දෙනවා කියූ රැකියා කෝ ? උපාධිධාරින් 30000 ක් අනාථයි ..රට පූරාම විරෝධතා සමුළු !
දෙනවා කියූ රැකියා කෝ ? උපාධිධාරින් 30000 ක් අනාථයි ..රට පූරාම විරෝධතා සමුළු !
” රැකියාව අයිතියක් ” සියළු උපාධිධාරීන්ට රැකියා ලබා දෙන ලෙස බලකරමින් පළාත් මට්ටමින් සමුළු ගණනාවක් පැවැත්වීමට , ඒකාබද්ධ රැකියා විරහිත උපාධිධාරි සංගමය තීරණය කර තිබෙනවා . මෙම අවස්ථාවන් සදහා ඒකාබද්ධ ගුරු සේවා සංගමය , අන්තර් විශ්ව විද්යාලිය ශිෂ්ය බල මණ්ඩලය , අන්තර් විශ්ව විද්යාලීය භික්ෂු බල මණ්ඩලය සහ කම්කරු අරගල මධ්යස්ථානයද සම්බන්ධ වේ .
2012 අප්රේල් මාසයේ සිට අද දක්වා රැකියා විරහිතව උපාධිධාරීන් 30000 කට ආසන්න ප්රමාණයක් සිටින බව පෙන්වා දෙන එම සංගමය වැඩිදුරටත් සදහන් කලේ , අවස්ථා ගණනාවකදී උපාධිධාරීන්ට රැකියා ලබා දෙන වැඩපිළිවෙලක් සකස් කරන ලෙස ඉල්ලමින් සාකච්ඡා මෙන්ම විරෝධතා ව්යාපාර පැවැත්වුවද අද වන තුරු ඒ සදහා රජයෙන් සාර්ථක පිළිතුරක් ලැබී නැති බවයි.
මේ වන විට ගුරු පුරප්පාඩු 32000 ක් පවතින බවට අග්රාමාත්යවරයා සහ අධ්යාපන අමාත්යවරයා ප්රකාශ කර ඇති බවත් , එවන් තත්වයක් තිබියදී තවමත් උපාධිධාරීන්ට රැකියා නොදෙන්නේ ඇයි දැයි එම සංගමය රජයෙන් ප්රශ්න කර සිටී .
පුරප්පාඩු විශාල ප්රමාණයක් තිබියදී රජය විසින්
උපාධිධාරීන්ට රැකියා ලබා නොදීමට එරෙහිව , පළාත් මට්ටමින් දැවැන්ත විරෝධතා ව්යාපාරයක් ආරම්භ කරන බවයි එම සංගමය වැඩිදුරටත් සදහන් කලේ .
ඒ අනුව දකුණු පළාත් සභා සමුළුව -ලබන 09 වනදා මාතර තැපැල් කාර්යාල ශ්රවණාගාරයේදී ,නැගෙනහිර පළාත් සමුළුව 12 වනදා මඩකලපුවේදී , 15 වන දින සමගරගමුව පළාත් සමුළුව කෑගල්ලේදීත් පැවැත්වීමට නියමිතයි. උතුරු පළාත් සමුළුව 22 වන දින යාපනයේදීත් , වයඹ පළාත් සමුළුව 29 වනදා කුරුණෑගලදීත් ,මධ්යම පළාත් සමුළුව 30 වනදා නුවරදීත් පැවැත්වෙන බව , ඒකාබද්ධ රැකියා විරහිත උපාධිධාරී සංගමය වැඩිදුරටත් සදහන් කලා.
මෙම පුවත තවත් කෙනෙක්ට බලන්න Share කරන්න