ඒ බොරුවත් මාට්ටු
බොරු ප්ලාන්ට් කිරීමේ ඊළඟ උත්සාහය සහ වියලේන්ද්රන්.....................
ඔයාලා දකින්න ඇති දෙමළ ජාතික සංධානයේ මඩකලපුව දිස්ත්රික් පාර්ලිමේන්තු මන්ත්රී එස් වියලේන්ද්රන් කියලා කෙනෙක් ගෝඨාභය රාජපක්ෂට සහය දෙන්න තීරණය කරා කියලා ප්රවෘත්තියක් යනවා. ඉතින් ඔන්න ඒ හරහා අපේ සජිත් මහත්තයව කොහොම හරි දිනවන්න ඇප කැප වෙලා ඉන්න කඳවුරේ අය ඔය පළවෙනි ස්ක්රීන්ශොට් එකෙ විදියට නිව්ස් එකක් වටේම ප්ලාන්ට් කරගෙන යන්න ලොකු උත්සාහයක් දරනවා.
ගුරුකන්ද විහාරයේ නායක හාමුදුරුවන්ගෙ ආදාහනය වෙලාවේ ඒ වෙනුවෙන් හඬ නැඟුවෙ නැති පිරිස් වලටත් අනේ මෙන්න බුද්ධාලම්භන ශ්රද්ධාව ඇවිල්ලා. ඒක හොඳයි කියමුකො.
ඉතින් විලට හරියට කසනවනෙ. ඉතින් පොඩ්ඩක් මේ කතාව ඇත්තද කියලා දත්ත වලින්ම නිරීක්ශණය කරලා බලන්න හිතුණා.
කවුද මේ වියලේන්ද්රන් කියන්නෙ? ඔව් කලින් කිව්වා වගේම මඩකලපුව දිස්ත්රික් දෙමළ ජාතික සංධාන මන්ත්රී කෙනෙක්. ඔයාලට මතකද බදුර්දීන් එරෙහිව රතන හාමුදුරුවෝ සත්යග්රහයක් කරන්න පටන් ගත්තා. අන්න ඒ වෙලාවේ උන්වහන්සේගෙ සහයට නැගෙනහිර උපවාසයක් පටන් ගත්ත දෙමළ මනුස්සයෙක්ව මතකද? අන්න එයා තමයි වියලේන්ද්රන් කියන්නෙ. බදුර්දීන්ට විරුද්ධව ඉස්සරහට ආපු දෙමළ ජාතික සංධානයේ එකම කෙනා තමයි වියලේන්ද්රන් කියන්නෙ. රූප රාමු අමුණලා ඇති.
එතකොට මේ ගුරුකන්ද විහාරයේ සිදුවීමත් ඔයාලට මතක ඇති. නායක හාමුදුරුවන්ගෙ ආදාහනය කරන්න කොච්චර සටනක් දුන්නද කියලා ඔයාලා අහන්න දකින්න ඇති. ඊට විරුද්ධව දෙමළ ජාතික සංධානයේ මන්ත්රීවරුන් පිරිසක් කටයුතු කරපු ආකාරය ඔයාලා දකින්න ඇති. ඒ අවස්ථාවක ගත්තු ඡායාරූපයකුත් මෙතන අමුණලා ඇති. ඉතින් ඒ වෙලාවේ ගුරුකන්ද හාමුදුරුවන්ගෙ ආදාහනය කරන්න ඉඩ නොදුන්න දෙමළ ජාතික සංධානයේ මන්ත්රීවරුන් කවුද?
ඉතින් ඕක හොයන් යනකොට පිළිගත්ත news source එකක් ඕනනෙ.. ඔයාලට BBC sinhala ප්රවෘත්ති පිළිගන්න පුලුවන් source එකක්නෙ. එහෙනම් අපි එයාලගෙන් මේ ප්රවෘත්තියට අදාළ වාර්ථාවක් හොයලා ගමු.
ඔන්න ලින්කුව-
https://www.bbc.com/sinhala/sri-lanka-49798687?ocid=socialflow_facebook&fbclid=IwAR1czZSm6wWubxwlpAI6l8nYorE0f1jJ-dMTemr65PhqROCL7eoyTqA1Vpg
මං පොඩි ඡේද කිහිපයක් උපුටලා ගන්නවා මේකෙන්.
//තත්ත්වය මෙසේ තිබියදී 2019 ජනවාරි මාසයේ විහාරභූමියේ නම සඳහන් පුවරුව මාර්ග සංවර්ධන අධිකාරිය විසින් ඉවත් කෙරුණේ, සියලු නාමපුවරු ප්රධාන මාර්ගයේ සිට අඩි 15කට එපිටින් ඉදිකළ යුතු බව පවසමින්. ඉන් පසුව 14 වැනි දා විහාරයට අනවසරයෙන් ඇතුළු වූ පාර්ලිමේන්තු මංත්රී කණ්ඩායමක් (චාර්ල්ස් නිර්මලනාදන්, ශාන්ති ස්කන්ධරාජා සහ එස්. ශිවමෝහන්) ඇතුළු පිරිසක් විසින්, විහාරභූමියේ කොඩිවැල් ගලවා ඉවත්කොට, එහි ටකරම් මඩුවක් අටවා එහි තෛපොංගල් උත්සවය සැමරූ බව, BBC සිංහල සේවය වාර්තා කළා.//
//එසේ අධිකරණ නියෝගය ද නොතකා හරිමින් හින්දු කෝවිලක් පවතින භූමිය තුළ දේහයක් ආදාහනය කිරීම තුළින් කෝවිලේ පවිත්රත්වය අශුද්ධ වු බව පවසන දෙමළ ජාතික සන්ධානයේ උතුරු පළාත් සභා හිටපු මන්ත්රී ටී රවිහරන්, සිංහල භික්ෂූන් වහන්සේ සහ සිංහල ජනතාව සිදුකළ එම ක්රියාව තරයේ ප්රතික්ෂේප කරන බව ද කියා සිටියේය.//
මගෙ ඇස් පෙනීම දුර්වල නිසාද කොහෙද වියලේන්ද්රන් කියන නම මට පෙනුනෙ නෑ. මං හිතන්නෙ ඔයාලට පෙනේවි. මට එහෙම දැක්කොත් පෙන්නන්න හරිද? 🙂
ඉතින් මෙහෙමයි. මේ බොරු ප්ලාන්ට් කරන අය පෙනී සිටින්නෙ ජාතීන් අතර සමගිය, සමානාත්මතාවය, සහජීවනය වගෙ කාරණා වලට.. ඒත් ඉතින් මේ වෙලාවේ සැබෑ නිරුවත එළියට එනවා එයාලා දන්නවා බහුතර සිංහල ජන කොටසෙ අප්රසාදයක් ඔවුන්ගෙ අපේක්ෂකයට තියෙනවා කියලා .. සිංහල මිනිස්සුන්ගෙ කේන්තියට පාත්ර වුන අන්තවාදී දෙමළ සහ මුස්ලිම් චරිත බලෙන් හරි ගෝඨාභයගෙ ඇඟේ ගහලා මඩක් ප්ලාන්ට් කරන්න දරපු උත්සාහයන් ව්යර්ථ වීමේ ක්රෝධය සහ නොසන්සුන්කම මේ පිරිසට තියෙනවා. දැන් උත්සාහ කරන්නෙ අන්තවාදී නොවන දෙමළ සහ මුස්ලිම් අයවත් බොරු සිදුවීම් වලට ඈදලා අන්තවාදීන් කරලා සිංහල- දමිළ/ සිංහල- මුස්ලිම් විරසකය හදන්න.
ඉතින් ඇත්තටම මේ දේවල් කරන්නෙ ඇයි? සිංහල ඡන්ද එක පැත්තකට ආකර්ශනය වෙනකොට එයාලා බයයි කවදත් එයාලට ලැබෙන දෙමළ මුස්ලිම් ඡන්ද පදනම දෙදරයි කියලා. සිංහල මනුස්සයා තුළ දෙමළ මුස්ලිම් මනුස්සයා කෙරෙහි බයක් ඇති කරලා, දෙමළ මනුස්සයා තුළ සිංහල මනුස්සයා කෙරෙහි බයක් ඇති කරලා, මුස්ලිම් මනුස්සයා තුළ බහුතර සිංහල දෙමළ මනුස්සයා කෙරෙහි බයක් ඇති කරලා මේ රටේ ජාතික සමගිය ගොඩ නගනවා කියලා අන්තවාදී දේශපාලඥයන් කරපු සෙල්ලම මධ්යස්ථව හිතන්න පුලුවන් මුස්ලිම් සහ දෙමළ පිරිස් තේරුම් අරගෙන ඉන්නෙ. මේ බොරු ප්ලාන්ට් කරන අය බයයි ඒ මධ්යස්ථ මිනිස්සුන්ගෙ නැඹුරුවට.
අනිත් කාරණාව තමයි සෝශල් මීඩියා ඇතුලේ කෙනෙක් ගොඩ නගාගත්ත ප්රතිරූපය එක්ක තමන් මොන දේ දැම්මත් කරුණු නොවිමසා ඒවා පිළිගන්න, උස්සගෙන වටේම යන, අවිචාරමත් පිරිසක් ඉන්නවා කියලා මේ සමාජ ජාලා වල icons කියන අය දන්නවා. ඕන බොරුවක්, ඕන විකෘතියක්, ඕන ගොබෙල්ස් න්යායක් සමාජගත කරන්න ඔවුන්ට පුලුවන් කියලා ඔවුන් හිතාන ඉන්නවා. ඔබගෙ නොදැනුවත්වම, ඔබගේ අවිචාරමත් භාවය ඔවුන් ඉත්තන් කර ගන්නවා.
ඉතින් කතාවට හැරෙමු. වියලේන්ද්රන් සහ ගුරුකන්ද නා හිමියන්ගෙ සිදුවීම සම්බන්ධයෙන් ඔබ හිතාමතාව රැවටුනාද? නැත්නම් අවිචාරමත් බව නිසා රැවටුනාද? නැත්නම් ඇත්ත දැන දැනත් තක්කඩිකමට අනුන්ව රවට්ටන්න උත්සාහ කරාද?
ඔබ සමානාත්මතාවය , ජාතීන් අතර සමගිය , සහජීවනය යන වචන වෙනුවෙන් පෙනී සිටිමින් ඒවා අවභාවිතා කරන අයෙකුද නැද්ද යන තක්සේරුව ඔබ ඔබටම දීගන්න.
සැ.යු-හෙට දිනයේදි මම ෆේස්බුක් අවකාශයේ නොසිටීමට මෙම සටහන සමහර විට හේතුවක් වේවි. නමුත් සත්යය කවදාවත් යටපත් නොවිය යුතුය.
ස්තූතියි.
අනව තප්ත විල
ඇඩ්මින් - Amila ( cassano di'Adda ) Milano Italy
මෙම පුවත තවත් කෙනෙක්ට බලන්න Share කරන්න