිත්‍රපට වලට නොපෙනු මේ කරුණුද යුධ අපරාධ ගණයට වැටෙන බව ඔවුන්ට අමතකවිය ඒවා නම්
සාධාරණ හේතුවකින් තොරව, මරාදැමීම, හිරිහැර කිරීම හෝ නොසළකා හැරීම, සිය ගම්බිම් හෝ අනුන්ට බලපෑමක් නොවන පරිදි දැනට රැඳී සිටින ප්‍රදේශ වලින්, වහල් සේවයේ හෝ කම්කරු සේවයේ යෙදීමට සිදුවන, නැතහොත් බලහත්කාරයෙන් යොදවන, සරණාගත කඳවුරු වෙත පිටුවහල් කිරීම.
1.යුද සිරකරුවන් සේ සළකා අත්අඩංගුවට ගන්නා සාමාන්‍ය ජනතාවට හිරිහැර කිරීම, අකාරුණික ලෙස සැළකීම, මරාදැමීම.
2.සතුරු පක්ෂයට එහිව කෙරෙන සංග්‍රාමික කටයුතු සඳහා බලහත්කාරයෙන් යොදවාගැනීම.
3.සාමාන්‍ය ජනතාව, ප්‍රාණ ඇපකරුවන් ලෙස අත්අඩංගුවට ගැනීම සහ ඔවුන් මරාදැමීම.
4.යුද අපරාධ වලට සම්බන්ධයැයි සැළකෙන, සන්නද්ධ සාමාජිකයන්ගේ කලත්‍රයා හෝ, පවුලේ සාමාජිකයන්, ළඟම ඥාතීන්, සාධාරණ නඩුවිභාගයකට ලක්කිරීමෙන් තොරව, සිර දඬුවම්/මරණ දඬුවමට යටත් කිරීම.
5.සංග්‍රාමික ඉලක්ක වශයෙන්, කිසිදු වැදගත්කමක් හෝ අවශ්‍යතාවක් හෝ නැති, නගර, ගම්මාන, ආගමික සිද්ධස්ථාන, පුරා විද්‍යාත්මක වටිනාකමක් ඇති ස්ථාන, ආදිය වෙත ප්‍රහාර එල්ල කොට වනසා දැමීම.
6.ස්ත්‍රී දුෂණය, ළමා අපචාර, ලිංගික වහල් සේවයේ යොදවා ගැනීම, බලහත්කාරයෙන් ගැබ් ගැන්වීම.
7.සාමාන්‍ය ජනතාව සිටින බව දැන දැනත්, ඔවුන්ට අනතුරු/ජීවිත හානි ඇතිවියහැකි ආකාරයට, යුද ප්‍රහාර එල්ල කිරීම. රසායනික අවි ප්‍රහාර එල්ල කිරීම.
8.සතුරු පක්ෂයෙන් ගැලවී සිටීම/සතුරා රැවටීම සඳහා, රැවටීමෙන් හෝ බලහත්කාරයෙන් හෝ සාමාන්‍ය ජනතාව පළිහක් ලෙස පාවිච්චි කිරීම.
9.සාමාන්‍ය ජනතාවගේ මූලික අයිතිවාසිකමක් වන, ආහාර/ජලය ලබාගැනීම වැලැක්වීම හෝ කඩාකප්පල් කිරීම.
මෙම කරුණු 9ටම අදාළව එල්ටීටීඊය විසින් සිදුකරන ලද යුද අපරාධ ගණන 100 ඉක්මවයි.මධ්‍යවීදියෙක් යැයි කියාගන්නා 1818 මහා නිදහස් අරගලයද පාවාදුන් පරපුරෙන් පැවතගෙන එන පුද්ගලයෙක් සදහන් කරන්නේ අප ත්‍රිවිධ හමුදාව රසායනික අවි භාවිතා කල බවයි එනමුත් මා හට නැගෙන ප්‍රශ්නයනම් මුලතිවු මහා වන මැද එල්ටීටීඊ ත්‍රස්ත සංවිධානය විසින් පවත්වාගෙන යන ලද ත්‍රස්ථ කදවුරක රසායනික අවි නිපදුවේ කුමක් අරබයාද කියාය. එමෙන්ම විශ්වාස දායක ආරංචි මාර්ග පවසන පරිදි එදා කිලිනොච්චිය අප ත්‍රිවිධ හමුදා ප්‍රථම වරට අල්ලාගත් දවසේ මුළු ශක්තියම යොදා කිහිප වරක්ම උත්සහ කල ත්‍රස්‌ථවාදීන්ට කිලිනොච්චිය අල්ලාගත නොහැකි විය අවසානයේ ඔවුන් රසායිනික ගෑස් ප්‍රහාරයක් එල්ලකලද (මෙය මාධයෙන් වසන් කරන ලද පුවතක් උවද එදා වන්නිමෙහෙයුමේ නිරතවු සියලු දෙනා දත් රහසක් විය) ඒ අධික වැසි සහිත නිසා ප්‍රහාරය සාර්ථක නොවුනි.ජාත්‍යන්තරයෙන් පවා මේ කරුණු එදා වසන් කෙරුවාද?නැතිනම් වසන් උවාද? යන ගැටළුව තවමත් මා තුල මෙන්ම මෙය කියවන ඔබතුලත් හටගන්නවාට කිසිදු සැකයක් නැත.මේ යුධ අපරාධ නඩු කතාන්දරය 14 වන සියවස තරම ඈතට දිවයයි ඒ බව ම ඉතිහාසය පිරික්සීමේදී මානාව පැහැදිලි වෙයි තවද 16 වැනි ශතවර්ෂයේ සිට 18 වැනි ශතවර්ෂය දක්වා වූ කාලය තුළ මහා බ්‍රිතාන්‍යය සහ ඇමරිකා එක්සත් ජනපදය පවා යුද අපරාධ වලට එරෙහිව අධිකරණ ක්‍රියාමාර්ග ගෙන තිබෙන බවට ඉතිහාසයේ සදහන් වේ.
ජනිත් ඉෂාර විසින්

ඇඩ්මින් - Amisha ( cassano di'Adda ) Milano Italy
යහපාලනයේ ඔනැ එපාකම් නිසා අපේ පැරණි ෆෙස්බුක් පිටුව එහි සිටි සාමාජිකයන් 130000 සමග අතුරුදන් වී ඇති අතර මෙන්න අපේ නවතම ෆෙස්බුක් පිටුව like කර නොමැතිනම් like කර සෙට් වන්න සැමට කලින් සත්‍ය දැන ගන්න

මෙම පුවත තවත් කෙනෙක්ට බලන්න Share කරන්න
පුස්‌ කන හමුදා අරමුදල් සහ විඳවන රණවිරුවෝ



දැනට සක්‍රීය සේවයේ යෙදී සිටින යුද හමුදා රණවිරුවන් පිරිසක්‌ ඊයේ (07 දා) අප වෙත එක්‌තරා කාලෝචිත මාතෘකාවකට අදාළ ලිපියක්‌ යොමු කර තිබිණි. ඔවුන්ගේ ලිපියෙන් කියෑවෙන්නේ යුද හමුදාවේ සියයට 90 ක පමණ සෙබළුන් අකමැත්ත පළ කළද එය නොතකා ඔවුන්ගේ පඩිපතෙන් වාර්ෂිකව රුපියල් 6000 ක පමණ මුදලක්‌ කපා ගන්නා යුද හමුදා “සුව සහන” අරමුදල පිළිබඳවය.
මේ කතාව කාලෝචිත යෑයි අප කියන්නේ කුමක්‌ නිසාද යන්න දැන් යුද හමුදාවේ ඇතැම් ලොකු මහත්වරුන්ට ගැටලුවක්‌ වීමටද පුළුවන. ඒ ගැටලුවට පිළිතුර අපි පසුව ලබා දෙන්නෙමු. ඊට පෙර අපට ලිපිය යොමු කළ සක්‍රීය සේවයේ සිටින රණවිරුවන් කියන කතාවට මුල් තැනක්‌ දිය යුතුය.
ඔවුන් කියන පරිදි කාලයක සිට යුද හමුදාව මගින් ඔවුන්ගේ වැටුපෙන් මෙකී අරමුදලට මුදල් කපා ගන්නේය. එහෙත් ඒ කපා ගන්නා මුදල අදාළ රණවිරුවන් යුද හමුදා සේවයෙන් විශ්‍රාම ගන්නා විට ඔවුන්ට ලැබෙන්නේ නැත. එය ලබා ගැනීමට නම් වයස අවුරුදු 70 වනතුරු බලා සිටිය යුතුය.
එය නම් පුදුම කතාවකි. යුද හමුදා බලධරයනි, අප මෙසේ කල්පනා කරමු. යම් සෙබළෙකු යුද හමුදාවට එක්‌වීමෙන් පසුව ඔහුගේ වැටුපෙන් වාර්ෂිකව රුපියල් 6000 බැගින් වසර 12 ක්‌ කපා ගත් විට එකතුව රුපියල් 72000 කි (හැත්තෑදෙදෙහසකි).

සෙබළාගේ සේවය වසර 22 ක්‌ දක්‌වා වුවහොත් එකී එකතුව වන්නේ රුපියල් 132000 කි. එහෙත් වයස අවුරුදු විස්‌සේදී යුද හමුදාවට එක්‌ වන සෙබළෙකු වසර 22 ක්‌ හමුදා සේවයේ යෙදී රුපියල් 132000 ක මුදලක්‌ සුවසහන අරමුදලේ එකතු කොට වයස අවුරුදු 42 දී විශ්‍රාම ගොස්‌ ඒ මුදල ගැනීමට වයස අවුරුදු 70 වනතුරු තවත් වසර 28 ක්‌ බලා සිටිය යුතුය යන්න අපූරු විහිළුවක්‌ නොවන්නේද?
අපට ලිපිය යොමු කළ සෙබළුන් පෙන්වා දෙන පරිදි වර්තමානයේ සාමාන්‍යයෙන් මිනිසකුගේ ආයු කාලය වයස අවුරුදු 60 – 65 අතර පවතින්නකි. එය අද සාමාන්‍යයෙන් ලෝකයාද පිළිගෙන තිබෙන්නකි.
සාමාන්‍යයෙන් යුද හමුදා සේවයේ යෙදෙන සෙබළෙකු එකී කාලසීමාවෙන් එපිටට ගොස්‌ සෙන්චරිය හෙවත් වයස අවුරුදු සීයේ කඩඉම කෙසේ වෙතත් අඩුම තරමේ වයස අවුරුදු අසූවක්‌ දක්‌වා ජීවත් වීම යනු ද විරල වාසනාවක්‌ වන්නේය.
යුද්ධයකට මුහුණ දුන් හමුදාවක සෙබළුන් අරබයා බැලීමේදී එකී තත්ත්වය තවත් කල්පනා කළ යුතු තැනකට එන්නේය. ඒ හමුවේ සුවසහන අරමුදලට යුද හමුදා සෙබළාගේ වැටුපෙන් කපා ගන්නා මුදල දෙන්නට අවුරුදු හැතෑවක්‌ (70) වනතුරු සිටින්නට යෑයි කීම සැබෑ ලෙසම අසාධාරණයක්‌ බව අපේද හැඟීම වන්නේය. ඔවුන් කියා සිටින්නේ අදාළ මුදල තමන් හමුදා සේවයෙන් විශ්‍රාම ගැනීමේදී හෝ අඩුම තරමේ වයස අවුරුදු 55 පිරීමේදී ලබා දීමට නොහැකිව ඇත්තේ කුමක්‌ නිසාදැයි යන්නය. එයට පිළිතුරු දිය යුත්තේ යුද හමුදාවම ය.
ඔවුන්ගේ කතාව එසේ වෙද්දී අද ආබාධිත රණවිරුවන් තම අයිතිය ඉල්ලා පාරට ඒම හමුවේ අප සිහියට එන තවත් යුද හමුදා අරමුදලක්‌ ද තිබේ. ඒ තිස්‌වසරක යුද සමයේ ශ්‍රී ලංකා යුද හමුදාවට එක්‌ වූ රණවිරුවන් රාජකාරි කළ ඒ ඒ හමුදා ඒකකයන්ට අයත් අරමුදලය.
මෙහිදී මුලින්ම කිවයුතු එක්‌ වැදගත් කාරණයක්‌ ද ඇත. අදටත් යුද හමුදාවෙන් වැටුප් ලබන ආබාධිත රණවිරුවාට දූරදර්ෂී ලෙස කල්පනා කරමින් මේ දක්‌වා එකී ඒකක අරමුදල්හි සාමාජිකත්වය ලබා දී තිබුණේ නම් මේ වන විට රජය අපහසුතාවට පත්ව තිබෙන ආකාරයේ ගැටලු නිර්මාණය වීමට ඉඩ නොතිබූ බවය.
යුද හමුදාවේ සියලුම ඒකකයන්ට අදාළව මහා පරිමාණයෙන් ගිනුම්ගත මුදල් සහිත ඒකක අරමුදල් ඇත. එම ඒකකවල සිටියදී රණවිරුවන්ගේ සුබ සාධනය වෙනුවෙන් සහන පොලියට ණය ලබා දීම ඇතුළු බොහෝ කටයුතු සඳහා එකී මුදල් යෙදවෙන්නේය. රණවිරුවන් ඒකකයේ සිය හමුදාවෙන් විශ්‍රාම යන දිනයේ ඒකක අරමුදල සඳහා ඔවුන්ගේ වැටුපෙන් කපා ගත් මුදල් ලබා දීම සිදු වන්නේය.
එසේ මෙකී ඒකක අරමුදල් තර වන තවත් ව්‍යාපෘති රැසක්‌ම ඒ ඒ හමුදා ඒකක මගින් ක්‍රියාත්මක කරන්නේය. එය අදටත් සිදු වන්නකි. ගොවිපළවල්, බ්ලොක්‌ ගල් නිෂ්පාදනය කිරීම්, ආපනා ශාලා, ලොතරැයි, තේ වතු, ගව සහ කුකුළ් පාලනය, විනෝද කානිවල් ආදී ලෙසින් මෙසේ ඒකක අරමුදල් නිරතුරුවම තරවෙන හමුදා ව්‍යාපෘති ලෙස පෙන්වා දිය හැකිය.
පසුගිය යුද සමයේදී සතුරා සමඟ සටන් වැදී ආබාධිත වූ රණවිරුවන් පසුව ක්‍රියාන්විත සේවයෙන් ඉවත්ව මෙකී ඒකක අරමුදල්වලට මුදල් ගලා එන නොයෙකුත් ව්‍යාපෘතිවල කටයුතු කළේය. පැහැදිලිවම කිවහොත් ඒකක අරමුදල් ශක්‌තිමත් කිරීම සඳහා විවිධ ව්‍යාපෘතිවල සක්‍රීය කොටස්‌කරුවන් සේ ආබාධිත රණවිරුවන් විශාල දායකත්වයක්‌ ලබා දුන්නේය.
යුද හමුදාවේ සියලු ප්‍රධානීන් මෙය දැන සිටින්නකි. එසේ නම් ආබාධිත රණවිරුවා යුද හමුදා සේවයෙන් විශ්‍රාම ගත්තද ඔහුව ඉදිරියටත් ඒකක අරමුදල්හි සාමාජිකත්වය යටතේ තබාගෙන ඔවුන්ගේ සුබසාධනය වෙනුවෙන් ක්‍රියාත්මක වීමට ඒ ඒ හමුදා ඒකකයන්ට නොහැකි වූයේ කුමක්‌ නිසාද?
එසේ සිදු කෙරුණේ නම් අද පවතින ගැටලු මතු නොවන්නට බොහෝ ඉඩ තිබිණි. එහෙත් සිදුව ඇත්තේ සිදු විය යුතු දේ නොවන්නේය. ආබාධිත රණවිරුවා හමුදා සේවයෙන් විශ්‍රාම ගැන්වෙද්දී ඔහුට වයස අවුරුදු 55 සම්පූර්ණ වනතුරු වැටුප් ගෙවීම ඉදිරියටත් සිදු වුවද ඔවුන් සතු ඒකක අරමුදල්හි මුදල් ලබා දී සාමාජිකත්වයෙන් ඉවත් කිරීමට කටයුතු කෙරිණ.
ආබාධිත රණවිරුවාගේ සුබසාධනය වෙනුවෙන් කටයුතු කිරීමට හොඳටම අවස්‌ථාව තිබියදී සහ ඒකක අරමුදල්හි කෝටි ගණනින් මුදල් තැන්පත්ව තිබියදීත් ආබාධිත රණවිරුවාට අත්වූ ඉරණම එය විය. කලාතුරකින් ආබාධිත රණවිරුවකුට ඒකක අරමුදලකින් යමක්‌ සිදු වුවද අද දවසේ යුද හමුදා ඒකක අරමුදල්හි ඇති අති විශාල මුදල් කන්දරාවන් පුස්‌කමින් බැංකු ගතව නොතිබෙන්නේද?
අද දවසේ නාවික හමුදාවේ සහ ගුවන් හමුදාවේ එසේ සිදු නොවන්නේය. ඔවුන් නිවැරදි ක්‍රියාදාමය සිදුකරමින් ඇත. එසේ නම් ඒ අන්දමට නිවැරදි වන්නට යුද හමුදාවට නොහැකි වූයේ කාගේ වරදින්ද? යුද හමුදාවේ පිරිස්‌ බලය වැඩි නිසා එසේ කළ නොහැකියෑයි ලෙසින් දැන් ඇතැම් නිලධාරියකු කෙස්‌ පැලෙන කතාවක්‌ කියන්නට බැරි නැත.
එහෙත් වර්තමානය වන විට යුද හමුදාවේ ඇති ඒකක ගණන 24 කි. යුද්ධය නිසා ආබාධිත සහ පූර්ණ ආබාධිත වශයෙන් සියලුම ආබාධිත සෙබළුන් ගත්තද ක්‍ෂය වී යන තත්ත්වයක්‌ තුළ රට තුළ ජීවත් වන්නේ 60000 ක්‌ පමණ පිරිසකි.
එම තත්වය හමුවේ මේ දක්‌වා එකී ආබාධිත සියලු රණවිරුවන් ඔවුන් සේවය කළ යුද හමුදා ඒකකය යටතේ ඇති අරමුදලේ සාමාජිකත්වය දරමින් එහි සුබසාධනයට යටත්ව සිටියේ නම් එක්‌ ඒකකයකට බර පැටවෙන්නේ රණවිරුවන් 2400 කගේ පමණි. නැවතත් මතක්‌ කර දුනහොත් එසේ වන්නේද ඔවුන් ආබාධිත රණවිරුවන් වන බැවින් දිනෙන් දින ක්‍ෂය වීමේ තත්ත්වයක්‌ තුළ වේ. (ඔවුනට අපෙත් ආයුෂ ලැබ චිරජීවනයක්‌ උරුම වේවායි යන්න අපේ එකම පැතුම බව මෙහිදී විශේෂයෙන් සඳහන් කළ යුතුය. මේ කතා කරන්නේ යථාර්ථය ය.)
ඇත්ත එය නම් එල්ටීටීඊය පරදා රටට සාමය දිනා දුන් සටනේදී ශ්‍රී ලංකා යුද හමුදාව ලෙස විශාල බරකට උර දුන් යුද හමුදාවේ එක්‌ ඒකකයකට ආබාධිත රණවිරුවන් 2400 කගේ බර දරන්නට තරම් වීර්යයක්‌ නොතිබුණේ මොන අවාසනාවක්‌ හමුවේද?
රට වෙනුවෙන් සටනට ගොස්‌ අප වෙනුවෙන් අත්, පා, ඇස්‌ ඇතුළු සිරුරේ කොටස්‌ අහිමි කර ගනිමින් අද ආබාධිතව සිටින රණවිරුවාට අප යමක්‌ කරන්නේ නම් එය සිදු කළ යුත්තේ ඔවුන්ට දැනෙන ලෙසය. එසේ කිරීමේදී රාජ්‍ය සේවයේ යම් චක්‍රලේඛයක්‌ හෝ පනතක්‌ වේවා වෙනස්‌ කිරීමට ලක්‌ කළ යුතුව තිබේ නම් රණවිරුවා යන විශේෂණය යටතේ එය සිදු කළ යුතුමය.
එහිදී “අනේ රණවිරුවන්ට දෙනවා නම් අපිත් රජයේ සේවකයෝ අපිටත් දීපියව්” කියමින් කිසිදු රාජ්‍ය සේවකයකු පාරට නොඑනු ඇත. මන්ද අප සහ රට වෙනුවෙන් රණවිරුවන් කළ කැප කිරීම් එදා මර බියේ ජීවත් වූ මේ රටේ මිනිස්‌සු හොඳින්ම දන්නාහ.
ප්‍රභාකරන්ගේ බෝම්බයට බයේ බස්‌ රියේ ගිය, පාසල් මුර කළ, දුම්රියේ ගිය, රටේ උතුර මොන වගේදැයි නොදැන සිටි සහ උදේ කොළඹට ගිය සැමියා, දුවා දරුවන්, දෙමාපියන් යළි හවසට නිවසට එන තුරු අවිනිශ්චිතව සිටි මේ රටේ ජනතාව රණවිරුවන්ගේ යහපත වෙනුවෙන් ආණ්‌ඩුව යම් තීරණයක්‌ ගතහොත් කිසි විටෙකත් එයට විරුද්ධ නොවන්නේමය. කාලකණ්‌ණියකුට හැර එසේ කරන්නට සිහි බුද්ධිය ඇති කිසිවකුටත් නොහැකිය.
එසේ නම් ආරක්‍ෂක අමාත්‍යංශයේ සහ යුද හමුදාවේ සිටින රණවිරුවන් වෙනුවෙන් පෙනී සිටිය යුතු බලධරයනි, හැන්ද අතේ තිබියදීත් ආබාධිත රණවිරුවන්ගේ සහ මියගිය රණවිරුවන්ගේ දරු පවුල් වෙනුවෙන් චක්‍රලේඛ මානසිකත්වයෙන් මිදී සහ ඒ ඒ හමුදා මට්‌ටමින් කළ යුතු දේ සිදු කිරීමට නොහැකිව ඇත්තේ මොන කරුමයක්‌ නිසාද?
සමන් ගමගේ




ඇඩ්මින් - Amisha ( cassano di'Adda ) Milano Italy
යහපාලනයේ ඔනැ එපාකම් නිසා අපේ පැරණි ෆෙස්බුක් පිටුව එහි සිටි සාමාජිකයන් 130000 සමග අතුරුදන් වී ඇති අතර මෙන්න අපේ නවතම ෆෙස්බුක් පිටුව like කර නොමැතිනම් like කර සෙට් වන්න සැමට කලින් සත්‍ය දැන ගන්න

මෙම පුවත තවත් කෙනෙක්ට බලන්න Share කරන්න
වලක්වාගත හැකිව තිබූ මීතොටමුල්ලේ ඛේදවාචකය

රටේ ඕනෑම නගරයක කුණු එකතුකිරීමේ වගකීම ඇත්තේ නගර සභාවටයි. ලංකාවේ විශාලතම නගරය වන කොළඹ නගරයේද ඒ එසේමය. කොළඹ නගර සභාවට ඉතා දීර්ඝ ඉතිහාසයක් ඇති අතර 1956 වී ඒ සුගතදාස මහතා එක්සත් ජාතික පක්ශයෙන් තරඟ කොට ජයග්‍රහණය කොට නගරාධිපති ලෙස පත්වූදා සිට අදවන තුරුම කොළඹ නගර සභාව පාලනය කොට ඇත්තේ එක්සත් ජාතික පක්ෂය විසිනි. 2006 නගර සභා චන්දයේදී එක්සත් ජාතික පක්ෂ අපෙක්ෂක ලැයිස්තුව ප්‍රතික්ශේප වූ විටද බලය හිමිවුයේ එකසත් ජාතික පක්ෂයේ සහය ලද ස්වාධීන කන්ඩායමකටය.

මේ අනුව අද වනතුරුත් කුණු ප්‍රශ්නයට නිසි පිලිතුරක් නැත්තේ මන්දැයි යමෙක් පලමුවෙන්ම ප්‍රශ්ණ කලයුත්තේ කොළඹ නගර සභාව එදා මෙදාතුර පාලනය කොට ඇති එක්සත් ජාතික පක්ෂයෙනි.

ඒ කෙසේ වෙතත් 2009 වසරෙන් පසු කොළඹ කුණු ප්‍රශ්ණය විස්දන්නට ඍජුවම මැදිහත් වූ අයෙකු ගැන අපි සියලු දෙනාම දනිමු. ඒ 2010 වසරේ නාගරික සංවර්ධන අධිකාරියේ ලේකම් වරයා වශයෙන්ද අමතර රාජකාරියක් බාරගත් හිටපු ආරක්ෂක ලේකම් ගෝඨාභය රාජපක්ෂ මහතායි. කුණු ප්‍රශ්ණය නගර සභාව විසඳන තුරු බලා නොසිටි ගෝඨාභය තමුන්ම ඒ ගැන සොයාබලා නිසි තීරණ ගෙන කොළඹ කුණු එකතුකිරීමේ ක්‍රියාවලිය කාර්යක්ෂම කලේය. අපිරිසිදු නගරයක්ව තිබූ අගනුවර වසර කිහිපයක් තුල ආසියාවේ පිරිසිදුම නගරයක් බවට පත් කිරීමට ඔහුට හැකි වූයේ අනුන්ගේ වගකීම්ද කරට ගෙන රටට අවශ්‍ය දේ හරියට කරන පුරුද්ද නිසාය.

කුණු එකතුකිරීමේ තිබුනු ගැටලුව විසඳූ පසු ගෝඨාභයගේ අවධානය යොමුවූයේ කුණු බැහැර කිරීමේදී ඇතිව තිබුන ප්‍රශ්ණ විසඳන්නටය.

ඉතිහාසය පුරා කොළඹ නගර සභාව පුරුදුව සිටියේ එකතු කරගන්නා කුණු කොහේ හෝ තෝරාගත් පිටියක ගොඩගසන්නටය. එක තැනක ඉඩ මදිවූ විට කුණු පිටිය ලෙස වෙනත් තැනක් තෝරාගැනුනි. අද අපට බ්ලූමැන්ඩල් හා සේදවත්තේ දකින්නට ලැබෙන්නේ කලකට පෙර නගර සභාව ගොඩ ගැසූ කුණු කන්දවල්ය. දැනට වසර ගනනාවක සිට ප්‍රධාන වශයෙන්ම කුණු ගෙන යනු ලබන්නේ මීතොටමුල්ලටය. මේ වන විට මීතොටමුල්ලේ ගොඩ ගැසී ඇති කුණු ප්‍රමාණය ටොන් මිලියන ගනනක් වන අතර කුණුකන්ද පසුගිය දිනවල මීටර් 200කටත් වඩා ඉහලට ගොඩ ගැසී තිබුනි. අලුත් අවුරුදුදා අහිංසක මිනිසුන් පිරිසකගේ හිස මතට කඩාවැටුනේ එසේ ගොඩ ගැසී ඇති කුණු වලින් කොටසකි. මෙවන් හදිසි අනතුරක් සිදු නොවූනත් කුණු කන්දෙන් නිකුත්වන අපිරිසුදු වායු හා පොලව යට ජලය අපිරිසිදු වීම නිසා පලාතේ ජනතවගෙන් 90% කටවත් විවිධ ලෙඩ රෝග සෑදෙන බව රාජ්‍ය නොවෙන සංවිධාන මගින් කල පරීක්ෂණ වලින් දැනටමත් සොයාගෙන ඇත.

ගෝඨාභය රාජපක්ෂ මහතාගේ ඉල්ලීම මත 2013-2014 කාලයේ කොළඹ හා තදාසන්න නගරවල කුණු බැහැර කිරීමේ ප්‍රශ්ණයට පිලිතුරක් සෙවීමට ලෝක බැංකුව නාගරික සංවර්ධන අමාත්‍යාංශය සමඟ එක්වී අධ්‍යයනයක නිරත විය. ලෝකයේ අනෙක් රටවල මේ ප්‍රශ්ණයට සොයාගෙන ඇති විවිධ විසඳුම් මෙහිදී සාකච්ඡාවට බඳුන් විය.

එම අධ්‍යයනයේ ප්‍රථිපලය වූයේ සමාන්‍යයෙන් යෝජනා කරණු ලබන කුණු දහනය කිරීම, කුණු වලින් පොහොර හෝ විදුලිය නිපදවීම වැනි කිසිදු ක්‍රමයකින් මෙම ගැටලුවට නිසි පිලිතුරක් නොලැබෙන බවයි. අවසාන විසඳුම ලෙස යෝජනාවූයේ ආසියාවේ බොහෝ දියුණු රටවල් විසින් භාවිත කරනු ලබන කුනු සනීපරක්ෂක ප්‍රමිතීන්ට යටත්ව බැහැර කිරීමේ ක්‍රමවේදයයි. මෙහිදී සිදුවන්නේ යමි පිටියක කුණු විවෘත්ව ගොඩගසනවා වෙනුවට ඒ වෙනුවෙන්ම සැකසූ ස්ථානයක විද්‍යාත්මක ක්‍රමයකට අසුරාලීමයි. මේ තුලින් විශවායු හා අපිරිසුදු ජලය පරිසරයට එක්වීම වලක්වා ගත හැකිය. දකුණු කොරියාව මෙම ක්‍රමය ඉතා සාර්ථකව ක්‍රියාත්මක කරන රටකි.

මීලඟ අභියෝහය වූයේ සනීපාරක්ෂක ප්‍රමිතීන්ට යටත්ව කුණු බැහැර කිරීම සඳහා සුදුසු ස්ථානයක් තෝරා ගැනීමයි. ඒ අනුව පුත්තලමේ කුරුක්කාල් ප්‍රදේශයේ කලකට පෙර සිමෙන්ති නිශ්පාදනයට ලයිම් ගල් ගැනීම සඳහා හාරා තිබුන විශාල වලවල් සහිත හෙක්ටයාර් 30ක පමණ විශාල භූමි භාගයක් මේ කටයුත්තට සුදුසු බව නිර්දේශ විය. මෙම ව්‍යාපෘතියෙන් පරිසරයට වන බලපෑම පිළිබඳ කල ශක්‍යතා අධ්‍යයනයකින් පසු මේ පිළිබඳ යෝජනාවක් රජයට ඉදිරිපත් කරණ ලදී.

එම යෝජනාවේ අන්තර්ගතය සරලව මෙසේය.

සනීපාරක්ෂක ක්‍රමවේදයකට අනුව කුණු බැහැර කිරීම සඳහා පුත්තල කුරුක්කාල් ප්‍රදේශයේ හඳුනාගෙන ඇත් හෙක්ටයාර් 30ක භූමිය දැනට කොළබ විවිද තැන්වල ගොඩගැසී ඇති ටොන් මිලියන ගනනාවක්වූ කුණු සියල්ලත් අනාගතයේ වසර පනහක පමන කාලයක් පුරා එකතුවන කුණු බැහැර කිරීමටත් ප්‍රමාණවත්ය. මේ ස්ථානය පිහිටා ඇත්තේ කොළඹින් කිලෝමීටර 170ක් පමන දුරින් නිසා කුණු ප්‍රවාහණය කරනු ලබන්නේ දුම් රියෙනි. මේ සඳහා විශේශයෙන්ම ගෙන්වූ අඩි 20 කන්ටේනර් වල අසුරන ලද කුණු මීතොටමුල්ලේ සිට කුරුක්කාල් දක්වා දුම් රියෙන් ප්‍රවාහනය කරන්යු ලබන අතර මීතොටමුල්ල භාවිත කරනු ලබන්නේ මෙම ක්‍රියාවලියේදී දිනක හෝ දෙකක කුණු පමනක් එකතුවන අතරමැදි ස්ථානයක් ලෙස පමනි. මීතොටමුල්ලේ දැනට ගොඩ ගැසී ඇති ටොන් මිලියන ගනනාවක කුණු වලින් නිදහස් වීමට මේ අනුව ප්‍රදේශවාසීනට හැකි වෙයි.

ලෝක බැංකුවේ සහාය ඇතුව මීතොටමුල්ල හා කුරුක්කාල් ප්‍රදේශ වල ජනතා නියෝජිතයයින් දකුණු කොරියාවට කැඳවාගෙන ගොස් සනීපාරක්ෂක ක්‍රමවේදයන්ට අනුව කුණු බැහර කරනා ආකාරය පෙන්වීමට නාගරික සංවර්ධන අධිකාරිය ක්‍රියාකලේය. තාවකාලිකව කුණු එකතු කොට අසුරා පිටතට ප්‍රවාහනය කරන ස්ථානය තිබෙන්නේ සියොල් නගර මධ්‍යයේ බවත් විද්‍යාත්මකව සියල්ල සිදුවන නිසා ඉන් ප්‍රදේශවාසීනට හෝ පරිසරයට වන හානිය අවම බවත් ඔවුන්ට පෙන්වා දෙන ලදී. මුලින්ම කල මේ කරුණු පැහැදිලිකිරීම නිසා යෝජිත ව්‍යාපෘතිය සඳහා ප්‍රදේශවාසීන්ගෙන් විරොදතාවක් ඉදිරිපත් වූයේ නැත.

ව්‍යාපෘතිය ක්‍රියාත්මක කිරීම සඳහා අලුතින් කොටස් කිහිපයක් දුම් රිය මාර්ග පද්ධතියට එක්කිරීමට අවශ්‍ය වූ අතර ශ්‍රී ලංකා දුම් රිය දෙපාර්තුමේන්තුව වහාම ඒ සඳහා අවශ්‍ය සැලසුම සකස් කොට අවසන් කරන ලදී.

ව්‍යාපෘතිය සඳහා ඇස්තමේන්තුගත මුලු වියදම වශයෙන් අමෙරිකානු ඩොලර් මිලියන 107ක් හෙවත් රුපියල් බිලියන් 14 ක් 2014 අගෝස්තු 14දා එවකට තිබූ කැබිනට් මන්ඩලය විසින් අනුමත කරන ලදී. ඒ අනුව 2015 වසර සඳහා අදාල වියදම 2014 නොවැම්බර් මස පසුගිය රජය මගින් අනුමත කල අයවැයෙහි අන්තර්ගතව තිබුනි.

යුද්ධයෙන් පසු වසර 4 1/2 ක් තුල මේ රටේ සිදුවූ යෝධ සංවර්ධන ව්‍යාපෘතීන හා සසඳන විට කුණු බැහැර කිරීම සඳහා වූ මේ ව්‍යාපෘතිය වසරක් හෝ දෙකක් තුල අනිවාර්යෙන්ම නිම කිරීමට පසුගිය රජය හැකියාව තිබුන බව ඕනෑම අයෙකුට වටහා ගත හැක.

පසුගිය රජයට අවශ්‍ය වූ අකාරයට මෙම ව්‍යාපෘතිය ක්‍රියාත්මක වූවානම් විසදෙන්නේ මීතොටමුල්ලේ කුණු ප්‍රශ්ණය පමනක් නොවේ. එය සැලසුම් කර තුබුනේ කොළඹ මෙන්ම තදාසන්නන ප්‍රදේශ රාශියක් ඉලක්ක කරගෙනය.

සියලු සැලසුම නිමකොට තිබුනද ව්‍යාපෘතිය ආරම්ඹ කිරීමට පෙර 2015 ජනවාරි මාසයේ රජය වෙනස් විය. එතැන් සිට පසුගිය වසර දෙක පුරා අපට අසන්නට ලබෙන්නේ විවිධ බලධාරීන්ගේ කයිවාරුව පමනි. ව්‍යාපෘතිය පටන් ගත් තැනමය.

මීතොටමුල්ල අනතුරෙන් මියගිය අයට අපි නිවන් සුව පතමු. අපිරිසිදු පරිසරය නිසා රෝගී තත්වයට පත්වන පලාතේ ජනතාවගේ වේදනාව අපට දැනෙන නමුත් අපට ඒ ගැන කල හැකි දේ සීමිතය.
nalaka godahewa 

ඇඩ්මින් - Amisha ( cassano di'Adda ) Milano Italy
යහපාලනයේ ඔනැ එපාකම් නිසා අපේ පැරණි ෆෙස්බුක් පිටුව එහි සිටි සාමාජිකයන් 130000 සමග අතුරුදන් වී ඇති අතර මෙන්න අපේ නවතම ෆෙස්බුක් පිටුව like කර නොමැතිනම් like කර සෙට් වන්න සැමට කලින් සත්‍ය දැන ගන්න

මෙම පුවත තවත් කෙනෙක්ට බලන්න Share කරන්න
යාපනය කොටුවෙන් සෙබළුන් මුදාගත්
 “සුයිසයිඞ් එක්ස්ප්‍රස්” මෙහෙයුම
++++++++++++++++++++++++++++++


“මගේ දේශය.... මගේ ජාතිය,
මගේ ආගම.... මට ලබාදුන් ත්‍යාගයයි....
චණ්ඩ මාරුතයේ නොසෙල්වෙන
චින්තනය නිවහල්....

නිවටයින්ගේ දෙපා අභියස
බියෙන් හැකිලී නැමී යානම්
එවන් සිරුරක් කුමකටද මට
ගෙලෙන් සිඳ එය ඉවතලනු මිස....”


දශක තුනකට ආසන්නව පැවැති කුරිරු යුද්ධය අවසන්වී ඇත. උතුරුකරයේත් දකුණුකරයේත් ජනතාව අද නිදහසේ ජීවත්වෙති. ඒ නිදහස ලබාදීමේ ගෞරවය හිමිවෙන්නේ ජීවිත පරිත්‍යාග කරමින්, සතුරු කුමන්ත්‍රණ පරාජයට පත් කරමින් එඩිතරව ඉදිරියට ගිය දේශයේ සිංහ පැටවුන්ටය. ඔවුන් කළ ආත්ම පරිත්‍යාගයන්ටය.
1
අද යුද්ධය පිළිබඳව බොහෝ කතා ඇසේ. එහෙත් එදා මුළු ලක්වාසීන්ම මරණ බියෙන් තැතිගෙන සිටි බව අප අමතක නොකළ යුතුය. ඒ නිසාම අපි දේශයේ මුරදේවතාවුන් සතුරාගෙන් සිය මව්බිම බේරාගත් වික්‍රමාන්විතයන් පිළිබඳ සටහනක් තබන්නෙමු. ඔවුන්ගේ ලේ, කඳුළු, දහඩිය තුළින් ජාති, ආගම්, භේදයකින් තොරව කළ කැපකිරීම් පිළිබඳව සටහන් තබන්නෙමු. වෙඩි හඬ, බෝම්බ හඬ පරයා නිවහල් දේශයක් ගොඩනැගීමට කැපවූ නියමුවන්ගේ ආත්ම පරිත්‍යාගයන් පිළිබඳ සටහන් තබන්නෙමු.

එම වීර වික්‍රමාන්විතයෙන් පිළිබඳව කතා කිරීමට සතුරාගේ උණ්ඩයට පපුව දුන් දේශයේ පුත්‍රයෙකු වූ කර්නල් රාජ් වීජේසිරි මහතා සම්බන්ධ කරගත්තෙමු. එය 1990න් ඇරඹි දශකය වූවේය. ඒ වනවිට යාපනය නගරය පුරා ත්‍රස්තවාදීහු සන්නාහ සන්නද්ධවී සිටියහ. යාපනයේ කොටුව තුළ පොලිස් නිලධාරීන්, හමුදා නිලධාරීන්, බැංකු නිලධාරීන් සිරවී සිටි අතර මුදල් සහ රත්‍රන් භාණ්ඩ ද විය. ත්‍රස්තවාදී ප්‍රහාර හේතුකොට ගෙන ඔවුනට එළියට ඒමට නොහැකි විය.
මේ පිරිස බේරා ගැනීමට දිවා කාලය නුසුදුසු විය. හේතුව ත්‍රස්තයන්ගේ ඉලක්කයන් වීමය. මිනිස් ජීවිතවල වටිනාකම මිල කළ නොහැකිය. ඒ නිසා කෙසේ හෝ ඔවුන්ව බේරාගත යුතුය. ඒ සඳහා වූ මෙහෙයුම් සිදුකළ යුත්තේ ද රාත්‍රියේය.

මේ අසීරු කර්තව්‍ය සිදුකිරීම විශේෂ බළකා සෙබළුන්ට බාරවිය. කළපුවත්, රාත්‍රියත් භාවිතයට ගත් විශේෂ බළකා සෙබළු ඒ අසීරු කර්තව්‍ය ත්‍රස්ත ඇසට වැලි ගසා සිදු කළහ. මිනිස් ජීවිත හා රාජ්‍ය දේපල ත්‍රස්ත ග්‍රහණයෙන් නිදහස් වූවේය.

ඒ රණකාමී වික්‍රමාන්විතයේ වගතුග කර්නල් රාජ් විජේසිරි විස්තර කළේ මෙසේය.

● මොන කාලයේ ද කොහේ ද මේ මෙයෙහුම සිදු කළේ?
1990 වසරේ යාපනය කොටුව ප්‍රදේශයේ.


● මොකක්ද මේ මෙහෙයුමේ නම?
සුයිසයිඞ් එක්ස්ප්‍රස්.


● ඇයි ඒ නම මෙහෙයුමට දැම්මේ?
මේක බැරූරුම් මෙහෙයුමක්. රාත්‍රී කාලයේ සිදුකළ යුතු වුණේ. මිනිස් ජීවිත හා දේපල බේරාගැනීම සූක්ෂමව සිදුකළ යුතු වුණා. ඇත්තටම තමන්ගේ ජීවිත නැතිකර ගන්නවා වගේ අවදානමක සිටයි මෙහෙයුම සිදුකළ යුතු වුණේ.


● කවුද මෙහෙයුමට සම්බන්ධ වුණේ?

මේජර් ජනරාල් ඩෙන්සිල් කොබ්බෑකඩුවගේ ප්‍රධානත්වයත් බි්‍රගේඩියර් විජය විමලරත්නගේ සහයෝගයෙනුත් මේ මෙහෙයුම ආරම්භ වුණේ. එය සැලසුම් කළේ මේජර් හෙට්ටිආරච්චි සහ 2 වැනි අණදෙන නිලධාරී ලෙස ක්‍රියා කළ මේජර් ජයවි ප්‍රනාන්දු.
මේ මෙහෙයුමේ මූලික කටයුතු කර්නල් ලෆිර්ගේ බ්‍රාවෝ බලගණයට බාරවුණා. ඊට ලෙෆ්ටිනන් සුජිත් කද්ගොඩආරච්චි සහ ලෙෆ්ටිනන් ධම්මික හේවගේ සහාය ලබා දුන්නා.

● විශේෂ බළකා සෙබළුගේ සහය ලබාගත්තේ යාපනය කොටුව ප්‍රදේශය අල්ලා ගැනීමට ගිය තවත් සෙබළ පිරිසක් සහ නිලධාරීන් පිරිසක් බේරාගැනීමට. මොකක්ද ඒ මෙහෙයුම?

යාපනේ කොටුවේ මෙහෙයුමක් සිදුකරලා යාපනය රෝහල් ප්‍රදේශය අල්ලාගැනීමයි ඔවුන්ගේ අදහස වෙලා තිබුණේ. එවකට ආරක්ෂක ඇමැති හිටියේ රන්ජන් විජේරත්න මහත්තයා. ඔහුගේ උපදෙස් මතයි ජනරාල් කොබ්බෑකඩුව ඒ මෙහෙයුම දියත් කළේ.


● කවුද ඒ මෙහෙයුමට එකතුකර ගත්තේ?

ෂ වැනි සිංහ රෙජිමේන්තුව ගත්තා. එහි අණ දුන්නේ ජනරාල් ෆොන්සේකා. ඔහු එවකට කර්නල්වරයෙක්. ඊට අමතරව ෂ වැනි ගජබා රෙජිමේන්තුව භාවිතා කළා. එහි අණ දෙන්න හිටියේ කර්නල් ගෝඨාභය රාජපක්ෂ. මේ දෙන්නගේ අණ දීම යටතේ ෂ සිංහ රෙජිමේන්තුව සහ ෂ ගජබා රෙජිමේන්තුව මෙහෙයුමට සම්බන්ධ කරගත්තා. 


● ඒ මෙහෙයුම ආරම්භ වුණේ කොහොමද?

මුලින්ම යාපනය කොටුව අසල ඇති ටෙලිකොම් කුළුණ පැත්ත අල්ලාගැනීමට ෂ සිංහ රෙජිමේන්තුව මෙහෙයුම දියත් කළා. ෂ ගජබා රෙජිමේන්තුව මෙහෙයුම දියත් කළේ ඊට විරුද්ධ පැත්ත අල්ලා ගැනීමට. (මාකට් එක පැත්ත). ඒ වෙද්දි එල්.ටී.ටී.ඊ. එක පොළව යට බංකර් හදාගෙන වටේ බිල්ඩින් අල්ලාගෙන සන්නද්ධ වෙලා ඉඳලා තිබෙන්නේ. ඒ නිසා අපේ හමුදා සෙබළුන්ට මීටර් 75ට 80ට එහායින් යන්නට හම්බ වුණේ නෑ. සියයකට ආසන්න සෙබළුන් ප්‍රමාණයක් ත්‍රස්ත ප්‍රහාරයන්ට ගොදුරු වුණා. එහිදී සෙබළු 20ක් 30ක් විතර මරණයට පත්වුණා. ඒ විදියට මියගිය සෙබළුන්ගේ සමහර මළ සිරුරු ලබාගැනීමට පවා නොහැකි වුණා. හේතුව ඒ මළ සිරුරු ගැනීමට ගිය සෙබළුන්ටත් ත්‍රස්ත ප්‍රහාරයට ගොදුරු වීමට සිදුවීම.

මේ වනවිට හෙලිකොප්ටර්වලටත් කොටුවට ඒමට නොහැකි තත්ත්වයක් උදාවෙලා තිබුණේ. ඒවාටත් එල්.ටී.ටී.ඊ. එකෙන් වෙඩිතියන්න පටන්ගත්තා. මේ අවස්ථාවේදී තමයි බි්‍රගේඩියර් කොබ්බෑකඩුව විසින් ෂ වැනි විශේෂ බළකායේ අණ දෙන නිලධාරියාව සිටි මේජර් හෙටිට්ආරච්චිට උපදෙස් දුන්නේ විශේෂ බළකා සෙබළුන් කොටුවේ සිරවී සිටින පිරිස මුදවා ගැනීමට යොමු කරන්න කියලා. මේ වෙනකොට අපේ විශේෂ බළකා සෙබළුන් නැගෙනහිර ප්‍රදේශයේ මෙහෙයුමක් සාර්ථකව නිමකරමින් සිටියේ. ඒත් සමගමයි අපිට යාපනය කොටුව මෙහෙයුමට සම්බන්ධ වෙන්න සිද්ධ වුණේ.

● විශේෂ බළකා සෙබළු කොහොම ද ඒ මෙහෙයුම සැලසුම් කළේ?
මුලින්ම අපිව පලාලිවලට එක්කරගෙන ආවා. ඊට පස්සේ කයිට්ස්වලට ගියා. ඊළඟට මණ්ඩතිව්වලට ගිහින් එතනින් චිරුතිව්වලට රැගෙන ගියා. එතනින් තමයි අපි මෙහෙයුම ආරම්භ කළේ. එහිදී අපට පැවරුණේ කොහොම හරි යාපනය කොටුවට ගිහිල්ලා එහි හිරවෙලා හිටපු පිරිස සහ තුවාලකරුවන් මණ්ඩතිව්වලට ගෙන්වා ගැනීම.


● කවුද මීට සම්බන්ධ වුණේ?
අපේ බළගණ 4ක් තිබුණා. ඇල්ෆා, බ්‍රාවෝ, චාලි, ඩෙල්ටා කියලා. ඒකෙන් ඇල්ෆා බළගණයේ අණදෙන්නා ලෙස මේජර් ප්‍රශන්න සිල්වා කටයුතු කළා. ඔහුගේ යටතේ තවත් නිලධාරීන් කීප දෙනෙක් හිටියා. බ්‍රාවෝ බළගණයේ අණදෙන්නා විදියට කටයුතු කළේ මේජර් ෆස්ලි ලෆීර්. චාලි බළගණයට අණදුන්නේ මේජර් මහේෂ් ජයසිංහ. ඩෙල්ටා බළගණයට අණ දුන්නේ මම.


● කොහොමද මෙහෙයුම දියත් කළේ?
මුලින්ම චාලි බළගණය කොටුව දෙසට ගමන් ගත්තා. අපි රාත්‍රියයි කොටුවට ඇතුළුවීමට භාවිතා කළේ. ඒ වගේම කළපුව දිගේ තමයි අපිට යාමට සිදුවුණේ. මේ විදියට චාලි බළගණය මුලින්ම කොටුව දෙසට ඇතුළු වුණා. එහිදී එල්.ටී.ටී.ඊ එක ප්‍රහාර දියත් කළා. අපේ සෙබළුන් කීප දෙනෙක් තුවාල ලැබුවා. ඒත් සෙබළු පසුබැස්සේ නෑ. කොහොම හරි කොටුවට ඇතුළු වුණා.

ඔවුන්ට පවුර පල්ලෙහා ප්‍රදේශයක් අල්ලා ගැනීමට හැකි වුණා. ඊට පස්සේ ඇල්ෆා, බ්‍රාවෝ සහ ඩෙල්ටා කියන අපේ බළගණ තුනත් කොටුවට ඇතුළු වුණා. අපි කොටුවට ඇතුළු වීමෙන් අපේ පළවෙනි අරමුණ ඉටු වුණා. ඒ අරමුණ ඉටුකර ගත්තේ එල්.ටී.ටී.ඊ. ප්‍රහාරවලට සාර්ථකව මුහුණ දීලා. ඒත් අපේ අටදෙනෙක් විතර තුවාල ලැබුවා.

එදා රෑම අපි සැලසුම් කළා තුවාලකරුවන් සහ සිරවී සිටි පොලිස් නිලධාරීන් ආපසු යවන්න. ඔවුන්ව කළපුව දිගේ රැගෙන ගියා. ඒ වගේම බෝට්ටුවල එනිජින් ක්‍රියාකරවන්නේ නැතිව ඒවත් අපේ සෙබළු තල්ලුකරගෙන ගියේ. හේතුව බෝට්ටුවේ එන්ජිමේ හඬ ඇසුනොත් එල්.ටී.ටී.ඊ ප්‍රහාර සිදුවීම. මේ මෙහෙයුම සිදුකරද්දී පුංචි ශබ්දයක් පිළිබඳව පවා අපට හිතන්නට සිද්ධ වුණා. මේ විදියට අසාධ්‍ය තත්ත්වයේ සිටි පිරිස පිටත් කරලා දෙවැනි දවසේ සිටයි මෙහෙයුමේ ඉතිරිය ක්‍රියාත්මක කරවන්න සිදු වුණේ.


එහිදී යාපනය කොටුව ඇතුළට ආහාර ද්‍රව්‍ය ගෙන ඒම සහ අපේ තුවාලකරුවන් ආපසු යැවීම පිළිබඳවත් කටයුතු කිරීම සිදුකළ යුතු වුණා. හේතුව හැමදාම එල්.ටී.ටී.ඊ. එක “බබා මෝටාර්” එවීම. මහ ශබ්දයක් එක්ක මේ “බබා මෝටාර්” පුපුරණවා. ටෙලිකොම් ටවර් එක පැත්තේ ඉඳන් ඔවුන් ඒවා අපි ඉන්න දිහාවට එවන්නේ. එය වැටෙන ප්‍රදේශයට සෑහෙන විනාශයක් වෙනවා. කාමරයක් වගේ ඇතුළට වැටුණොත් කාමරයම පුපුරලා යනවා. මේ නිසා කොටුවේ සිරවෙලා සිටිය පිරිස කොහෙම හරි රාත්‍රී කාලයේ කොටුවෙන් ආරක්ෂිතව පිටත් කිරීම සිදු කළ යුතු වුණා.

මේ රාජකාරිය පැවැරුණේ බ්‍රාවෝ බළ ඇණියට (මේජර් ලෆීර්ගෙ කණ්ඩායම) සහ චාලි බළ ඇණියට.

ඒ අය රෑ වෙද්දී කළපුවට බහිනවා. ඊට පස්සේ එල්.ටී.ටී.ඊ. එකට කවර් වෙන විදියට ඇළක් දිගේ ගමන් ගන්නවා. එසේ ගමන් ගන්නා පිරිසෙත් විශේෂ බළකා සෙබළු 280ක් විතර සිටියා. කර වටක් වතුරේ බැහැලා ලණුවලින් එකිනෙකා සම්බන්ධ වෙලා තමයි මෙහෙයුම සිදුකළේ. ඒ අය බිම ප්‍රදේශ එහෙම කවර් කරද්දී අපි කොටුවේ උඩ බැම්මේ ඉඳලා (ඩෙල්ටා, ඇල්ෆා) ඒ අයට ආරක්ෂාව සපයනවා.

එහිදී ඨඡඵඨල ඛඵඨ වගේ බර අවි භාවිතයට ගැනීම සිදුකළා. උඩ ඉඳලා අපි ඒවායෙන් එල්.ටී.ටී.ඊ එකට වෙඩි තියනකොට ඔවුන්ට කළපුවේ ඉන්න පිරිසට වෙඩි තියන්න නොහැකි වෙනවා. ඒ උපක්‍රමය භාවිත කරලයි අපි කළපුවෙන් පිටකර යවන අයට ආරක්ෂාව සැපයුවේ. මේ ආකාරයට දවස් කීපයක්ම අපි මෙහෙයුමේ නිරත වුණා. මේජර් ජනරාල් කොබ්බෑකඩුවගේ උපදෙස් පරිදි කර්නල් ෆොන්සේකා, කර්නල් ගෝඨාභය රාජපක්ෂ යන පිරිස මේ මෙහෙයුම නැවත සිදුකරන ආකාරය සාකච්ඡා කළා.

ඒත් ඒ වනවිට එය දිගටම ගෙන යා නොහැකි තත්ත්වයක් තිබුණේ. අවසානයේ රන්ජන් විජේරත්න අමාත්‍යවරයාත් මණ්ඩතිව්වලට ආවා. අපේ අණදෙන නිලධාරීනුත් ඔහුව මුණ ගැසීමට ගියා. එහිදී සාකච්ඡා කර අවසානයට ගත් තීරණය වූයේ මෙහෙයුම අවසන් කර විශේෂ බළකා කණ්ඩායම් ආපසු ගෙන්වා ගැනීම. මෙය බැරෑරුම් සහගත තත්ත්වයක්. හේතුව වුණේ මේ වෙනකොටත් කොටුව ඇතුළේ 1000කට ආසන්න සෙබළුන් සංඛ්‍යාවක් සිරවී සිටීම.

මීට අමතරව පොලිසියේ අය 100කට ආසන්න පිරිසක් හිටියා. ඒ වගේම බැංකු නිලධාරීන් සිටියා. ඒ වගේම ලංකා බැංකුවේ මුදල් මිලියන ගණනක් තිබුණා. ඒ වගේම රත්‍රන් බඩු තිබුණා. පුපුරණ ද්‍රව්‍යත් තිබුණා. මේ සියලු දේ අපි මණ්ඩතිව් වෙත රැගෙන යා යුතු වුණා. එය එල්.ටී.ටී.ඊ. යට නොදැනෙන්න කළ යුතු වුණා. මෙය ඇත්තටම අපිට ලොකු අභියෝගයක්.


● කොහොමද ඒ අභියෝගය ජයගත්තේ?
අපි අපේ කණ්ඩායමක් අත ආහාර ගෙන්වා ගද්දී කොටුව තුළ සිටින පිරිසෙන් 100ක් 150ක් විතර ඒ සමඟ ආපසු යවනවා. රැයකට එහෙම කීප සැරයක්ම දින කීපයක්ම කාණ්ඩ කාණ්ඩ යවලා කණ්ඩායම අඩු කරා.

ඒ කණ්ඩායම අඩු වුණත් අපි එල්.ටී.ටී.ඊ. එකට අපේ කණ්ඩායම අඩු බව නොපෙන්වන්න සුපුරුදු පරිදි වෙඩි තැබීම් සිදුකළා. කිසිවිටකත් අපි යාපනය කොටුව දාලා යන බව ඇඟෙව්වේ නෑ. සිරවී සිටි මිනිසුන් වගේම තිබූ වටිනා දේවලුත් අපි මණ්ඩතිව්වලට යැව්වා.


● මේ කාලසීමාව තුළ මුහුණදුන් අභියෝග මොනවා ද?
ප්‍රධානම අභියෝගය කළපුවේ වඩදිය බාදිය ගැලීම. වතුර මට්ටම හිටපු ගමන් ඉහළට එනවා. අපේ හිටිය හැමෝම උස අය නෙවෙයි. කළපුවේ තැනින් තැන පොඩි පොඩි වළවල් තිබෙනවා. ඒවාට වැටෙන අවස්ථා තිබෙනවා. ඒ නිසා හැමෝම ඉණ වටා කඹයක් ඔතාගෙන සම්බන්ධ වෙලයි කළපුවේ ගමන් ගත්තේ.

ඊළඟ අභියෝගය තමයි එල්.ටී.ටී.ඊ. ප්‍රහාර. අපේ කීපදෙනෙක්ම ඒ ප්‍රහාරවලින් තුවාල වුණා. බර අවිවලින් වෙඩි තියලයි එය යම් ප්‍රමාණයකට පාලනය කළේ.

මීළඟට නැව්, බෝට්ටු සහ ගුවන් යානා ගෙන්වා ගැනීමට නොහැකි වීම තවත් අභියෝගයක් වුණා. හේතුව මීට පෙර ආ සියාමා සෙට්ටි ගුවන් යානයත් එල්.ටී.ටී.ඊ. ය බිමට වට්ටවා තිබුණා. එය කඹ දාලා ඇදලා ගන්න පවා ඔවුන් උත්සාහ කළා. ඒත් අපි ඉන්න දවස්වල ඒකට ඉඩ දුන්නේ නැහැ. ගුවන් යානයේ තිබූ මළ සිරුරු අපි නිදහස් කර ආපසු එවීමට කටයුතු කළා.

කොටුව ඇතුළේ ඉද්දි තිබ්බ අභියෝගය තමයි බබා මෝටාර් එවීම. එහිදී අපි අගල් කපලා, වැලි කොට්ට ගහලා බංකර් හදාගෙන තමයි ආරක්ෂා වුණේ. එකපාරටම කවුරු හරි කෑ ගහනවා “බබා එනවෝ” කියලා. එතකොට අපි දැනගන්නවා බබා මෝටාර් එකක් එනවා කියලා. එතකොට කන බොන ඒවා පැත්තකට විසිකරලා බංකරය ඇතුළට දුවනවා. එළියේ හිටිය නම් තුවාල වීම හෝ ජීවිතක්ෂයට පත්වීම සිදුවෙනවා.

තවත් අභියෝගයක් තමයි එල්.ටී.ටී.ඊ එකේ හිටපු සැඟවුණ වෙඩික්කරුවෝ. අපි කොටුවේ සමහර තැන්වලින් යද්දි ඔවුන්ගේ වෙඩි ප්‍රහාරවලට ලක්වුණ අවස්ථා තිබුණා. කීප දෙනෙක් ඉන් ජීවිතක්ෂයටත් පත්වුණා.

අපෙත් සැඟවුණු වෙඩික්කරුවෝ සිටියා. කර්නල් දයා රාජසිංහ යටතේ සැඟවුණු වෙඩික්කරුවෝ (ස්නයිපර්) කණ්ඩායමක් පුහුණුවෙලා සිටියා. ඔවුන් එල්.ටී.ටී.ඊ එකටත් වෙඩි තියලා ලොකු හානියක් සිදුකළා.


● කොහොමද මෙහෙයුම අවසන් කළේ?
පෙර කී පරිදි කොටුවේ සිරවී සිටි සියලු දෙනා සහ තිබුණ වටිනා දේ මණ්ඩතිව් වෙත යැව්වා. ඊට පස්සේ උදා වූ අවසන් දවස හරිම තීරණාත්මකයි. මේ වනවිට කොටුව ඇතුළේ හිටියේ විශේෂ බළකායේ කණ්ඩායම් හතර විතරයි. අපේ ඉංජිනියර්ස්ලා බාරව හිටියේ මේජර් ආනන්ද චන්ද්‍රසිරි. එයාට වගකීම පැවරුවා ගෙනියන්න බැරි උපකරණ පුපුරවා හරින්න. එය ටයිමින් අනුව පුපුරන්නයි සූදානම් කළේ.

අපි මණ්ඩතිව්වලට ළඟා වුණාට පසුව එය ටයිමින්වලට අනුව සිදුවන ආකාරයට සෙට් කරලා චාලි බළගණයට කොටුවෙන් පිටත්වීමයි අවසාන සැලසුම වුණේ. අන්තිම දවසේ රාත්‍රියේ අපි කොටුවේ තිබූ උමං දිගේ ගමන් කළා. කිසිවෙක් නෑ. අපේ අඩි ශබ්දය විතරයි අපිට ඇහුනේ. හරියට හොල්මන් ගෙයක් ඇතුළේ දුවනවා වගේ. අමුතු භයංකාර හැඟීමකුත් ආවා ඒ වෙලාවේ. එදා රෑ උමං ඔස්සේ ගමන් කරලයි කළපුවට අවතීර්ණ වුණේ. අවසන් අවස්ථාවේ චාලි බළගණයත් රැගෙන මේජර් උපුල් වීරසිංහ වෙඩි නූල් පත්තු කරලා කොටුවෙන් පිටත්වුණා. අපිට මණ්ඩතිව්වලට කිට්ටුවෙන්න පැය තුනක් පමණ ගියා. ඊටත් පැය 1 1/2ට විතර පස්සේ තමයි (පාන්දර එකට දෙකට පමණ) කොටුව ඇතුළේ මහා පිපිරුම් හඬක් ඇසුණේ. පැය ගාණක් එය පත්තු වුණා. ඒ වෙලාවේ අපි එල්.ටී.ටී.ඊ. එකේ රේඩියෝවලට ඇහුම්කන් දුන්නා.

එයාලා කතා වුණේ ආමි එකේ බෝම්බයක් පිපිරිලා ලොකු විනාශයක් වුණා කියලා. ඒ වෙද්දිත් අපි කොටුවෙන් එළියට ඇවිත් සිටි බව ඔවුන් දැන සිටියේ නෑ. අපි දුරදක්නවලින් දැක්කා එල්.ටී.ටී.ඊ එක ඇවිත් ඒ අවට පරීක්ෂා කරන ආකාරය. මේ ආකාරයට සියලුම සෙබළුන් ඉවත් කරගෙන කඳවුර අතහැරලා එන කටයුත්තට සති තුනක් විතර ගියා. විශේෂ බළකා සෙබළුන් 500ක් පමණ මේ කටයුත්තට සහභාගී වුණා.


● මෙහෙයුමට භාවිත කළ ආයුධ මොනවා ද?
අපි බර අවි හැටියට භාවිතා කළේ ජී.පී.එම්.ජී. අවි, එල්.එම්.ජී. අවි (සුළු යාන්ත්‍රික අවි). ඊට අමතරව ස්නයිපර්ස් අවි භාවිතා කළා. මිලිමීටර් 60 මෝටාර්ස් භාවිතා කළා. ඇතුළේ මිලිමීටර් 80 මෝටාර්ස් තිබුණා. රොකට් ලෝන්චර්ස් තිබුණා. ආර්.පී.ජී. අවි භාවිතා කළා. ඒ වගේම ටී56 අවි භාවිතා කළා.


● මේ වෙද්දි එල්.ටී.ටී.ඊ. එක කොතරම් ශක්තිමත් ද?
අපේ ශක්තිමත් පාබල හමුදාවක් තිබුණා. ඔවුන්ට නොහැකි වුණා එල්.ටී.ටී.ඊ එකට ගහන්න. ඒ වෙද්දි සෑහෙන බංකර් හදාගෙන, ආයුධවලින් සන්නද්ධ වෙලයි ඔවුන් හිටියේ. රේල් පීලි, යකඩ පතුරු පවා ඔවුන්ගේ බංකර් හදන්න භාවිත කරලා තිබුණා. ඇත්තටම අපේ විශාල පිරිසක් ඉඳලත් යාපනය රෝහල් ප්‍රදේශය අත්පත් කර ගැනීමට නොහැකි වුණේ එල්.ටී.ටී.ඊ එක එතරම් ශක්තිමත් නිසා.

මේ කාලයේදී තමයි සාම සාකච්ඡා බිඳ වැටිලා යුද්ධයේ දෙවැනි අදියර පටන් ගත්තේ. කලවංචිකුඩි වැනි ප්‍රදේශවල තිබ්බ පොලිස් ස්ථාන ඔක්කොම ඔවුන් අල්ලා ගත්තා. එවැනි ශක්තිමත් බවක් උතුරේ සහ නැගෙනහිර සිටි ත්‍රස්වාදීන්ට තිබුණා.

ඝන අන්ධකාරය, සීතල මුහුදු වතුර, මැසි මදුරු උවදුරු, සතා සර්පයාගේ අනතුරු සියල්ලක් මැද ත්‍රස්ත ප්‍රහාර මැඩ පවත්වමින් ජීවිතය පරදුවට තබා විශේෂ බළකා සෙබළු සිදු කළ එක් වික්‍රමාන්විතයක් එසේ අවසන් වුවේය.
මෙම පුවත තවත් කෙනෙක්ට බලන්න Share කරන්න
මුලතිව් සටනේ ආගිය තැන් වීඩියෝ සහිතව විස්තරාත්මක හෙලිදරව් (Sri Lanka Army )
තවකෙනෙකුට බලන්න share කරන්න
අපේ විරෝධාර විරුවනට උපහාරයක්ම වෙවා



ඇඩ්මින් ( අමිෂා ) Cassano di Adda - Milano
විශේෂ ඉස්තුතිය බන්ඩාගේ කුණුබක්කිය youtube චැනලට





මෙම පුවත තවත් කෙනෙක්ට බලන්න Share කරන්න
“මහින්ද සුලඟයි මහින්ද සුවඳයි” එයි ! මෛත්‍රි ඇතොත් අපිත් නෑ

      


“මෛත්‍රිත් එක්ක මහින්ද එක්වුවත් අපි වෙනමම පක්ෂයකින් පළාත් පාලන මැතිවරණයට එක්වෙනවා. ආයේ මෛත්‍රිපාල සිරිසේන සමඟින් කිසිදු ගනුදෙනුවක් නෑ.ඉදිරි පළාත් පාලන මැතිවරණයේ දී ගාල්ල දිස්ත්‍රික්කයේ හිටපු සන්ධානයේ පාළාත් පාලන මන්ත්‍රිවරු 152 දෙදෙනාගෙන් 130 දෙනෙකු පමණ ස්තිර වශයෙන්ම ශ්‍රි ලංකා නිදහස් පක්ෂය ප්‍රමුඛ සන්ධානයකින් තරඟ නොකරන බව” ගාල්ල දිස්ත්‍රික් මන්ත්‍රි සන්සදයේ කැදවුම්කරු හිටපු ප්‍රාදේශිය සභා මන්ත්‍රි සේන කලහේවත්ත පවසයි.

ඔහු එසේ පැවසුවේ ඊයේ (27) ගාල්ල කඡ්චුවත්ත පුරාණ විහාරස්ථානයේ දි පැවැති ගාල්ල දිස්ත්‍රික් පළාත් පාලන මන්ත්‍රි වරුගේ ප්‍රධානත්වයෙන් පැවැති මාධ්‍ය හමුවක දීය.

එහිදි අදහස් දැක්වූ ප්‍රාදේශිය සභා මන්ත්‍රි සේන කලහේවත්ත,

අපේ මන්ත්‍රිවරුන්ට වරදාන හා වරප්‍රසාද ලබාදෙමින් මහින්ද රාජපක්ෂ ජනාධිපති වරයාගෙන් වෙන් කරගැනිමට අපෙන් ගිය මැති ඇමතිවරු කටයුතු කරනවා . එහෙත් අප ස්ථිර වශයෙන්ම මෛත්‍රීපාල සිරිසේන ජනාධිපතිවරයා නායකත්වය දරණ නිදහස් පක්ෂයෙන් තරඟ කරන්නේ නෑ .ශ්‍රි ලංකා නිදහස් පක්ෂය යනු කොළඹ ඩාර්ලිපාරේ පිහිටි පක්ෂ මුලස්ථානයේ බෝඞ් ලෑල්ල නෙමෙයි .

මෙහි දි අදහස් දක්වු නාගොඩ ප්‍රාදේශිය අජිත් එඬේරච්චි ,

අප පක්ෂය මං කොල්ලකාරයන් අතට පත්ව තිබෙනවා.ස්ථිර වශයෙන් ම කියනවා අපි තරඟ කරන්නේ ශ්‍රි ලංකා නිදහස් පක්ෂයෙන් නෙමෙයි .මේ පක්ෂය දෙකට කඩපු මෛත්‍රිපාල සිරිසේන දෙවරක්ම අප පක්ෂය පරාජය කළා.පක්ෂය කඩාගෙන ගිය පාඩමක් ඉගන්නන්නට මේදා පළාත් පාලන මැතිවරණයේ දි මහින්ද රාජපක්ෂ මැතුමා සමඟ එක් වෙමු. මහින්ද සුලඟයි මහින්ද සුවඳයි මිස කිසිවක් අපට උවමනා නෑ .



මෙම පුවත තවත් කෙනෙක්ට බලන්න Share කරන්න

"සතුරා භීතියෙන් සසළකල විශේෂ බලකායේ දිගු දුර විහිදුම් "
මරණයට අභියෝග කර ජීවිතය ලැබුවෝ 
.(01 කොටස)




සතුරු භුමිය විනිවිද ගොස් මාරක ප්‍රහාර එල්ල කිරීමේ දිගුදුර විහිදුම් සටන් කලාවේ ප්‍රවීණයන් වූ විශේෂ බලකා ඉතිහාසයේ ලියවුනු තවත් එක් කතා පුවතකි මේ...

එවකට මේජර් කුමාර ගල්හේනගේ නිලධාරී අණදෙන වශයෙන් තම කණ්ඩායමට (company) අයත් ලුතිනන් රාජකරුණා සහ සැරයන් මුතුසිංහගේ නායකත්වයෙන් 6දෙනාගේ කණ්ඩායම් දෙකක් විශේෂ මෙහෙයුමකට කැඳවන ලදී. සතුරු අණසක පතුරාගෙන සිටි නැදුන්කර්නි භුමියේ විශේෂිත රැකසිට පහරදීමේ මෙහෙයුම් 02ක් සඳහා ඔවුනට අණ ලැබිණි.
පසුදින ඒ සඳහා ඉදිරි ආරක්ෂක වළල්ල වෙත කිලෝමීටර් 06 සමුහ සතුරු නාශක වෙඩි මගහරිමින් ගමන්කළ ඔවුන් එදින රාත්‍රියේ 10වන පාබල හමුදාවේ බ්‍රාවෝ කණ්ඩායමේ ස්ථානාගත වුහ. 0530පැයට පරිසරයට අනුව වෙස්වලාගෙන ඉදිරි ආරක්ෂක කලාපය වෙත ගමන්කළ ඔවුන් පළමුව සැරයන් මුතුසිංහ ගේ කණ්ඩායමත් දෙවනුව ලුතිනන් රාජකරුණාගේ කණ්ඩායමත් මාමඩුව ප්‍රදේශයෙන් ඉදිරි ආරක්ෂක කලාපයට ඇතුළු වුහ. ඉන් කි.මි.05ක් පමණ ඇතුලට ගිය ඔවුන් උදැසන ආහාරය එහිදී ලබහත්හ. තවත් කි.මි.05ක් පමණ ගොස් දිවා ආහාරයද ලබාගත් ඔවුන් දැන් සිටින්නේ සතුරාගේ ක්‍රියාකාරිත්වය ඉහල භූමියක නිසා වඩාත් ප්‍රවේසම් වුහ. එවන් විටක "ගොළුවා " ලෙස ආමන්ත්‍රණය කරන සයිලන්සර් යෙදු MP 5 අවිය යොදාගැනීමට ඔවුන් නිතර ප්‍රවේසම් වුහ. හරි හැටි යටිරෝපනයක් නොමැති මේ කැලේ තුල දිව කාලයේ ගමන් කිරීම මරණයට ඇත වැනීමකි. නමුත් විශේෂ බලකායෙන් ලද පුහුණුව එම අභියෝග ජයගැනීමට ඔවුන්හට ආශිර්වාදයක්ම විය. හදිසියේම ඉදිරියේදී හමුවුන පාරවල් දෙක අසල විනාඩි 45ක් පමණ විමර්ශනය කල ඔවුන් ඉන් පසුව එය හරහා ගියෝය. මෙහිදී කුඩා බංකරයක් සහ පැල්කොටයක් ඔවුන්ගේ ඇස ගැටිනි. එහි කිසිවෙකු නොසිටි නමුත් අතුගා ඇති පාරවල් දුටු ඔවුන් වහාම ඉන් ඉවත් විය.
හිරුගේ උණුසුම ගෙවී යාමෙන් පසුව එදින රැය පහන් කරන්නට එකලඟ ගස් ඇති තැනක් තෝරාගෙන රය පහන් කළෙමු. දිවා කාලයේ දැඩි හිරු රශ්මිය විදි නිසාම රතිරියේ කිහිපදෙනෙකු මුත්‍රා දැවිල්ල සැදී තිබු නමුදු මුවින් ශබ්ධ නොනගා එය ඉවසා දරාගැනීමට මෙම විශිෂ්ටයන් හට සිදුවිය. පසු දින පාන්දර 0530පැයට සැරයන් මුතුසිංහ තම කාණ්ඩය සමග රැකසිට පහරදීමට පිටත්විය. 0630පමණ ලූතිනන් වරයාගේ කන්ඩායමද ආදාල රැකසිට පහරිමට පිටත් වුහ.මේවන විට ඔවුන් කි.මි.15ක් පමණ පැමිණ සිටියහ. හදිසියේ ඉදිරියෙන් විවුර්ත භූමියක් ඔවුන්ගේ අස ගැටිණි. පැයක් පමණ කාලයක් එය නිරික්ෂනයෙන් අනතුරුව දකුණුපසින් කුකුලෙකු හඬලන හඬ ඇසි ඔවුන්ගේ මුහුණේ මතුවුයේ ප්‍රශ්නාර්ථයකි. "ගම්මානයක් ?" ඉන් අනතුරුව ඔවුන් වඩාත් විමසිල්ලෙන් නිරීක්ෂණයේ යෙදුනෝය. ටික වෙලාවකට පසු ගසක් උඩට නැගි සෙබලෙක් අතැති දුරදක්නයකින් දුටුවේ ට්‍රැක්ටර් රථයක් පාරක ගමන්ගන්න අයුරුයි. ඒ අවට වඩ වඩාත් නිරීක්ෂණයෙන් පසුව වැවක් කුඹුරු යායක් ඇති බවත් සිතියම නිරීක්ෂණයෙන් පසු මේ පරප්පම්කන්ඩාල් ගම බවත් ඔවුන් හට පසක් විය. මේ අතර වෙඩි හඬක් දෙවරක්ම ඇසීමෙන් පසු ඒ බව නිලධාරී අණදෙන හට සලකිරීමට ඔවුන් තීරණය කලත් පණිවිඩ හුවමාරු යන්ත්‍රය ක්‍රියාත්මක නොවූ නිසා ඉදිරි ගමන පිලිබඳව අවිනිශ්චිත තත්වයක් මතු විය.
" ඕන දෙයක් අපි යමු " ලුතිනන් වරයා පැවසු විට සියල්ලෝම හිස් වනුහ. එදින රාත්‍රිය සඳ පායා ඇති රැයක් වුනු අතරම සඳ එළියෙන් නැහැවෙමින් නිදහසේ ගමන් කිරීම කිසි සේත් ආරක්ෂිත නොවිය. එයින් මීටර් 300ක් පමණ ඉදිරියෙන් විශාල විදුලි එළියක් ඔවුන්ට ඉහලින් විටින් විට එල්ල වන්නට විය. එයින් ආරක්ෂා වෙමින් වැටි වැටි නැගිටිමින් විටක බඩ ගාමින් ඉදිරියට ඇදුනු ඔවුන් දහවල් දුටු පාරේ මිනිසුන් දෙදෙනෙක් විදුලි පන්දම් දල්වමින් ගමන් කරනු දුටුවෝය. නැවතත් වෙඩි හඬක් ඇසිනි. ඔවුන් පාරට ලං වෙනවා සමගම 'කන්සිටිනා රෝල්' යොදා පාර මෙපිට අවුරා ඇතිබව දක්නට ලැබිනි. A -9 මාර්ගය දෙපසවත් 'කන්සිටිනා රෝල්' නොදමන අතර මෙය ඉතා වැදගත් මාර්ගයක් විය යුතුය. ඒ අසල ලගින් ළඟ ලි ගැසූ ශක්තිමත් වැටක් විය. එය අමාරුවෙන් තරණය කල ඔවුන් පසුව එය නැවත පිළිසකර කලෝය. ඊට මීටර් 400ක් පමණ එපිටින් ලන්තරුන් එළියක් දක්නට ලැබිණි. තව දුරටත් ඉදිරියට ගිය ඔවුන් දකුණු දෙසින් දත් විලිස්සාගත් යක්ෂ දඩබල්ලන් දස දෙනෙක් පමණ සඳට වශීවී ඒ දෙස බලමින් සක්මන් කරමින් සිටියහ. බල්ලන් ඉතා සංවේදී කොට්ටාශයක් වූ නිසා කලබල වුනු අපගේ හද ගැස්ම පවා දැනීමට ඔවුන් සමත් වේ. නිසල පිලි රූ ලෙස නොසැලී සිටි ඔවුන් බල්ලන් පිටත්ව ගිය පසු භුමිය පසු කලෝය. අළුයම 0230පමණ කැළෑ රොදකට පැමිණ එදින රැය පහන් කල ඔවුන් නැවත 0630 පමණ වනවිට ගමන් ඇරඹුහ. බොහෝ දුරක් නිහඬවම ගමන්කළ ඔවුන් සමග සිටි කෝප්‍රල් රත්නායක "අර තියෙන්නේ කනගරායකුලම් ආරුව "යයි රහසින් පැවසිය. කැලෑ බළලුන් සේ ඊට ළගා වූ ඔවුන් පැය එකහමාරක් පමණ නිරීක්ෂණයෙන් අනතුරුව බෝතල් වලට ජලය පුරවාගත්හ. ඉදිරි ගමනේ අතරතුර බංකර් පේලියක් ඔවුන් ගේ ඇස ගැටුණි. නමුත් කිසිවෙකු එහි නොවිය මේ අතර A 9 මාර්ගයේ වාහන වල ශබ්ධ මද වශයෙන් ඔවුන් හට ඇසෙන්නට විය.ඔවුන් ඉදිරියේ වූ නැදුන්කර්නි මාර්ගයේ දකුණු දෙසින් විශාල පිපුරුමක් ඇසිනි. හඬ නංවමින් ගිලන්රථ 02ක් එදෙසට යන බව ඔවුන්ට ඇසුනි. "තවත් SF ඇම්බුෂ් එකක්කද ? " ඔවුන්ට සිතුනි.
එම ස්ථානයේම පය 03ක් පමණ ගතකල ඔවුන් දිව ආහාරය ලෙස බිස්කට් ගත්තෝය. ඉදිරි මාර්ගයට මීටර් 500පමණ ළඟාවූ ඔවුන්ගේ දෙදෙනෙක් ඉදිරි මාර්ග නිරීක්ෂණයට ගොස් පැමිණ ලුතිනන් වරයට තතු දැන්වූ අතර පසුව ලුතිනන් රාජකරුණා සහ කෝප්‍රල් බණ්ඩාර සමග වැඩි දුර නිරීක්ෂණය සඳහා පිටත්ව ගියහ. පැය එකහමාරක් පමණ ගත විය. මේ අතර කොටි රජදහනක් වූ නදුන්කර්නි මාර්ගය අසලින් ලබා ගත වැලි අහුරක් රැගෙන හිස් ග්ලුකෝස් කවරයක බහගත් කෝප්‍රල් ලියනගේ තම කඳවුරේ සගයන්ට පෙන්වීම සඳහා එය රැගෙන යාමට කලිසම් සාක්කුවේ දමාගත්තේය. මේ අතර හදිස්සියේ පැමිණි ලුතිනන් රාජකරුණා සහ කෝප්‍රල් බණ්ඩාර හති දමම්න් ලොවම එපාවූ ලෙසින් "දැක්කා ..අපිව දැක්ක.." ලෙස මිමිණුම් බසින් පැවසිය. පාර නිරීක්ෂණය කරන අතර පැමිණි සිවිල් වැසියෙක් ඔවුන් දැක නොදැකපු ලෙස පා පැදියකින් ගොස් තිබිණි. නමුත් එය එතරම් දෙයක් නොවන බව තරුණ ලුතිනන් වරයාගේ අදහස විය..කාණ්ඩයේ දැඩි පෙරැත්තය මත රැක සිට `පහරදීම මීටර් 200පමණ එහා යොදාගැනීමට ලුතිනන් වරයා එකඟ විය.
මේ වනවිට විශේෂ බලකා කඳවුරේ උදැසන 0630පමණ නිලධාරී අණදෙන වරයාට අණදෙන නිලධාරිගෙන් පණිවිඩයක් ලැබී තිබිණි. "56 ඩිවිෂන් එකේ ටෙරා මොනිටරින් සෙට් එකේ මොනිටර් වෙලා තියෙනවා ආමි එකේ කට්ටියක් නැදුන්කර්නි අවට ගැවසෙනවා කියල. ආමි එකේ වෙන කවුරුත් ඔච්චර ඇතුලට යන්නේ නෑ. අපේ කට්ටියක් වෙන්න ඇති. කුමා චෙක් කරලා බලන්න " "හරි සර් මම චෙක් කරලා බලන්නම් " මේජර් ගල්හේනගේ පැවසුවද ලුතිනන් රාජකරුණාගේ කණ්ඩයේ රේඩියෝ උපකරණ හෝ සැටලයිට් ෆෝන් එක ක්‍රියාත්මක නොවිය. දිගින් දිගටම 56සේනාංකයෙන් තොරතුරු එවිනි. "පාලමක් ළඟ කට්ටියක් ඉන්නවා අපි දැන් චෙක් කරලා බලන්න යන්නේ "යයි LTTE පණිවිඩ හුවමාරු වලින් පැවසිය. "මොන පාලමද කොහොමද හොයන්නේ පාලම් කීයක් තියනවාද? ටීම් කීයක් බස්සල තියනවද ? " මේජර් වරයා කැළඹුණු මනසකින් පැවසිය. සියාලු කණ්ඩායම් වලට දැනුම්දීමට තීරණය කලද එය කිරීමට නොහැකි වුයේ උදෑසන 06ත් සවස 06අතර කාලය තුල සියලු රේඩියෝ යන්ත්‍ර ක්‍රියා විරහිත කරන බැවිනි. බැටරියේ ආයු කාලය දිගුකොට ගැනීමටත්,මෙහෙයුමේ රහස්‍ය භාවය ආරක්ෂා කරගැනීමටත් මෙය මෙසේ සිදුවිය. කල හැකි කිසිවක් නොවුයෙන් ඔහු අසරණව බලා සිටියේය .......

මතු සම්බන්දයි !
ශ්‍රී ලංකා යුද්ධ හමුදා විශේෂ බළකාය.(SF)
අධිෂ්ඨානයෙන් අභීතව අරමුණ කරා.
මෙය සත්‍ය කතාවකි...  ඉතිරි කොටස් බලාපොරොත්තු වන්න
තව කෙනෙකුට කියවන්න Share කරන්න
Copyright © 2012 Sri Av Tv Network